Gaitasuna:

1.Sistema immunearen elementuak, zelulak eta organoak ezagutzea

2.Erantzun immune motak eta bakoitzean parte hartzen duten hartzaile eta mekanismoak ezagutzea

3.Linfozitoen heltze, aktibazio eta erregulazioa ulertzea

4.Tolerantzia zentralaren eta periferikoaren fenomeno eta mekanismoak ulertzea

5.Gaixotasun autoimmune, hipertsentikortasunak eragindako gaixotasun eta immunoeskasien oinarri molekular eta patogenia ezagutzea

6.Egoera kliniko ezberdinetan sistema immunearen erantzun ezberdinak identifikatzea: gaixotasun infekziosoak, transplanteak eta tumoreak

7.Erantzun immunean eragiteko, itu garrantzitsuak ezagutzea, honela ikerketan eta botiken bilakaeran erabiltzeko

8.Antigeno-antigorputz erreakzioa antzematen duten teknika immunologikoak erabili eta interpretatzeko beharrezko den trebetasuna lortzea



Zeharkako gaitasunak:

1.Ahoz nahiz idatziz garatu beharreko komunikazio eta informaziorako gaitasunak garatzea, lanbide-jarduna burutzeko osasun-guneetako gaixo eta erabiltzaileekiko harremanetan jarduteko. Diziplina anitzeko taldeetan lanerako eta lankidetzarako eta osasun-profesionalekiko gaitasunak sustatzea.

2.Norberaren mugak eta lanbide-gaitasuna mantendu eta eguneratzeko premia aitortzea, eskura duen ebidentzia zientifikoaren argitara, jakintza berrien autoikasketari berebiziko azpimarra jarrita.



Irakaskuntza-emaitzak:

- Sistema immuneko molekulak, zelulak eta organoak ezagutzen ditu.

- Berezko eta hartutako erantzun immune motak bereizten ditu.

- Erantzun immuneak mekanismo patogenikoan parte hartzen duen egoera kliniko desberdinak identifikatzen ditu

- Erantzun immunearen modulazioan eragiten duten mekanismoen garrantzia ezagutzen du

- Antigeno-antigorputz erreakzioa antzematen duten laborategiko teknika immunologikoak egoki erabiltzen ditu

Programa Teorikoa:

I.Immunologiaren Sarrera

1.Immunologiaren historia eta bere garrantzia Farmaziako Graduan

2.Erantzun immunearen ezaugarri orokorrak

3.Erantzun immunean parte hartzen duten zelulak

4.Lehen eta bigarren mailako organo linfatikoak



II.Erantzun Immunea

5.Berezko erantzun immunea

6.Erantzun immune espezifikoa



III.Linfozitoen heltze, aktibazio eta erregulazioa. Erantzun immunearen mekanismo eragileak

7.Linfozitoen heltze prozesuaren ezaugarri orokorrak.

8.T linfozitoen aktibazioa. Immunitate zelularraren mekanismo eragileak

9.B linfozitoen aktibazioa. Immunitate humoralaren mekanismo eragileak

10.Tolerantzia immunologikoa



IV.Immunitatea defentsan eta gaixotasunean

11.Mikroorganismoen aurkako immunitatea

12.Hipersentikortasun erreakzioak

13.Immunoeskasiak

14.Autoinmunitatea

15.Transplantearen immunitatea

16.Immunitate antitumorala



V.Terapia eta immunitatea

17.Immunoprofilaxia eta immunoterapia



Programa Praktikoa:

Antigorputzak edo antigenoak detektatzeko teknikak

- Aglutinazioa:

oPortan: Odol taldeak

oSaio-hodian:Brucella-ren aurkako antigorputzak antzeman

- Immunodifusioa

- Enzyme Linked Immunosorbent Assay (ELISA)

- Zeharkako Immunufluoreszentzia (IFI)

- GIBaren antigorputzak eta antigenoa antzemateko Immunokromatografia

Eskola magistraletan irakasleak gaiaren kontzeptuak azaltzeko azalpenak emango ditu.

Laborategiko praktiketan immunologiako hainbat lan egingo dituzte Immunologian erabiltzen diren teknikak ezagutu eta euretan trebatzeko.

Gelako praktiketan, ikasleek hainbat ekintza ezberdin garatuko dituzte, hauek bakarkakoak eta taldeko ekintzak izango dira.

Programaren zati bat metodologia aktiboko jardueren bidez landuko da, proiektu honen barruan: "Contribuyendo a los ODS 2030 desde la formación de profesionales en Farmacia (IKDi3 Laborategia berrikuntza-proiektuak)". Horretarako, talde-lanak eta mintegiak egingo dira. Mintegi hauen dinamikak ingurune ezin hobea sortuko du ikasitakoaz hausnartzeko. Jarduera horiei esker, ikasleek beren ezagutza modu aktiboan eraiki ahal izango dute, informazioa bilatzeko eta aztertzeko trebetasunak sustatuko baitituzte, bai eta ezagutza komunikatzeko eta transmititzeko trebetasunak ere.

Irakasgaiaren ebaluazioak atal hauek izango ditu:

1. Banakako amaierako proba: irakasgaiaren notaren %60.

Test moduko galderak (penalizazioa: 0,33); E/G; galdera laburrak, zutabeak erlazionatu, marrazki mutuak ...

2. Ebaluazio jarraitua: Irakasgaiaren notaren %40 atal hauek izango ditu:

- Laborategiko praktikei buruzko azterketa: notaren %10

- Azterketa partziala, bukaerako azterketaren antzekoa (proba ez baztertzailea): notaren %10

- Talde-lanak eta aurkezpena: notaren %15

- Gelako praktiketan egindakoaren banakako ebaluazio: notaren %5

Ikasgaia gainditzeko ezinbestekoa izango da amaierako azterketa eta laborategiko azterketa gainditzea.



Ikasleek eskubidea izango dute azken ebaluazio bidez ebaluatuak izateko, etengabeko ebaluazioan

parte hartu zein ez hartu. Eskubide hori baliatzeko, ikasleak etengabeko ebaluazioari uko

egiten diola jasotzen duen idatzi bat aurkeztu beharko dio irakasgaiaren ardura duen irakasleari

eta, horretarako, bederatzi asteko epea izango du.



Azken ebaluazioak atal hauek izango ditu:

- Banakako amaierako proba: irakasgaiaren notaren %90.

Test moduko galderak (penalizazioa: 0,33); E/G; galdera laburrak, zutabeak erlazionatu, marrazki mutuak...(%60) eta garatzeko galderak (%30)

- Laborategiko praktikei buruzko azterketa: notaren %10

Ikasgaia gainditzeko ezinbestekoa izango da amaierako azterketa eta laborategiko azterketa gainditzea.



Ohar garrantzitsua:

DEIALDIARI UKO EGITEA: : Bai ebaluazio etengabean zein azken ebaluazioan azterketa egun ofizialean egin beharreko probara ez aurkezte hutsak ekarriko du automatikoki deialdiari uko egitea. Deialdiari uko egiten dioten ikasleek «aurkezteke» kalifikazioa jasoko dute.

Laborategiko praktikak egiteko ikasleek amantala, errotuladore eta praktiketako-txostena ekarri beharko dituzte.

Oinarrizko bibliografia

- ABBAS AK, LICHMAN AH, PILLAI S. Oinarrizko immunologia. Immunitate-sistemaren funtzioak eta gaitzak. Basic Immunology-ren 5. edizioa. 2019, Euskal Herriko Unibertsitateko Argitalpen Zerbitzua.

- ABBAS AK, LICHMAN AH, PILLAI S. Cellular and Molecular Immunology. 10. edizioa. 2021, Elsevier argitaletxea.

- ABBAS AK, LICHMAN AH, PILLAI S. Inmunología Celular y Molecular. 10. edizioa. 2022, Elsevier argitaletxea.

- ABBAS AK, LICHTMAN AHH, PILLAI S. Basic Immunology. 6. edizioa. 2019, Elsevier argitaletxea.

- ABBAS AK, LICHTMAN AHH, PILLAI S. Inmunología básica. 6. edizioa. 2020, Elsevier argitaletxea.

- MURPHY K, WEAVER C. Inmunología de Janeway. 9. edizioa. 2019, MANUAL MODERNO argitaletxea.

- MURPHY K, WEAVER C. Janeway's Immunobiology. 9. edizioa. 2016, Garland Science argitaletxea.

- PARHAM P. The immune system. 5. Edizioa. 2021, Garland Science argitaletxea.

- PUNT J, STRANDFORD S, JONES P, OWEN J. Kuby Inmunología. 8. Edizioa. 2020, McGraw Hill argitaletxea.

- MALE D, PEEBLES S, MALE V. Immunology. 9. edizioa. 2020, Elsevier argitaletxea.

Gehiago sakontzeko bibliografia

- DETRICK B, SCHMITZ JL, HAMILTON RG. Manual of Molecular and Clinical Laboratory Immunology, 8. Edizioa. 2016, ASM argitaletxea.
- RICH RR, FLEISHER TA, SHEARER WT, SCHROEDER H, FREW AJ, WEYAND CM. Inmunología Clínica: Principios y Práctica. 5. edizioa. 2019. Elsevier argitaletxea.