Hurrengo konpetentziak landuko dira:

M02CM04- Egituren ezaugarriek beren portaeran nolako eragina daukaten analizatu eta ulertzeko gaitasuna. Egituren erresistentziari buruzko ezagutzak aplikatzeko gaitasuna, egiturak dimentsionatzeko indarrean dauden arauak kontuan hartuta eta kalkulu metodo analitikoak eta zenbakizkoak erabiliz.

M02CM03- Eraikuntza materialen ezagutzak sistema estrukturaletan aplikatzeko gaitasuna. Materialen egituraren eta haren propietate mekanikoen arteko erlazioa ezagutzea.



Zeharkako konpetentziak:

MEC1: Ikasleek frogatzea bigarren mailan landutako gaiak ikasi eta ulertu dituztela, aurretik zekitenetik abiaturik.

MEC2: Bigarren mailako gaien problema espezifikoak modu arrazoituan eta lehen mailan eskuratutako ezagutzetatik abiatuta ebaztea.

MEC3: Problemak ebazteko datu pertinenteak bildu eta interpretatzea, eta ebazpena justifikatzen jakitea, alde zientifiko-teknikoak kontuan hartuta.

MEC4: Ideia eta iritziak eta irakasgaiekin zerikusia duten gai espezifikoak zuzen eta garbi adieraztea idatziz.

MEC5: Oinarrizko gaiei buruzko ezagutzatik abiatuta, gai da aurrera egiteko eta arlo berrietako ezagutzak bereganatzeko.

Tentsioen ikasketara sarrera. Tentsioa, tentsio nagusiak, tentsio egoera laua, tentsio egoera orokorra.

Deformazioak eta erlazio konstitutiboak. Deformazioak eta tentsio-deformazio erlazioak. Estentsometria.

Hutsegite irizpideak. Teoria klasikoen deskribapena eta egituren diseinurako sarrera.

Materialen erresistentziara sarrera. Hipotesi eta oinarrizko printzipioak. Isostatismo eta hiperestatismoa. Masen geometria.

Barne esfortzuak. Barne esfortzuen zehaztapena, hitzarmena eta adierazpen grafikoa.

Esfortzu axiala. Tentsio eta deformazioen analisia. Problema hiperestatikoen ebazpena.

Tentsioak makurduran. Tentsioen kalkulua makurdura hutsean, sinplean, konposatuan eta desbideratuan.

Deformazioak makurduran. Elastikaren ekuazioa. Mohr-en teoremak. Problema hiperestatikoak.

Bihurduraren ikasketara sarrera. Tentsio eta deformazioak bihurduran. Hiperestatismoa.

Gilborduraren ikasketara sarrera. Euler-en formula. Lerdentasun kontzeptua. Diseinu oinarriak.

Egituren analisirako metodo energetikoak. Deformazio energia. Teorema energetikoak. Egituren analisirako aurkezpena.

Metodo matrizialak eta EFMa egituretan. Zurruntasun eta malgutasun metodoa, EFMa. Ordenagailu bidezko analisia.

Klase magistraletan irakasleek irakasgaiari buruzko azalpenak emango ditu. Gelako praktiketan ariketak egingo dira. Ordenagailuko praktiketan, egiturak ebazterako orduan ordenagailua tresna moduan erabiltzeko beharrezkoak diren kontzeptuak azalduko dira, eta ariketa praktikoak egingo dira. Laborategiko praktiketan, ikasleek egiturei buruzko esperientzi praktikoak burutuko dituzte.

Azterketa partzialen bidezko ebaluazioa:



Materia liberatzeko azterketa partzial bat egingo da, nota finalaren %40ko pisua izango duena, bigarren lauhilabeteko 4. astean (2019ko otsaila 10etik 14ra doan astean). Materia liberatzeko, partzial honetan hamarretik (10) lau(4) puntuko nota minimoa lortu behar da.



-Materia liberatu duten ikasleek irakasgaiko gainerako edukiei buruzko azterketa bat egingo dute, ohiko deialdiko azterketaren datan. Bigarren azterketa honek nota finalaren %40ko pisua izango du. Bigarren azterketa honetan hamarretik (10) lau (4) puntuko nota minimoa lortu behar da. Bestela, aktan agertuko den nota bigarren azterketa honetan lortutakoa izango da. Bigarren azterketa honetan laborategiko praktikei (PL) eta ordenagailuko praktikei (PO) buruzko galderak egongo dira.

- Materia liberatu ez duten ikasleek irakasgai osoari buruzko azterketa bat egingo dute, ohiko deialdiko azterketaren datan. Azterketa honek nota finalaren %80ko pisua izango du. Azterketa honetan laborategiko praktikei (PL) eta ordenagailuko praktikei (PO) buruzko galderak egongo dira.



PL eta PO praktiketan lortutako kalifikazioa kontuan izango da baldin eta ikasleak hamarretik (10) lau (4) puntuko nota minimoa lortzen badu ohiko deialdiko azterketaren datan egingo den azterketan (bai materia liberatu duten ikasleentzat, bai materia liberatu ez dutenentzat). Kontrako kasuan, aktan jarriko den kalifikazioa azterketa honetan lortutakoa izango da.







PRAKTIKAK

Laborategiko Praktikak: %10.

Ordenagailuko Praktikak: %10.



ARGIBIDEAK

Edozein aukeratan ikasleek PL eta PO praktikei dagozkien jarduerak burutu beharko dituzte, %20ko pisua izango dutenak



UKO EGITEA: Ohiko deialdiko azterketaren datan egingo den azterketara ez aurkezteak deialdiari uko egitea suposatzen du (bai materia liberatu duten ikasleentzat, bai materia liberatu ez dutenentzat).



Ohiko Deialdea:

Azterketa finala: %80ko pisua. Azterketa honetan kurtsoan zehar garatutako ezagutza teoriko eta praktiko guztiak landuko dira.



PRAKTIKAK:

Laborategia: %10

Ordenagailua: %10



UKO EGITEA: Azterketara ez aurkezteak deialdiari uko egitea suposatzen du.

Klaseko apunteak

Oinarrizko bibliografia

- Gere, J, Timoshenko, S.P. Mecánica de Materiales. 4ª Ed. Thomson. 1998.

- Hibbeler, R.C., Mechanics of Materials. Prentice Hall, 2005

- Vázquez F., M. Resistencia de Materiales. Ed. Noela. Madrid. 1994



- Andoni Sarriegi. Materialen erresistentzia I. Elhuyar. 1989

- Andoni Sarriegi. Materialen erresistentzia II. Elhuyar. 1989

- Ruben Ansola. Elastikotasunaren teoria eta materialen erresistentzia. UEU 2005

Gehiago sakontzeko bibliografia

- Boresi, A.et al. Advanced mechanics of materials. 5ª Ed. Wiley & sons. 1993
- Benham, P.P., Crawford, R.J. Mechanics of engineering materials. 2ª Ed. Prentice Hall, 1996

Aldizkariak