Irakasgaiaren helburua ikasleak TCP/IP konputagailu sareekin lan egiteko behar dituen oinarrizko kontzeptuak eta teknikak ezagutzea da. Irakasgaiak Internet sarearen kasua hartzen du ardatza gisa.



Ikasleak lortuko dituen ezaguerak eta gaitasunak TCP/IP sareen barrukoak (eta, beraz, Interneterenak) ulertzeko eta lantzeko behar dituenak dira. Gaitasun horiek ezinbestekoak dira TCP/IP sareak eta horien bidez eskaintzen diren zerbitzuak sortu eta kudeatu ahal izateko.



Irakasgaia izaera praktikoa du: teoria aplikatua da, eta kreditu praktikoak laborategian lantzen dira. Laborategiko lanaren helburua bikoitza da: bere lan-bizitzako sare inguruko lanetan ikasleak erabili beharko dituen tresnen eta ekipoen erabileran entrenatzea, eta teorian ikasitako teknikak eta kontzeptuak hobeto ulertzea eta horietan sakontzea.



Irakasgaiaren gaitasunez gain,

http://www.ehu.es/documents/340468/516505/Gaitasunak.pdf helbidean dagoen "gaitasunen zerrenda" dokumentuko T4, T6, T9 etaT10 gaitasun orokorrak, eta informatika adarreko IA5, IA11, eta IA13 gaitasunak landuko dira.

===================

KREDITU TEORIKOAK

===================



1. Sarrera

- Interneten egitura

- Mailak, zerbitzuak eta protokoloak.

- TCP/IP protokolo sorta.



2. Sare teknologiak

- Sare lokalak: Ethernet eta Wifia.

- Distantzia handiko teknologiak.



3. IP sareak.

- IPv4 helbideak.

- IP bideratzea.

- DHCP eta NAT.

- IPv6.



4. Garraio zerbitzuak eta protokoloak.

- Garraio zerbitzuak.

- UDP.

- TCP.



5. Sare-aplikazioak.

- DNS.

- Web.

- Posta elektronikoa.

- Bideo streaaming.

- Uneko mezularitza.



6. Sare-segurtasuna.

- Mugasareak eta su-hesiak.

- Kriptografia eta konfidentzialtasuna.

- Sinadura digitala.

- Ziurtagiri digitalak.

- Segurtasunerako teknologiak: SSL, VPN.

- Wireless eta segurtasuna.





====================

KREDITU PRAKTIKOAK

====================

1. Switchak.

2. VLANak.

3. Bideratzaileak.

4. DHCP.

5. IPv6.

6. NAT.

7. Suhesiak.

Irakasgaiko zati bakoitzean erabiliko dugun metodokologia honako hauek dira.



TEORIA

Eskola teorikoetan irakasleak gaiak azalduko ditu eta ariketak egiteko jarraibideak emango ditu. Ikaslearen lan pertsonalaren oinarria bibliografiak izan behar du, eskoletan hartutako apunteekin lagunduta.



Teoria erabiltzen ikasteko, ikasgai bakoitzeko ariketa sorta bat ebatzi behar dute ikasleek, era kolaboratiboan. Horretarako urratsak honakoak dira:

1. Irakasleak ariketa bakoitzari buruzko jarraibideak, azalpenak eta adibideak emango ditu ikasgelan.

2. Ikaslearen lan pertsonala.

3. Ikasleen elkarlana, irakaslearen laguntzarekin, moodle plataforman.



PRAKTIKAK

Laborategiko lanak taldean egingo dira (normalean, binaka), irakaslearen laguntzarekin eta laborategian. Praktika gehienak GNS3 emuladorea erabiliz beteko dira, eta besteak benetako sare ekipoak erabiliz. GNS3 emuladoreak ikasleari ematen dio aukera bere etxean prestatzeko, errepasatzeko, zabaltzeko eta osatzeko laborategian egindakoa.

Irakasgaiaren arlo desberdinen pisua amaierako notan, eta ebaluazio erak ondokoak dira:

* Teoria: %30a. Test bidez.

* Teoria aplikatua: %40a. Idatziriko ariketen bidez.

* Laborategiko praktikak: %30a. Idatziriko proben bidez.

Irakasgaia gainditzeko, nota osoa 5 edo gehiago izateaz gain, atal bakoitzean 3,5 edo gehiago lortu behar du ikasleak.



Bi deialdi izango ditu ikasleak bere ebaluaziorako.



Lehenengo deialdia (maiatza arte):

Ondoko bi aukera daude: ebaluazio jarraitua edo globala.

Laborategien ebaluazioa berdina izango da bi ebaluazio sistemetan.



Aukera jarraituan: hainbat idatziriko proben bidezko ebaluazioa izango

da, batzuk test modukoak eta beste batzuk ariketak osatutakoak.



Aukera globalean azterketa bakar batean ebaluatuko da teoria.

Ikasleak erabakiko du, bere ikasteko eraren arabera, zein den hobekien egokitzen zaion ikasmateriala. Beraz, ez dago derrigorrez erabili behar den materialarik.

Oinarrizko bibliografia

Ia irakasgai osoko teoria ondoko liburuarekin presta daiteke:

Redes de Computadoras. Un enfoque descendente - J.F. Kurose and K.W. Ross. 7ª ed. Pearson, 2017.

Gehiago sakontzeko bibliografia

RIVADENEYRA, J.M. TCP/IP Sareak, 3. arg. (moodle-n eskuragarria pdf formatuan).
FOROUZAN B. A. TCP/IP Protocol suite, 4ª ed.
TANENBAUM A.S. Konputagailu Sareak 3./4./5. arg. (4.a-5.a gazteleraz eta ingelesez soilik)
KOZIEROK, C.M. The TCP/IP Guide (atzigarria http://www.tcpipguide.com/free/index.htm url-n).