Irakasgai honentzat Graduko Tituluaren memorian jasotako gaitasuna ondokoa da, Teknologia Espezifikoen moduluari dagokiona, hain zuzen:



- Elastikotasunaren eta materialen erresistentziaren oinarriak benetako solidoen portaeran aplikatzeko ezaguerak eta gaitasunak.



Ikaskuntzaren emaitz bezala ikasleek ondoko beste gaitasun hauek ere erdiestea nahi da:



- Egitura hiperestatikoen kalkulurako oinarriak ulertu, indarren metodoan sakonduz, eta pieza prismatikoekin osatutako egitura txikien ebazpena menderatu.



- Esfortzu desberdinen eraginpean dauden egituretako tentsio eta deformazioen kalkulua burutu, sekzio zirkularreko pieza prismatikoen bihurdura aurkeztuz.



- Makurdura desbideratua edo asimetrikoa jasaten duten piezen analisirako gaitasuna lortu.



- Makurdura hutsaren eraginpean dauden sekzio heterogeneoen kalkurako prozedurak ezagutu eta sekzio transformatuaren metodoa naiz baliokidetasun estatikoa aplikatzeko gai izan.



- Konpresio eszentrikoarekin lan egiten duten elementuen analisia menperatu, materiale ekierresistenteetan eta trakziozko tentsiorik eusten ez duten materialetan.



- Konpresiopean dauden zutabeen gilborduraren kalkulurako erabiltzen diren metodo teorikoak eskuratu, eta Eraikuntzaren Kodigo Teknikoan oinarritutako kalkuluak erabiltzen ohitu.



- Energian oinarrituriko metodoak erabiltzeko gai izan, egitura isostatiko naiz hiperestatikoen kalkulurako aukera interesgarria dela aurkeztuz eta oinarrizko teorema energetikoen esanahia ulertuz.



- Karga estatiko baliokidearen prozedura ezagutu talkak jasaten dituzten egituren problemak ebatzi ahal izateko, portaera lineala naiz ez lineala duten egituretan.

EDUKI TEORIKOAK



1. GAIA. MAKURDURA DESBIDATUA ETA MAKURDURA KONPOSATUA. SEKZIO HETEROGENEOA

2. GAIA. EGITURA HIPERESTATIKOEN ANALISIA MAKURDURAPEAN

3. GAIA. BIHURDURAREN TEORIA

4. GAIA. EZEGONKORTASUNA: GILBORDURA

5. GAIA. TEOREMA ENERGETIKOAK

6. GAIA. TALKAREN OINARRIZKO TEORIA



LABORATEGIKO PRAKTIKAK



1. SAIOA. FOTOELASTIKOTASUN PRAKTIKA

2. SAIOA. HABEEN MAKURDURA PRAKTIKA

"Solidoen Kalkulu Elastikoa" irakasgaiko edukiak ikasgai magistralen, gelako praktiken, mintegien eta laborategiko praktiken bidez irakasten dira.



Ikasgai magistraletan gai bakoitzeko eduki eta kontzeptu teorikoak aurkezten dira. Hartarako, ikasleak eskuragarri dituen irakasgaiko argitalpenak erabiliko dira, aurkezpena hainbat ariketa praktikoen laguntzaz argitzen delarik.



Gelako eskola praktikoetan, egitura eta elementu mekaniko desberdinei dagozkien ariketan ebazten dira, klase teorikoetan azaldutako kontzeptuak finkatzeko.



Lauhilebetean zehar hiru mintegi egongo dira, non hedadura handiagoko problemak ebatziko diren, aurreko azterketa deialdietan agertutakoak. Mintegietako talde txikien banaketak, ariketak era interaktiboan antolatzeko aukera ematen du, talde desberdinak osatuz mintegia daraman irakaslearen ikuskapenarekin.



Kurtsoan zehar laborategiko bi praktika egingo dira, non lehenengoak fotoelastikotasun saiakuntza bati dagokion. Bigarrenean habeen erreakzio eta deformazioak neurtzeko balio duen irakaskuntzarako tresneriaz baliatuko gara. Praktikak Ingeniaritza Mekanikoko Materialen Erresistentzia eta Egituren Laborategian egingo dira. Aldez aurretik, ikasleek praktikaren azalpen teoriko bat jasoko dute eta honekin lotutako ariketa baten ebazpen analitikoa egingo, banaka edo taldeka, praktika bakoitzaren arabera. Saioan zehar, ikasleek neurketa esperimentalak egiteko aukera izango dute taldeetan banatuta, lehenago egindako kalkuluak erkatu eta egiaztatu ahal izateko. Praktika bukatzean, txosten bat egin beharko dute, lortutako emaitzak eta ondorioak azalduz.



Ikasleek eGela plataforma birtualean ondoko materiala edukiko dute eskuragarri: ikaslearen gida, azterketetako ariketa proposatuak, mintegietan jorratzeko problemak eta azterketen deialdiak, hauen ebazpen eta notekin batera. Irakasgaiko talde guztiek material berdina edukiko dute eskuragarri eta aldiberean.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Irakasgai honetan azterketa partzialetan oinarritutako ebaluazioa egitea erabaki da, materia libratzeko aukera ematen duena. Irakasgaiaren azken zatia azterketa finalean ebaluatzen da. Ikaslea ez bada partzialetara aurkezten edo beharrezkoa den nota ez badu lortzen, ebaluazio jarraituari uko egiten diola uste izango da.

Irakasgaia gainditzeko baldintzak ondokoak dira:



1.- Laborategiko praktika guztietan parte hartu

2.- 5.0 edo nota altuagoa lortu.



Laborategiko praktikek, bukaerako notaren %5 balio dute, eta idatzizko probek %95. Idatzizko probetan, problemak eta galdera teorikoak erantzun beharko dituzte ikasleek banaka. Lehenengo idatzizko probak irakasgaiaren lehen zatiari dagozkion edukiak libratzeko aukera emango du (4.0 edo nota altuagoa lortu beharko da bigarren zatira bakarrik aurkeztu ahal izateko). Lehenengo zatia gainditu dutelako bigarren zatira bakarrik aurkeztea erabakitzen dutenek, zati honetan 3,5 edo nota altuagoa lortu beharko dute. Horrela balitz, idatzizko proben bukaerako nota bi zatien batazbestekoa izango litzateke. Nahi izanez gero, ikasleek azterketa guztia egiteko aukera izango dute, lehenengo zatia gainditua eduki arren. Galdera eta ariketa teorikoek azterketako notaren herena balioko dute beti.



Azterketa egiteari uko egiten dioten ikasleen kasuak Euskal Herriko Unibertsitatearen araudiak dioenaren arabera zuzenduko dira.

- "Cálculo Elástico de Sólidos", José Luis Alcaraz, Rubén Ansola, Javier Canales, José A. Tárrago, Estrella Veguería. Sección de Publicaciones de la E.T.S.I. de Bilbao, 2015.
- "Cálculo Elástico de Sólidos: Colección de Problemas de clase", José Luis Alcaraz, Rubén Ansola, Javier Canales, José A. Tárrago, Estrella Veguería. Sección de Publicaciones de la E.T.S.I. de Bilbao, 2016.

Oinarrizko bibliografia

- "Resistencia de Materiales". L. Ortiz Berrocal. McGraw-Hill, 1991.

- "Mecánica de Materiales" (2ª ed.), S.P. Timoshenko y J.M. Gere. Grupo

Editorial Iberoamericana, 1986.

- "Mecánica de Materiales" (2ª ed.), F.P. Beer y E.R. Johnston. McGraw-Hill, 1993.

- "Resistencia de Materiales", V.I. Feodosiev. Mir, 1980.

- "Problemas de Resistencia de Materiales", I. Miroliúbov et al. Mir, 1978.

- "Elastikotasuna eta Materialen Erresistentzia", Rubén Ansola. UEU, Udako Euskal Unibertsitatea, 2005.

Gehiago sakontzeko bibliografia

- "Advanced Mechanics of Materials (6th Ed.)", A.P. Boresi y R.J. Schmidt. John Wiley & Sons, 2003.
- "Advanced Strength and Applied Elasticity", A.C. Ugural y S.K. Fenster. Prentice Hall, 1995.
- "Mechanics of Materials (2nd Ed.)", R.R. Craig Jr. John Wiley & Sons, 2000.

Aldizkariak

- Int. J. of Mechanical Sciences, Elsevier.
- Int. J. of Solids and Structures,Elsevier.
- Mechanics of Materials, Elsevier.
- Computers & Structures, Elsevier.