Ikasgaia gainditzeko beharrezkoa da erlazionatutako gaitasun zehatz batzuen jabe izatea. Horien artean ditugu irakasgaiko GAITASUN ESPEZIFIKOAK, eta titulazioko GAITASUN OROKORRAK.

GAITASUN ESPEZIFIKOAK:

1. Sistema digitalak ezagutu, ulertu, diseinatu eta eraikitzeko gaitasuna.

2. Konputagailuan erabiltzen diren zenbakien adierazpide-sistemak eta kodeketa ezagutzea.

3. Oinarrizko sistema digitalen portaera bereizteko gaitasuna, sistema digital sinpleak aztertu ahal izateko.

4. Oinarrizko sistemak konektatzeko gaitasuna, maila altuagoko sistema digitalak eraiki ahal izateko.

5. Kontrol- eta prozesu-unitateen portaera aztertzeko gaitasuna, sistema digital konplexuagoen portaera ulertu ahal izateko.

6. Aurkeztutako oinarrizko zirkuituez ostatutako prozesadore sinple baten egitura ulertzeko gaitasuna, etorkizunean makina errealen funtzionamendua ulertu ahal izateko.



GAITASUN OROKORRAK:

Irakasgaiaren gaitasun espezifiko horiez gain, titulazioaren perfilean ageri diren beste gaitasun orokorrago batzuk ere lantzen dira, http://www.ehu.es/documents/340468/516505/Gaitasunak.pdf helbidean dagoen gaitasunak.pdf dokumentuan aipatzen diren moduan. Zehazki T8, T9 eta T10 gaitasun orokorrak, oinarrizko heziketaren OH2 gaitasuna, eta baita ere OG1, OG2, OG3, OG4 eta OG5 oinarrizko gaitasunak, horiek gaitasun partekatu gisa.

0. gaia: INFORMAZIOAREN ADIERAZPENA.

0.1. Oinarrizko datu-motak: zenbakiak.

0.2. Zenbakien adierazpideak. Oinarrizko eragiketak zenbakiekin.

0.3. Beste oinarrizko datu-mota batzuk.

0.4. Datu-mota egituratuak.



1. gaia: ALJEBRA BOOLEARRA.

1.1. Aljebra Boolearra: axiomak, teoremak eta oinarrizko eragiketak.

1.2. Funtzio logikoak.

1.2.1. Funtzio logikoen adierazpena.

1.2.2. Funtzioen adierazpenaren minimizazioa.

1.2.3. Zehaztu gabeko gaiak.



2. gaia: SISTEMA DIGITALETAKO OINARRIZKO GAILUAK: ATE LOGIKOAK.

2.1. Bi balio logikoen gauzatzea. Logika mistoa.

2.2. Oinarrizko eragiketen gauzatzea.

2.3. Zirkuituen sintesia eta analisia. Diseinua.

2.4. Zirkuitu integratuak.



3. gaia: BLOKE KONBINAZIONALAK.

3.1. Multiplexoreak.

3.2. Deskodegailuak (Desmultiplexoreak).

3.3. Kodegailuak.

3.4. Batugailuak.

3.5. Konparagailuak.

3.6. Unitate aritmetiko/logikoak (UAL).



4. gaia: BLOKE SEKUENTZIALAK.

4.1. Zirkuitu sekuentzialak.

4.2. Biegonkorrak.

4.2.1. SR biegonkor asinkronoa.

4.2.2. JK biegonkorra.

4.2.3. D biegonkorra.

4.3. Bloke sekuentzialak: erregistroak.

4.3.1. Erregistroak.

4.3.2. Desplazamendu-erregistroak.

4.3.3. Kontagailuak.



5. gaia: MEMORIAK.

5.1. Erregistro-multzoak.

5.2. Memorien ezaugarri nagusiak.

5.3. RAM memoriak.

5.4. ROM memoriak.

5.5. Beste memoria batzuk.

5.6. Gailu programagarriak.

5.7. Konputagailu baten memoria-sistema.



6. gaia: SISTEMA DIGITALEN DISEINU-METODOLOGIA.

6.1. Sistema digitalen kontrol-unitatea eta prozesu-unitatea.

6.2. Kontrol-unitatearen diseinua (ASM grafoak).

6.3. Kontrol-algoritmoen gauzatzea.

6.4. Diseinu-adibideak.



7. gaia: OINARRIZKO PROZESADORE BATEN DISEINUA.

7.1. Sarrera.

7.2. Oinarrizko kontzeptuak.

7.2.1. Prozesadoreen osagai nagusiak.

7.2.2. Prozesadorearen aginduak.

7.2.3. Aginduak exekutatzeko algoritmoa.

7.3. BIRD prozesadorearen diseinua.

7.3.1. Hardwarearen ezaugarri nagusia.

7.3.2. Aginduak eta haien formatua.

7.3.3. BIRD prozesadorearen prozesu-unitatea.

7.3.4. Kontrol-unitatea.

Saio presentzialetan, irakaskuntza-metodologia klase magistraletan oinarritzen da. Klase horien oinarria irakaslearen azalpenak izan arren, ikasleen parte-hartze aktiboa bultzatzen da: erantzun laburrak eskatzen dituzten galderak egiten dira ikasleek ikasgaia jarraitzen dutela ziurtatzeko.

Saio magistralak ikasgaiak dituen 4 kreditu teorikoei dagozkie. Kreditu horiek 40 ordu presentzial eta 30 ordu ez presentzial dira ikaslerentzat. Ordu ez presentzialetan, ikasleak era autonomoan ikasi behar du bai bere kabuz baita taldean ere.



Ikasgaiko 2 kreditu praktikoei dagokionez, lana bi modutara antolatzen da: ikasgelako praktikak eta laborategi-saioak. Ikasgelako praktikak ariketak egiteko erabiltzen dira eta ordu gehienak hartzen dituzte: 14 ordu presentzial eta 50 ez presentzial aurreikusten dira. Laborategi-saioak, berriz, alor praktikoagoak lantzeko erabiltzen dira eta ordu gutxiago hartzen dituzte: 6 ordu presentzial eta 10 ordu ez presentzial aurreikusten dira. Ordu ez presentzialak praktikak prestatzeko eta txostenak idazteko erabiliko dira.



Metodologia aktiboak.

Behar-beharrezkoa da ikaslearen parte-hartze aktiboa ikasgaiak helburu dituen gaitasunak lortzeko. Horregatik, bai ikasgelako praktiketan eta baita laborategikoetan ere parte-hartze aktiboa bultzatuko da galderak eginez edo ariketak jasoz. Lan horiek banaka zein taldeka egingo dira, beharren arabera. Metodologia horren xedea ikasleak motibatzea da, haien parte-hartze zuzenak lortuko baitu ikasgaia osorik garatzea.

Klase praktikoetan eta laborategian ikasleek ariketak eta garapen praktiko txikiak egin beharko dituzte eta horietako batzuk azken notarako ebaluatuko dira.

Azkenik, ikasturte hasieratik tutoretza-orduen garrantzia azpimarratuko zaie ikasleei.

Bi bide daude ikasgaia gainditzeko: ebaluazio globala (bukaeran), edo ebaluazio jarraitua. Ebaluazio jarraitua borondatezkoa da, eta ikaslearen parte-hartze aktiboa eskatzen du; beraz, ikasleak eskoletara eta laborategietara etorri behar du, haietan parte hartu, eta proposatutako jarduerak (ariketak, lanak, praktikak, azalpenak...) egin behar ditu.

Ebaluazio jarraitua ikastaroaren hasieran aukeratu ahal izango da, eta behin betikoa bihurtuko da zehaztuko den epean (ikastaroaren %50 inguru ebaluatuta dagoenean), ikasleak hala eskatuta eta irakasleak ikaslearen errendimendua egiaztatu ondoren.

Hurrengo lerroetan, laburtuta, ebaluazio mota bakoitzean kontuan hartuko diren jarduerak eta haien pisua ageri dira.

EBALUAZIO JARRAITUA:

%5, ikaslearen lanak: ariketak, laborategi-asistentzia, laborategiko txostenak eta abar.

%15, lehen azterketa partziala (0, 1, eta 2 gaiak).

%30, bigarren azterketa partziala (3, 4, eta 5 gaiak).

%50, Hirugarren azterketa partziala (6 eta 7 gaiak).

OHARRA: irakasgaia aprobatzeko atal guztiak egin behar dira eta bakoitzean, gutxienez, 4ko puntuazioa lortu behar da (10etik).



EBALUAZIO GLOBALA:

%100 Azterketa globala (gai guztiak sartzen dira).

Sistema digitalen diseinu-hastapenak. Oinarrizko kontzeptuak eta adibideak. Arbelaitz, Arregi, Arruabarrena, Etxeberria, Ibarra eta Ruiz. Udako Euskal Unibertsitatea, 2005.

Oinarrizko bibliografia

FUNDAMENTOS DE SISTEMAS DIGITALES, 6ª/7ª ed.,

T.L. Floyd. Prentice Hall, 2000



DISEÑO DIGITAL, 3ª ed.,

M. Morris Mano. Prentice Hall, 2003



PRINCIPIOS DE DISEÑO DIGITAL,

D. D. Gajski. Prentice Hall, 1997



INTRODUCCIÓN AL DISEÑO LÓGICO DIGITAL,

John P. Hayes. Addison-Wesley Iberoamericana, 1996



SISTEMAS DIGITALES,

A. Lloris, A. Prieto, L. Parrilla, McGraw-Hill, 2003

Gehiago sakontzeko bibliografia

DISEÑO DE SISTEMAS DIGITALES. UN ENFOQUE INTEGRADO,
J.P.Uyemura. Thomson, 2000

ORGANIZACIÓN Y DISEÑO DE COMPUTADORES,
D. A. Patterson, J. L. Hennesy. McGraw-Hill, 1994

INTRODUCTION TO DIGITAL SYSTEMS,
Milos Ercegovac, Tomás Lang, Jaime H. Moreno. John Wiley and Sons, 1999

DIGITAL DESIGN. AN EMBEDDED SYSTEMS APPROACH USING VHDL
Peter J. Ashenden. Organ Kaufmann. 2008

RAPID PROTOTYPING OF DIGITAL SYSTEMS. SOPC EDITION"
J.O. Hamblen, T.S.Hall, M.D. Furman. Springer. 2008