Mekanika, Teknologia espezifikoaren Moduluko gaitasuna:



Elastikotasunaren eta materialen erresistentziaren oinarriak solido errealen portaeran aplikatzeko ezagutza eta gaitasunak.





Ikasketaren emaitzak:

Ikaslea, ingeniaritza mekanikoaren alorretan bere lanbide-garapenean, metodo eta teoria aurreratuen ondorengo aplikazioan ahalbidetzen duten eta, era berean, egoera berrietara egokitzeko aldakortasuna emango dioten, solido errealen portaeran elastikotasunaren eta materialen erresistentziaren oinarriak ezagutu, ulertu eta aplikatu.



Egitura-sistemek eta solido deformagarriak planteatzen dituzten problematiketan metodologia zientifikoaren berezko estrategiak modu egokian aplikatu: egoera kualitatiboki eta kuantitatiboki aztertu, ingeniaritza mekanikoaren berezko problemak ebazteko hipotesiak eta soluzioak planteatu.



Solido deformagarriaren eta egitura-sistemen orekak planteatzen dituen problematikaren ezagutza teorikoak, ebazpen metodoak, emaitzak eta alderdi atxikiak baliabide egokien bitartez adierazi, hiztegi eta terminologia espezifikoak erabiliz.



Taldean modu eraginkorrean lan egin, elastikotasunaren eta materialen erresistentziaren lan propioen garapenean ideiak formulatzeko, proposamenak eztabaidatzeko eta erabakiak hartzeko gaitasunak eta ezagutzak integratuz.



Elastikotasunaren eta materialen erresistentziaren eremuan planteatu daitezkeen egoera problematikoekin erlazionaturiko neurketak, kalkuluak, ikasketak, txostenak eta antzerako lanak egin.

Garatu beharreko edukiak ondorengo atalen arabera ezarriko dira:



1: Sarrera.

Ikasgaiaren eremua. Elastikotasuna eta Materialen Erresistentzia. Egituretako elementuen formak. Estudioaren helburu diren gorputzen izaerari buruzko hipotesiak. Egitura baten analisian oinarrizko etapak. Deformazioei buruzko hipotesiak.



2: Tentsio kontzeptua.

Barne esfortzuak. Tentsio kontzeptua. Tentsio eremua. Tentsio nagusiak. Tentsio egoera bereziak.



3: Deformazioaren teoria orokorra.

Hooke-n legea trakzio egoera uniaxialerako. Tentsio ebakitzaileek sortutako deformazioak. Hooke-n legea ebakitzailerako. Hooke-n legea tentsio egoera lauan eta tentsio egoera triaxialean. Deformazio matrizea.



4: Problema elastikoa.

Elastikotasun laua. Deformazio egoera laua. Tentsio egoera laua. Mohr-en zirkulua.



5: Solido elastikoa.

Ekuazio osagarriak. Trakziozko saiakuntza. Elastikotasun lineala eta Hooke-n legea. Tentsio ebakitzailea eta deformazio angeluarra. Hooke-n lege orokortua. Jatorri termikoa duten deformazioak eta tentsioak.



6: Hutsegite teoriak.

Hutsegite teoriak. Tentsio baliokidea. Tentsio nagusi maximoaren edo Rankine-n irizpidea. Deformazio unitario maximoaren edo Saint-Venant-en irizpidea. Tentsio tangentzial maximoaren edo Tresca-ren irizpidea. Distortsio energiaren teoria (von Mises-en irizpidea). Mohr-en irizpidea.



7: Materialen Erresistentziara sarrera.

Pieza prismatikoa. Esfortzuak eta deformazioak; Navier-en hipotesia. Habe isostatikoak eta habe hiperestatikoak. Esfortzuen diagramak.



8: Esfortzu axial sinplea.

Trakzio edo konpresio sinplean dagoen tentsio egoera. Deformazioak trakzio edo konpresio sinplean. Egitura hiperestatikoak. Tenperaturaren eta aurretiko tentsio eta deformazioen eragina.



9: Makurduraren teoria orokorra. Tentsioak.

Deformazio normalak habeetan. Tentsio normalak habeetan. Habeen sekzio motak. Tentsio ebakitzaileak habe laukizuzenetan. Tentsio ebakitzaileak hegal zabaleko T bikoitz erako habeetan. Tentsio ebakitzaileak habe zirkularretan. Habe konposatuak. Karga axialdun habeak. Makurdura asimetrikoa.



10: Makurduraren teoria orokorra. Deformazioak.

Kurba elastikoa. Momentuen azaleraren metodoa: Mohr-en teoremak. Gainezarmen printzipioaren aplikazioa.



11: Makurdura hiperestatikoa.

Hiperestatikotasun gradua eta erredundante estatikoak. Mohr-en teoremak aplikatuz jarraitu beharreko prozedura orokorra. Elastikaren ekuazio diferentziala aplikatuz jarraitu beharreko prozedura orokorra. Hiru momentuen ekuazioa. Hiru momentuen ekuazioan kasu bereziak. Korapilo (edo lotura) zurruneko egituren kalkulua.



12: Bihurduraren teoria.

Bihurdura barra zirkularretan. Bihurdura ez uniformea. Ebakidura hutsa. E ta G elastikotasun moduluen arteko erlazioa. Potentzia transmisioa ardatzetan. Makurdura eta bihurdura konbinatuak ardatz zirkularretan. Estatikoki zehaztugabeko ardatzak bihurduran.



13: Ezegonkortasuna: Gilbordura.

Karga kritikoa. Euler-en formulak. Zutabeen berma-baldintzak. Euler-en formularen aplikazio eremua.

Teoriako klaseetan irakasgaiaren teoria azalduko da eta irakasgaia arrakastarekin gainditzeko beharrezkoak diren kontzeptu eta eduki teorikoak garatuz joango dira. Irakasleak ariketa ereduak ere egingo ditu.



Mintegiak funtsezkoak dira, materiaren izaera aplikatua dela eta; berauetan, ikasleek aplikazio praktikoko problemen gainean lan egin beharko dute. Klase hauetan talde-lana eta ikasleen partaidetza aktiboa bultzatuko dira.

Konpetentzien ebaluazioa azterketa partzial biren edo/eta azterketa finalaren bitartez egingo da. Bi hauek irakasgaiaren azken notaren %70a osatuko dute. Gainontzeko %30a lauhilabetean zehar egin beharreko entregagarrien notek osatuko dute. Oro har, azterketa eta entregagarriak, batezbesteko nota 5,0 baino altuagoa izan beharko da irakasgaia gainditutzat kontsideratzeko.



Lauhilabetean zehar azterketa partzial bi egingo dira; azterketa hauek gaindituz gero, azterketa finaletik liberatuko dira zati horiek, bai ohiko deialdian zein ez-ohiko deialdian. Azterketa partzial hauetan, nota gordetzeko eta azterketa finalarekin batezbestekoa egin ahal izateko gutxienez nota maximoaren %40a atera beharko da; horretarako azterketa finalean ebaluatutako zatiaren nota maximoaren %40a atera beharko da era berean.



Lauhilabetean zehar zenbait entregagarri ebaluatuko dira; berauetako bakoitzean gutxienez nota maximoaren %40a atera beharko da gainditutzat kontsideratu ahal izateko. Entregagarri hauek gainditzeko hiru aukera egongo dira (kurtsoan zehar, ohiko deialdian eta ez-ohiko deialdian).



Azterketa finaletarako ezarritako edozein deialdi ofizialetara aurkeztuz gero, ikasleari nota jarriko zaio.

https://egela.ehu.es/ helbidean eskuragarri.

Oinarrizko bibliografia

MECÁNICA DE MATERIALES. James M. Gere y Stephen P. Timoshenko. International Thomson Editores. 1998.



MECÁNICA DE MATERIALES. Ferdinard P. Beer y E. Russell Jonhnston, Jr. Mc. GRAW-HILL. 1993.



RESISTENCIA DE MATERIALES. Manuel Vázquez. Editorial Noela. 1994.



RESISTENCIA DE MATERIALES. Luís Ortiz Berrocal. Universidad Politécnica de Madrid. 1980

Gehiago sakontzeko bibliografia

ANÁLISIS ESTRUCTURAL. R.C. Hibbeler. Prentice Hall Hispanoamerica, S.A. 1997.

MECÁNICA DE MATERIALES. Egor P. Popov y Toader A. Balan. Pearson Educación. 2000.

MECÁNICA DE MATERIALES. Anthony Bedford y Kenneth M Liechti. Prentice Hall. 2000.

MECÁNICA DE SÓLIDOS. William B. Bickford. Irwin. 1995.

ELASTICIDAD Y RESISTENCIA DE MATERIALES. José Luis Alcaraz, Rubén Ansola, Javier Canales, José A. Tárrago, Estrella Veguería. Sección de Publicaciones de la E.T.S.I. de Bilbao, 2012.