GAITASUN ESPEZIFIKOAK:

+Cache memoriaren diseinu-parametroak aztertu eta ezagutu

+Programen exekuzioan cache memoriak duen eragina aztertu

+Prozesadore segmentatuen funtzionamendua azaldu: bloke funtzionaletan oinarritutako diseinu bat sortu.

+Prozesadorearen eraginkortasuna handitzeko erabiltzen diren oinarrizko optimizazioak ulertu.

+Behe- eta goi-mailako paralelismoko kontzeptuak adierazi eta erabili.

+Paralelismoa erabili aplikazio sinple batzuk programatzeko, datu-dependentziak, sinkronizazioa eta atazen banaketa kontuan hartuta.



GAITASUN OROKORRAK

Irakasgaiaren gaitasunez gain, http://www.ehu.es/documents/340468/516505/Gaitasunak.pdf dokumentuko T4, T8 etaT9 gaitasun orokorrak, eta informatika adarreko IA1 eta IA9 gaitasunak landuko dira.

1.-CACHE MEMORIA

1.1.-Sarrera. Memoria-hierarkia.

1.2.-Ezaugarri orokorrak: tamaina, edukia, blokea.

1.3.-Diseinu-parametroak: egitura, ordezkapen-algoritmoa, idazketa-politika.

1.4.-Ariketa praktikoak. Gai honetan ikasi diren kontzeptuak ariketen bidez landuko dira. Cache memoriaren ezaugarriek programa errealen eraginkortasunean duten eragina aztertuko da ariketa hauetan.



2.-PROZESADORE SEGMENTATUAK

2.1.-Motibazioa: rozesadorearen eraginkortasuna handitu.

2.2.-Oinarrizko prozesadore segmentatu baten diseinua: DLX prozesadorea.

2.3.-Datu- eta kontrol-dependentziak.

2.4.-Ziklo anitzeko segmentazioa eta prozesadore supereskalarrak: oinarrizko kontzeptuak.

2.5.-Konpilazio-teknikak prozesadore segmentatuetan.

2.6.-Ariketa praktikoak. Gai honetan ikasi diren kontzeptuak ariketen bidez landuko dira. Prozesadore segmentatuek eta konpiladoreak programa errealen eraginkortasunean duten eragina aztertuko da ariketa hauetan. Horretaz gain, prozesadore segmentatuetan azaltzen diren datu- eta kontrol-dependentzien analisia landuko da.





3.-KONPUTAZIO PARALELOKO SISTEMEN OINARRIAK

3.1.-Sarrera. Flynn-en sailkapena. Eraginkortasuna.

3.2.-Memoria konpartituko konputagailu paraleloak: prozesuen sinkronizazioa eta atazen banaketa.

3.4.-Multiprozesadoreen programazioa: OpenMP.

3.5.-PBL metodologia erabiliz, gai hau guztiz praktikoa izango da. Eduki teoriko guztiak proiektu baten bidez landuko dira (irudien tratamendu paraleloa), era autonomoan eta kooperatiboan.

Ikasgaiaren lehenengo bi gaiak bi jarduera moten bidez irakasten dira: teoria eskolak eta ariketa eskolak. Irakaskuntza prozesuan metodologia aktiboak eta ikasketa kooperatiboa erabiliko dira: talde-lanak egingo dira, ariketen ebazpenak denon artean eztabaidatuko dira, emaitzen aurkezpenak egingo dira, etab. Helburua ikasleen motibazioa eta parte hartzea handitzea da. Ariketa hauek eduki teorikoen artean tartekatuko dira, ikasle gida honetan eransten den irakasgiaren kronograman azaltzen den bezala.



Beste alde batetik, hirugarren gaia Proiektuetan Oinarritutako Irakaskuntza (PBL) metodologia erabiliko da. Gaiaren edukia proiektu baten inguruan landuko da. Horretarako, ikasleak 3 kideko taldeetan arituko dira. Praktiken emaitzak softwareko aplikazio bat izango da, dagokion dokumentazioa ere kontuan hartuta.



Ikaslearen dedikazioa 150 ordukoa izango da: 60 ordu irakaslearekin eta 90 ordu irakaslerik gabekoak. Hurrengo ikasturterako ondoko banaketa aurreikusi da: cache memoria (%25), segmentazioa (%35) eta konputazio paraleloko sistemen sarrera (%40).



Erabiliko den metodologiak ikasleek behar duten feedback-a ematea ziurtatzen du. Eskolan egiten diren jardueren emaitzak berehala izango dituzte ikasleek, kasu batzuetan momentuan bertan. Ariketen ebazpenak, aurkezpenak, proiektuaren garapena, azterketak, etab. mometuan edo egun gutxitan zuzenduko dira (kasu batzuetan ikasleen arteko zuzenketak izango dira). Ikasleak aldez aurretik jakingo ditu egingo diren jarduera guztiak, irakasgaiaren planifikazioan agertzen den bezala. Hala, ikasleak bere ikasketa-prozesua bideratu dezake. Tutoretza-orduak ere erabiliko dira ikasleei feed-backa eskaintzeko, hau da, edozein zalantza argitzeko.



Irakasgaian ebaluazio jarraitua erabiliko da, era formatiboan antolatuta.

Bi bide daude ikasgaia gainditzeko: ebaluazio globala (bukaeran), edo ebaluazio jarraitua. Ebaluazio jarraitua borondatezkoa da, eta ikaslearen parte hartze aktiboa eskatzen du; beraz, ikasleak eskoletara eta laborategietara etorri beharko du, haietan parte hartu, eta proposatutako jarduerak (ariketak, lanak, praktikak, azalpenak...) egin beharko ditu.



Ebaluazio jarraitua ikastaroaren hasieran aukeratu ahal izango da, eta behin betiko bihurtuko da adieraziko diren epeetan (ikastaroaren %60 - %80 igarota), ikasleak hala eskatuta eta irakasleak ikaslearen errendimendua egiaztatu ondoren. Epe horietan ikasleak ez badu eskaerarik egiten, ebaluazio jarraituari uko egiten diola ulertzen da.



Ebaluazio jarraitua: goiaz aiptutako irizpideen arabera.



Ebaluazio globala:

- Azterketa: % 85.

- Lan praktikoa: % 15.

ESKATZEN DIREN EZAGUERA ETA TREBETASUNAK
C lengoaian programatzen jakitea

Oinarrizko bibliografia

1.-Hennessy J.L., Patterson D.A.: Computer Architecture: A Quantitative Approach (4. ed.). Morgan Kaufmann, 2007. [Konputagailuen arkitektura. Hurbilketa kuantitatibo bat, UPV/EHU, 2009]



2.-Patterson D.A., Hennessy J.L.: Computer Organization and Desing: The Hardware/Software Interface (4. ed.). Morgan Kaufmann, 2008.



3.-Ortega J., Anguita M., Prieto A.: Arquitectura de Computadores. Thomson, 2005.



4.-Hennessy J.L., Patterson D.A.: Arquitectura de Computadores: un Enfoque Cuantitativo. McGraw-Hill, 1993 (1. ed.).



5.-Patterson D.A., Hennessy J.L.: Estructura y Diseño de Computadores. Reverté, 2000.



6.-Stalling W.: Organización y Arquitectura de Computadores (7. ed.). Prentice Hall, 2006.



7. Almeida F., Giménez D., Mantas J.M., Vidal A. M.: Introducción a la programación paralela. Paraninfo, 2008.



8.-Culler D.E., Singh J.P.: Parallel Computer Architecture. A Hardware/Software Approach.

Morgan Kaufmann, 1999.



9.-Chandra R., et al.: Parallel Programming in OpenMP. Morgan Kaufmann, 2001.

Gehiago sakontzeko bibliografia

1.-Sima D., Fountain T., Kacsuk P.: Advanced Computer Architectures: A Design Space Approach. Addison Wesley, 1997.
2.-Chapman B., et al.: Using OpenMP. Portable shared memory parallel programming. The MIT Press, 2008.

Aldizkariak

IEEE Computer
IEEE Micro
BYTE
PC Actual
PC World