* Gaitasunak



1. Ezagutu, ulertu eta erabili materialaren erresistentzia eta makina eta mekanismoen kontzeptu eta oinarrizko printzipioak, gero, ikasleek, ingeniaritza mekanikoaren metodo eta teoria aurreratuagoak ikas ditzaten.



2. Metodologia zientifikoaren bereko estrategiak egoki erabili sistema mekanikoetan: egoera ikuspuntu kualitatibo eta kuantitatibotik aztertu, hipotesi eta irtenbideak planteatu mekanikaren berezko ereduak erabiliz.



3. Adierazi egoki sistema mekaniko eta solidoen oreka eta higiduran aurkezten diren problemak, dagozkien hiztegi eta terminologia erabiliz.



4. Lantaldetan modu eraginkor batean lan egin, gaitasun eta ezagutzak emanez ideiak azaltzeko, proposamenak eztabaidatu eta mekanika arloan proposaturiko lanen garapenean erabakiak hartu.



5. Lanean jarrera arduradun eta txukuna izan, eta ikasteko prest, jarrera kritiko eta interesa erakutsiz irakasgairekiko alderdiekin.





* Ikaskuntzaren emaitzak:



Jasotako ikaskuntzaren ondorioz, irakasgairen amaieran, ikasleriak kalkulu eta analisi gaitasunak hartu behar izan ditu, haien artean:



- Era autonomo batean solido zurrun eta elementu mekaniko sinplez osatutako sistemen ereduak egiteari aurre emateko gaitasuna.

- Egitura isostatikoetan, zamak euskarrietarantz nola transmititzen diren ebaluatzeko gaitasuna.

- Habe sinpleetan, zama puntual edota bananduekin, barne indarren aldaketa ebaluatzeko gaitasuna.

- Elementu sinpleetan, tentsioak ebaluatzeko gaitasuna.

- Mekanismo sinpleetan, erreferentzia sistema finko edota mugikorreko, puntuetan eta elementuetan, abiadurak eta azelerazioak lortuz, analisi zinematiko egiteko gaitasuna.

- Higidura lauaren geometria aztertzeko gaitasuna.

- Mekanismo sinpleak analisi dinamikorako gaitasuna.

- Ardatz finkodun solidoen analisi dinamikoa eta errotorren orekatze estatiko eta dinamikoaren ulertzeko gaitasuna.

- Audientzia espezializatu baten aurrean, emaitzak modu ulergarrian azaltzeko gaitasuna.

1. gaia: Indar sistemak

Kalkulu bektorialaren inguruko oinarriak eta eragiketak. Indar batek puntu batekiko eta ardatz batekiko sortzen duen momentuaren definizioa eta ezaugarriak. Indar bikote baten propietateak.Sistema baliokideak eta indar sistema laburtuak.



2. gaia: Oreka estatikoa

Egitura sistemen azterketa eta solido zurrunaren oreka estatikoaren oinarrizko axioma. Lotura kontzeptua. Sistema mekaniko bat bere osagaietan deskonposatzerakoan elementu bakoitzaren gain agertzen direnerreakzioen kalkulua. Egitura isostatikoen analisia eta egitura giltzadur lauen kalkulua.



3. gaia: Marruskadura

Coulumb-en hipotesiaren ikasketa, marruskadura, marruskadura koefizienteak eta marruskadura angeluak aztertzea. Marruskaduraren aplikazio industrialak.



4. gaia: Solido funikularrak

Solido funikularren oreka, indar puntualak eta bananduakjasaten dituzten kableen ikasketa. Katenariak.



5. gaia: Solido zurrunaren zinematika

Partikularen posizio, abiadura eta azelerazio kontzeptuak. Solido zurrunaren oinarrizko mugimenduak: translazioa eta errotazioa. Abiadura angeluar eta azelerazio angeluarren kontzeptuak. Erreferentzia mugikor batekiko puntu baten higidura azterketa, abiadura eta azelerazio arrastreko eta erlatiboak eta Coriolis-en azelerazioa. Erreferentzia mugikor batekiko solidoaren higidura erlatiboaren azterketa, Resal-en azelerazio angeluarra.



6. gaia: Higidura lauaren zinematika

Higidura lauaren bereiztazunak. Aldiuneko biraketa zentroa eta segida abiadura. Oinarri eta erruleta kontzeptuak. Higidura lauaren geometria, abiaduren kalkulu grafikoa. Higidura lauan, errodadura higiduraren azelerazioen azterketa.Azelerazio-poloa eta zirkunferentzia nabarmenak.



7. gaia: Masen geometria

Grabitate zentroa eta momentu estatiko kontzeptuak. Pappus-Guldin-en Teoremak. Inertzia momentu puntu, plano eta ardatzekiko, inertzia biderkadurak. Steiner-en Teoremak. Inertzia tentsorea eta solido baten inertzia norabide nagusiak.

 

8. gaia: Solido zurrunaren dinamika

Oinarrizko magnitude dinamikoak, higidura kantitatea, momentu zinetikoa eta energia zinetikoa. Koenig-en Teoremak. Dinamikaren Higidura kantitatearen, Momentu zinetikoaren eta Energia zinetikoaren oinarrizko Teoremak. Solido zurrunetan, momentu zinetikoaren eta energia zinetikoaren adierazpenak. Inertzia indarraren eta inertzia indarren momentuaren (par giroskopikoaren) kontzeptuak. D'Alembert-en Printzipioaren aplikazioa mekanismoen analisi dinamikoan.



9. gaia: Ardatz finkodun solidoaren dinamika

Solidoen ardatz finkodun batekiko higiduraren azterketa. Euskarrietako erreakzioen lorpena. Errotorren orekatzea.



10. gaia: Higadura lauaren dinamika

Higidura lauan, dinamikaren magnitudeen eta ekuazioen egokitzea.Problema dinamikoen tipologia desberdinen planteamendua eta ebazteko erak. Mekanismo eta makina industrialetarako aplikazioa.



11. gaia: Azalerako inertzia momentuak

Azal lauetan inertzia eta biderkaduren deskribapena. Inertzia ardatz nagusiak eta norabide nagusiak Mohr-en zirkuluaren arabera.



12. gaia: Barne indarrak

Barne esfortzuaren kontzeptua solidoaren sekzio batean. Esfortzu normala (axiala), ebakitzailea eta momentu makurtzailea.Ardatz zuzeneko piezetan esfortzuen diagramen irudikapena.



13. gaia: Tentsio normalak

Tentsio normala eta luzetarako deformazio unitarioa. Tensio eta deformaizouniaxialaren arteko erlazioa. Hook-en Legea. Tentsio eta azal esfortzuen arteko erlazioa.Inertzia plano nagusiko plano batean esfortzu axialagatik eta makurdura hutsagatik sorturiko tentsioak.

Klase magistralak:

Teknikoki interesgarriak diren kasu praktikoak ebazteko beharrezkoak diren oinarri teorikoak azalduko dira.



Mintegiak:

Ariketen ebazpena landuko da, ezagutza teorikoak aplikatuz. Dena den, zenbait mintegi ordenagailu geletan buru daitezke.

Gaitasunen ebaluazioa, ohizko deialdian, prozedura misto baten bidez egingo da. Prozedura hau, azterketa finalak eta etengabeko ebaluazio dituena, era honetan izango da:



* Azterketak: kalifikazio totalaren %80a



+ Lehenengo lauhilabeteari dagokion azterketa garaia:



- Lehenengo Partziala: Gaiak: 1-7. Materia kentzeko, gutxienez 5/10 atera behar da.



+ Bigarren lauhilabeteari dagokion azterketa garaia. Bi kasu ager daitezke:



- Bigarren Partziala: Gaiak: 8-13. Lehenengo partziala gainditu dutenek egin beharko dute. Ikasgaiaren azterketaren azken nota bi partzialen arteko batezbesteko GEOMETRIKOA izango da.



- Finala: Gai guztiak. Lehenengo partziala aurkeztu ez zirenek edo gainditu ez dutenek egin beharko dute.



Informazio osagarria:



- Azterketa guztietan, partzialetan zein finaletan, teoriak 4/10 puntu izango ditu eta ariketen pisua 6/10 izango da.



- Bigarren partziala edo azterketa finala ez egiteak “ez aurkeztua” kalifikazioa ekarriko du.



- Ebaluazioaren kontuetan, ikaslearen araudiari egindako arau-hausteek irakasgai osoan 0.0 nota ekarriko dute.



* Ikaslanak: kalifikazioaren %20a



- Kurtsoaren zehar ikaslanak eskatuko dira (10-en bat).



- Ikasleren batek, ez badu nahi parterik hartu etengabeko ebaluazioan, azterketa final bat egiteko eskubidea izango du. Azterketa hori irakasgaiaren notaren %100 izango da. Eskaera hau bigarren lauhilabeteko laugarren astea baino lehen, idatziz aurkeztu beharko da.

Irakasgaiaren apunteak - Mekanika Aplikatua - Erik Macho

Software GIM: http://www.ehu.eus/compmech/software/

Oinarrizko bibliografia

Mecánica vectorial para ingenieros, Estática. Beer, Johnston. Mc Graw Hill

Mecánica vectorial para ingenieros, Dinámica. Beer, Johnston. Mc Graw Hill



Mecánica aplicada, Estática y Cinemática. Bilbao, Amezua. Síntesis

Mecánica aplicada, Dinámica. Bilbao, Amezua, Altuzarra. Síntesis



Mecánica para ingenieros, Estática. Shames. Prentice Hall

Mecánica para ingenieros, Dinámica. Shames. Prentice Hall

Gehiago sakontzeko bibliografia

Ingeniería mecánica, Estática. Hibbeler. Prentice Hall
Ingeniería mecánica, Dinámica. Hibbeler. Prentice Hall

Estática, Mecánica para ingeniería. Bedford, Fowler. Addison Wesley
Dinámica, Mecánica para ingeniería. Bedford, Fowler. Addison Wesley

Mecánica para ingenieros: Estática y Dinámica. López, Vázquez. Noela

Mecánica de materiales. Gere, Timoshenko, Stephen. Grupo Editorial Iberoamérica.
Mecánica de materiales. Beer, Johnston, Russell. Mc Graw-Hill
Mecánica de materiales. Hibbeler. Prentice-Hall
Mecánica de materiales. Popov. Limusa