Gaitasunak:



-Soinua eta bideoa kodetzeko softwarea eta estandarrak ulertzea eta erabiltzea.

-Streaming eta Internet bidezko telebista zerbitzuak kudeatzea.

-IP telefonia zerbitzurako softwarea eta zerbitzuak kudeatzea.

-Internet hornitzaileen sareak kudeatzea.



Ikaskuntza emaitzak:



-Ikasleak ikasiko du zein tekniketan eta kontzeptuetan oinarritzen diren egun erabiltzen diren soinu eta bideo kodetzaileak.

-Ikasleak ikasiko du zeintzuk diren egun gehien erabiltzen diren soinu eta bideo kodetzeko estandarrak (MPEG, VPx, AVC/H.264 ...).

-Ikasleak ikasiko du nola funtzionatzen duten Internet bidezko telebista eta streaming zerbitzuak (YouTube, NetFlix, PPLive ...).

-Ikasleak ikasiko du nola funtzionatzen duen IP telefoniak.

-Ikasleak ikasiko du zeintzuk diren multimedia aplikazioak ondo funtzionatzeko behar duten sare-baldintzak, eta hori lortzeko erabiltzen diren sarbide teknologiak: xDSL, FTTx, Kable sareak, eta komunikazio mugikorrerako sareak.



Hauetaz gain, http://www.ehu.es/documents/340468/516505/Gaitasunak.pdf helbidean dagoen dokumentuko T4, T6, T9 eta T10 gaitasun orokorrak, eta informatika adarreko IA5 eta IA11 gaitasunak landuko dira:



T4: Sistema, zerbitzu eta aplikazio informatikoak garatzeko eta exekutatzeko behar den hardwarea eta softwarea definitzeko, ebaluatzeko eta hautatzeko gaitasuna, lortu beharreko ezagutzetan oinarrituz.



T6: Sistema edo arkitektura informatikoak, zentralizatuak zein banatuak, sortzeko eta garatzeko gaitasuna, hardwarea, softwarea eta sareak integratuz, lortu beharreko ezagutzetan oinarrituz.



T9: Arazoak ebaztean, iniziatiba, erabakiak hartzeko ahalmena, autonomia eta sormena izateko gaitasuna. Informatika Ingeniari Teknikoaren lanbideari dagozkion ezagutzak, abileziak eta trebetasunak komunikatu eta transmititu ahal izateko gaitasuna.



T10: Neurketak, kalkuluak, ebaluazioak, tasazioak, peritatzeak, ikerketak, txostenak, atazen planifikazioak eta informatika arloko antzeko beste jarduerak egiteko ezagutza, lortu beharreko ezagutzetan oinarrituz.



IA5: Sistema, zerbitzu eta aplikazio informatikoen ezagutza eta haiek kudeatzeko eta mantentzeko gaitasuna.



IA11: Sistema banatuen, konputagailu-sareen eta internetaren ezaugarriak, funtzionalitateak eta egitura ezagutzea eta aplikatzea, eta haietan oinarritutako aplikazioak diseinatzeko eta gauzatzeko gaitasuna.

===================

KREDITU TEORIKOAK

===================



1. Audioa eta bideoa seinaleak Interneten.

2. Telebista eta bideo zerbitzuak Interneten.

3. IP telefonia zerbitzuak.

4. Multimediarako sare-teknologiak:

Multicast teknologia.

QoS mekanismoak.

Sarbide sareak: xDSL, FTTx, Kableak, komunikazio mugikorrak.



====================

KREDITU PRAKTIKOAK

====================



1. Streaming zerbitzari baten kudeaketa.

2. IP bidezko ahotsa (VoIP).

3. Multicast sareak.

Irakasgaiko zati bakoitzean erabiliko dugun metodologiak honako hauek dira:





TEORIA



Irakasle eta ikasleen arteko elkarrekintza ikasgelan, ikaslearen lan pertsonalak osatuta.



PRAKTIKAK



Laborategiko lanak taldean egingo dira (normalean, binaka), irakaslearen laguntzarekin.

Laborategien ebaluazioa egindako praktikei buruzko txostenen bidez egingo da.



Teoriari dagokionez:



Era jarraia: Kalifikazioa 4 test bidez izango da. Horietako bakoitzean gutxienez 3ko bat lortu behar da ebaluazio jarraian segitzeko. Testetan 7tik gora dutenek nota hobetzeko aukera izango dute lan baten bidez.

Era globala: Idatziriko azterketa.



Irakasgaia gainditzeko ondoko hiru baldintzak bete behar dira:

1. Laborategien ebaluazioan 3 bat lortzea gutxienez.

2. Teoriaren ebaluazioan 3 bat lortzea gutxienez.

3. (Praktikak*0’3) + (teoria *0’7) >= 5.

Ikasleak erabakiko du, bere ikasteko eraren arabera, zein den hobekien egokitzen zaion ikasmateriala. Beraz, ez dago derrigorrez erabili behar den materialarik.

Oinarrizko bibliografia

Multimedia-Internet – J. M. Rivadeneyra. UPV/EHU 2019.

Multimedia Networks – H.W. Barz, G. A. Basset. Wiley, 2016.



Redes de Computadoras. Un enfoque descendente (7ª ed) - J.F. Kurose and K.W. Ross. Pearson, 2017.

Computer Networks 5. argitalaldia – A. S. Tanenbaum, D.J. Wetherall Pearson, 2011.

Gehiago sakontzeko bibliografia

Tecnologías de Banda Ancha y Convergencia de redes. Manuel Álvarez-Campana, Julio Berrocal, Francisco González, Raquel Pérez, Isabel Román, Enrique Vázquez. – Ministerio de Ciencia y Tecnología, 2009.

XIPENG XIAO. Technical, Commercial and Regulatory Challenges of QoS
Prentice Hall, 2007

AGUSTI, R. LTE: Nuevas tendencias en comunicaciones móviles.
Fundación Vodafone, 2010.

HELLBERG, GREENE, BOYES. Broadband Network Architectures.
Prentice Hall, 2007

G. CAMARILLO, M.A. GARCIA-MARTIN. The 3G IP Multimedia Subsystem (IMS), 3rd ed.
Wiley, 2008.

O. HERSENT, D. GURLE, J. P. PETIT. IP Telephony.
Addison-Wesley, 2000.

X. TIAN, Y. CHEN. Scalable Multicasting over Next-Generation Internet.
Springer, 2013.

Aldizkariak

Journal of Multimedia.
Journal of Mobile Multimedia.
Advances in Multimedia.
IEEE Transactions on Mobile Computing.