Produktuaren diseinua eta materialen zientziaren ezagupena abiapuntutzat hartuta, “Ekoizpen eta Fabrikazio Sistemak” ikasgaiak konformatze metal-mekanikoko eraldaketa prozesuen oinarriak ezartzen ditu, prozesu produktiboan daukaten kokapenaren arabera. Aipatu beharrekoa da ikasgaiaren jarrera multidisziplinarra eta beste hainbat ezagupen arloekin dauzkan harremanak.

Ikasgai honi material batek (batez ere metalak eta bere aleazioak) jasan dituen eraldaketa mekanikoko prozesuetan parte hartzen duten faktoreen identifikazioa eta karakterizazioa dagokio, lehengaia izatetik azken produktua izan arte.

Fabrikazio metal-mekanikoko prozesuak aukeratu, diseinatu eta kontrolatzeko beharrezkoak diren ezagupenak eta trebezia garatzean datza ikasgaian burutzen den lana. Pieza unitarioak zein berdinak diren piezen serie tamaina handiak fabrikatu behar diren kasuetan, malgutasun, produkzioaren kosteak eta ingeniaritzaren beste arloekin dauden harremanak kontutan hartuz.

I. Modulua. Metroteknia

1. Neurketen teknikarako sarrera



II. Modulua: Soldadura

2. Soldadura prozesuen oinarriak

3. Soldadura prozesuak



III. Modulua: Fundizio prozesuak

4. Arezko moldeaketa

5. Molde iraunkorreko fundizioa



IV. Modulua: Konformaketa plastikoko prozesuak

6. Forjaketa

7. Ijezketa, estrusioa eta luzaketa

8. Xafla konformaketa



V. Modulua. Mekanizatua

9. Mekanizazio prozesuetarako sarrera

10. Torneaketa

11. Mekanizazioaren ekonomia

12. Beste mekanizatu prozesuak

13. Artezketa

14. Mekanizatu ez-ohiko prozesuak

Klase magistralak fabrikazio prozesuen inguruko oinarri teorikoak azaltzeko erabiliko dira. Era berean bere kontrol eta garapenarekin zerikusia daukaten materiak aztertuko dira, batez ere ingenieritzako beste arloetan garatuko diren edukinekin. Bestalde, laborategiko praktikak eta zailtasun ertaineko adibide praktikoak ebazteko beharrezkoak diren oinarri kontzeptualak ere ezarriko dira.

Laborategiko eta tailerreko praktiketan klase magistraletan ikusitako hainbat kontzeptu landuko dira kasu bakoitzean dagokion software, tresneria eta makina erabilita.

Tailer eta laborategiko praktikak gehienez 25 pertsonaz osatutako taldetan egingo dira. Talde handia 2, 3 ala 4 (praktika saiaren arabera) pertsonatako talde txikietan banatuko da egin beharreko lana burutzeko.



19/20 ikasturtean zehar COVID-19-aren eraginez emandako krisia dela eta, 20/21 ikasturtean eragina ere eduki dezakeenez, praktikak era ez-presentzialean burutzeko metodologia bat sortu da. Ikasgaiko praktiketan tailerreko makina eta tresneria industriala erabiltzen denez, eta segurtasun distantziak bermatu ahal izateko baliabide telematikoak erabiliz praktika saio birtualak burutzea proposatzen da. Bai praktikak egiteko eta baita entregatzekoak bidaltzeko moduak prestatu dira. Edozein kasutan, proposatutako metodologia krisiaren eboluzioak eta momentuko araudiak baldintzatuta egongo da.

Ohiko deialdiaren ebaluazioa hurrengo irizpideak jarraituta egingo da:

- Ebaluazio bi era egongo dira: jarraia eta finala. Hasieran ikasle guztiek ikasgaia ebaluazio jarraia moduan egingo dute. Norbaitek ebaluazio finala egin nahi badu, irakasleari idatziz komunikatu beharko dio lauhilabeteko lehenengo 9 asteen barruan araudiak esaten duen bezala.

- Klasean azaldutako kontzeptu guztiak (bai klase teoriko-praktikoetan, bai tailer/laborategiko praktiketan) azterketan galdetu ahal denaren barruan daude.

- Ikasleak ikasgaiaren ebaluazioa ez badu egiten (bai ebaluazio jarraia eran edota ebaluazio finala eran), "Ez aurkeztuta" lortuko du bere kalifikazioan laborategiko praktikak egin baditu ere.

Ebaluazio jarraia



Ikasgaiaren edukin guztien ebaluazioa egiteko idatzizko bi azterketa egingo dira eta praktiketan landutako edukiak ere ebaluatuko dira.

- 1. Partziala:

o Test motatako azterketa. I eta II moduluetako edukin guztiak hartuko ditu.

o Azkeneko notako pisua %40-a izango da.

- 2. Partziala:

o Test + ariketa. III, IV eta V moduluen edukiak hartuko ditu.

o Azkeneko notan daukan pisua: %30-a.

- Praktiken ebaluazioa:

o Praktika guztien ebaluazioa egin behar da.

o Ebaluazioa burutzeko irakasleek klasean egindako bezalako kasu praktikoak proposatuko dituzte eta erantzunak eGela-n aurkituko den galdetegi batean erantzun behar izango dira.

o Ebaluazioa praktika multzo bakoitzaren ostean egingo da (MD1-4, S1-2, MH1-4, CNC1-3).

o Era berean, parte hau gainditzeko klaseetan burutu behar diren ematekoak igo beharko dira eGela-ra.

o Azkeneko notan daukan pisua: %30-a.



IKASGAIA PARTZIALEN BITARTEZ APROBATZEKO PONDERATUTAKO MEDIA GUTXIENEZ 5 IZAN BEHAR DU ETA 1. PARTZIALA, 2. PARTZIALA ETA PRAKTIKEN NOTA INDIBIDUALA GUTXIENEZ 4,5-EKOA IZAN BEHAR DU.

LEHENENGO PARTZIALA SUSPENDITZEN DUEN PERTSONAK AZTERKETA OHIKO DEIALDIAREN EGUNEAN BERRIZ EGITEKO AUKERA EDUKIKO DU.



Azkeneko ebaluazioa / Ebaluazio finala

- Azterketan klase teoriko eta praktikoetan ikusitako edukin guztiak galdetu daitezke.

- Aprobatzeko azterketako nota gutxienez 5 izan behar du.

Ikasgaiaren irakasleak emandako dokumentazioa.

Oinarrizko bibliografia

• Tecnología Mecánica y Metrotecnia - Coca Rebollero, Pedro y Rosique Jiménez, Juan

Editorial: Pirámide

• Manufactura. Ingeniería y Tecnología - Kalpakjian, Serope y Schmid, Steven R.

Editorial: Pearson Educación

• Manual de programación CNC Fagor 8070

• Manual de programación CNC FSiemens 840D

Gehiago sakontzeko bibliografia

• Mecanizado de alto rendimiento. L.N. lópez de Lacalle y otros
• El Mecanizado Moderno. Sandvik
• DIN 66025.
• ISO 6983-1:1982

Aldizkariak

• IMHE.
• Fundipres.
• Moldpress.
• Surfaspress.
• Journal of Manufacturing Science and Ingineering. ASME.