FE02 berariazko gaitasuna: Energia berriztagarrietako behe-tentsio eta erdi-tentsioko instalazio elektrikoen printzipio orokorrak ezagutzea eta aplikatzea.



FE02 berariazko gaitasunaren ikastearen emaitzak:



1. Instalazio elektrikoak osatzen dituzten azpisistema ezberdinak, baita hauen arteko erlazioa ere bereizten du eta beraien adierazpen eskematikoa interpretatzen du.



2.- Esleitutako ezaugarriei eta dagokion erabilerari erreparatuta, tresneria elektrikoa klasifikatu egiten du.



3.- Jasotako jakintza teorikoak aplikatuz, energia ebakuatzeko erabiltzen diren instalazio elektrikoen funtzionamendu erregimena definitzen duten magnitudeak kalkulatzen ditu.



4.- Linea elektrikoen ereduak eta kable elektrikoen portaera aztertuz, hauek definitzen dituzten parametroak interpretatu eta ezagutzen ditu.



5.- Sorkuntza-sistemako babes elektrikoak, behe-tentsioko koadroak, transformadoreak, gelaxkak, eta tentsio-ertaineko ebakuazio-lineak ezagutu, kalkulatu eta aplikatzen ditu.



6.- Energia berriztagarriko sistemetan sortutako uhin elektrikoaren kalitateari eragiten dioten fenomenoak, egoerak eta perturbazioak ezagutzen ditu.



7.- Neurketa esperimentalaren edo simulazioaren oinarrizko metodoak zuzen erabiltzen ditu, eta energia berriztagarrietan erabiltzen diren ebakuazioko instalazio elektrikoekin erlazionatuz, lortutako datuak aurkeztu eta interpretatzen ditu.



G011 Zeharkako gaitasuna: Etengabeko prestakuntza edota ondorengo ikasketak egiteko beharrezkoak diren ikaskuntza abileziak (giza eskubideen eta pertsona guztien aukera-berdintasunaren errespetuan oinarrituak) autonomia-maila handiarekin garatzea.



Zeharkako gaitasunaren ikastearen emaitzak:



8.- Ideiak formulatu, proposamenak eztabaidatu eta erabakiak hartzen ditu-



9.- Nahitaez bete beharreko legeria, espezifikazioak, erregelamenduak eta arauak aplikatzen ditu.



10.- Konponbide teknikoek gizartean eta ingurumenean duten eragina aztertu eta balioesten du, jasangarritasun-irizpideak aplikatuta.

Irakasgaia osatzen duten gaiak hauek dira:



1.gaia.- Energia-sistema elektrikoaren sarrera



2.gaia.- Linea elektrikoak.



3.gaia.- Transformazio-zentroak eta azpiestazioak.



4.gaia.- Behe-tentsioko instalazioak.



5.gaia.- Tentsio-uhinaren kalitatea.

Irakasgai honetan irakaskuntza-metodologia aktiboak erabiliko dira (gela iraulia), ohiko metodologiarekin batera.



Irakaskuntza magistralean, esposizio eskolak, kontzeptuak argitu eta ikasleak irakasgaiaren atal garrantzitsuenetan orientatuko dira; ikasleei informazio aukeratu, ordenatu eta sintetizatua helduaraziz, eta beharrezko denean ikus-entzunezko aurkezpenak erabiliz. Ikaslearen parte-hartze aktiboa suspertuko da.



Gelako praktika, bakarka edo taldeka garatu ahal izango diren ariketa/eztabaida/lanen bidez, ikasleek irakasgaiaren gaiak, sakondu, finkatu eta konprobatuko dituzte



Laborategi praktikak. Laborategiko praktiketan esperimentazioaren bidez ikasleek irakasgaiaren oinarri teorikoak gehitu, sakondu, finkatu eta konprobatuko dituzte. Bakarka edo taldeka garatu ahal izango dira. oinarrizko kontzeptu esperimentalekin gidaturiko praktikak, praktika saioaren aurretik ikasleak praktikari dagokion gidoia izango du.



Garapen Iraunkorreko Helburuak lantzeko ariketak egingo dira ikasleek jasangarritasun irizpideak aplikatu dezaten.

ETENGABEKO EBALUAZIOKO SISTEMA



Irakasgaiaren ebaluazioa etengabeko ebaluazioko sistemarekin egingo da, amaierako proba idatzi bat eta lauhilekoan zehar ebaluazio jarraitua konbinatuz. Kalifikazio tresnak ondorengoak dira:



GARATU BEHARREKO PROBA IDATZIA: (AZTERKETA IDATZIA). Probaren pisua irakasgaiko azken notaren % 60koa da. Idatzizko azterketa izango da. Azterketa deialdirako ezarritako data ofizialean egingo da. Azterketa bi ataletan banatzen da:

a) Garapen galderak edo/eta test galderak

b) Ebatzi beharreko ariketak.

Azterketa idatzia gainditzeko, azterketaren atal bakoitzean, gutxienez 10etik 4 atera behar da.



LABORATEGI ETA LANDA PRAKTIKAK: Praktiken pisua irakasgaiaren azken notaren % 20ekoa da. Etengabeko ebaluazioan gainditutako praktiken emaitzak gordeko dira ezohiko deialdirako. Praktiken saio guztiak dagokien egun eta orduan egitea derrigorrezkoa izango da kalifikazioan 10etik gutxienez 5 ateratzeko.



ENTREGATZEKOAK: Entregatzekoen pisua irakasgaiaren azken notaren % 20ekoa da. Entregatzekoak ikasgai-zerrendarekin erlazionaturiko ariketa edo/eta galdera edo/eta test-galdetegiak edo/eta lanen bakarkako edo taldeko ebazpena dira. Jarduera gela praktiketako orduetan edo gelaz kanpo landu ahal izango da eta beharrezko denean, jarduera egiteko edo entregatzeko, egela plataforma erabiliko da.



Irakasgaiaren azken kalifikazioa aurretik azaldu diren kalifikazioen batura eginez aterako da, baina ondorengo baldintzak betetzea ezinbestekoa izango da batura egiteko:

- Azterketa idatzian, azterketaren atal bakoitzean, gutxienez 10etik 4 atera behar da.

- Laborategiko praktiken saioen % 100 parte hartzea eta laborategi ataleko kalifikazioan gutxienez 10etik 5 ateratzea.

Aurreko baldintzetako bat ez bada betetzen, ez da egingo baturarik. Eta GAUR-eko aktan agerturiko nota azterketa idatzian lortutako nota izango da (10etik) edo 4, bietan txikiena.

Irakasgaia gainditzeko, 5 edo gehiagoko kalifikazio orokorra lortu behar da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.



AZKEN EBALUAZIOAREN SISTEMA



Graduko Titulazio Ofizialetako Ikasleen Ebaluaziorako Arautegiaren 8. artikuluaren arabera, ikasleek eskubidea izango dute azken ebaluazio bidez ebaluatuak izateko. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoa hasten denetik kontatzen hasita. Irakasgaiari dagozkion gaitasun guztiak ebaluatu ahal izateko, irakasgaiaren materia osoa hartzen duen proba bakar bat egingo da. Proba azterketa aldi ofizialean egingo da eta proba horren atalak eta atal bakoitzaren balioak ondorengoak dira:



- Laborategi eta landa praktiken azterketa: Azterketaren pisua irakasgaiaren azken notaren % 20a da. Laborategian egingo den proba esperimentala eta probarekin loturiko galdera edo/eta kalkuluak. Landa-praktikarekin loturiko galderak ere izan ditzake.



- Idatzizko azterketa: Azterketaren pisua irakasgaiaren azken notaren % 80a da. Azterketa bi ataletan banatzen da:

a) Garapen galderak edo/eta test galderak

b) Ebatzi beharreko ariketak.



Irakasgaia gainditzeko ezinbestekoa izango da idatzizko azterketan azterketaren atal bakoitzean, gutxienez 10etik 4 ateratzea eta laborategi azterketan dagokion balioaren % 50eko nota minimoa lortzea. Aurreko baldintzetako bat ez bada betetzen, ez da egingo baturarik. Eta GAUR-eko aktan agerturiko nota azterketa idatzian lortutako nota izango da (10etik), edo 4, bietan txikiena.



Irakasgaia gainditzeko, 5 edo gehiagoko kalifikazio orokorra lortu behar da.



Ikaslea idatzizko azterketara ez bada joaten, deialdiari uko egiten diola ulertzen da.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.



UKO EGITEA



Graduko Titulazio Ofizialetako Ikasleen Ebaluaziorako Arautegiaren 12. artikuluaren arabera, etengabeko ebaluazioaren kasuan, azken probaren pisua irakasgaiko kalifikazioaren %40 baino handiagoa denez, nahikoa izango da proba horretara ez aurkeztea azken kalifikazioa «aurkezteke» izan dadin.



MATERIAL, TRESNA ETA BALIABIDEEN ERABILERARI BURUZKO INFORMAZIOA



Normalean, ebaluazio probetan ikasleek debekatuta izango dute liburuak, oharrak edo apunteak erabiltzea, bai eta tresna edo gailu telefoniko, elektroniko, informatiko edo bestelakoak erabiltzea ere. Behar izanez gero, proba egiteko unean izendatu ahal izango dira debekatutako materialak uzteko tokiak.

Apunteak, ariketak eta laborategi-praktikak eGela bitartez.

Oinarrizko bibliografia

"Instalaciones Eléctricas" A.J. Conejo, McGraw-Hill, 2007.



"Goi-tentsioko aireko linea elektrikoei buruzko erregelamendua". Ministerio de Industria, UPV/EHU, 2011.



"Energia elektrikoa garraiatzeko lineak". M.A. Zorrozua, UPV/EHU, 2003.



"Energia elektrikoaren sistemen analisia eta operazioa". A. Gomez Exposito, UPV/EHU, 2010.

Gehiago sakontzeko bibliografia

"Corrientes de cortocircuito en redes eléctricas". Roeper, Siemens-Marcombo, 1985.

"Maniobras en redes eléctricas". Paraninfo,1994.

"Instalaciones Eléctricas de Baja Tensión" N. Moreno. Thomson.

"Prácticas de Electricidad 4 (Proyectos y Riesgos Eléctricos)". A. Porras, Mc GrawHill, 2006.

Aldizkariak

Ekaia

IEEE Transactions on Power Delivery

Electric Power System Research