Sareak oinarrizko garrantzia duen aplikazioen garapenerako oinarriak ikasten dira irakasgai honetan. Hortaz, irakasgaiak sareari estuki lotutako aplikazioen garapenean jartzen du arreta, garrantzia berezia emanez TCP/IP arkitekturaren gaineko garapenari, eta honen barruan, web aplikazioei. Sare aplikazioak lantzeko ereduak aztertzen dira eta berauek garatzeko interfazeak.



Lortzen diren gaitasunak:

· Sareetan orokorrean, eta TCP/IP arkitekturan bereziki, aplikazio berriak asmatu, diseinatu, garatu, dokumentatu eta ustiatzeko gaitasuna.

· Sare aplikazio baten kalitatea, zerbitzu maila eta erakunde baten beharretara zenbateraino egokitzen den ebaluatzeko gaitasuna.

· Aplikazioen garapenetan lantaldeak zuzendu eta koordinatzeko gaitasuna.

· Sare aplikazio bat garatzeko tresnak eta teknikak ebaluatzeko eta aukeratzeko gaitasuna.

· Sare aplikazio baten garapenaren, moldaketaren edota mantentze-lanaren kostu ekonomikoa eta denborazkoa ebaluatzeko gaitasuna.

1 Sare aplikazioen diseinua.

1.1 Sare aplikazioen egitura.

1.2 Bezero/zerbitzari eta P2P ereduak.

1.3 TCP/IP mailako garraio zerbitzuak.

1.4 Protokolo aplikazioak.

2 Sare zerbitzuak atzitzeko interfazeak: socketak.

2.1 Sare aplikazioen programazioa socket interfazea erabiliz.

2.2 Zerbitzari iteratibo eta konkurrenteak.

2.3 Multicast.

2.4 IPv6.

3 Webean oinarritutako aplikazioak.

3.1 Web teknologiaren oinarriak.

3.2 HTML eta XHTML.

3.3 CSS estiloak.

3.4 Javascript.

3.5 PHP.

3.6 XML.

3.7 Ajax eta web zerbitzuen oinarriak.

4 Sare aplikazioak garatzeko tresna aurreratuak.

Nagusiki praktikoa den irakasgai bat izanik, klase teorikoetan ikasleari oinarrizko kontzeptuak azaltzen zaizkio. Ondoren, ikasleak berak sakondu behar du kontzeptu horietan, irakasleak emandako erreferentziak jarraituz. Klase praktikoetan kontzeptu teorikoak praktikan jartzen dira.



Metodologia aktiboak

--------------------

Ikasleek bi praktika mota egin behar dituzte, binakako taldeetan. Alde batetik klase praktikoetan hainbat lan praktiko egin behar dituzte, beti ere irakasleak lagunduta. Orokorrean praktika motzak (saio bakarrekoak) eta oso zuzenduak dira, beharrezko kontzeptu teorikoak modu azkar batean praktikan jartzeko. Bestalde, kontzeptu teorikoen erabilpen praktiko zabalago bat egin behar du ikasleak, klase orduetatik kanpo, baina irakasleak zuzenduta. Mota honetako 3 lan praktiko egin behar ditu, lehenengo 3 gaiei dagokienak hain zuzen ere.

Ikasleak bi ebaluazio sistema ezberdinen artean aukeratu behar du: ebaluazio jarraitua ala globala. Bi kasuetan gaitegiko gai bakoitzak ebaluazioan duen pisua berbera da: %10, %45, %40 eta %5, hurrenez hurren.

Printzipioz, klasera etortzen ohi den ikasle oro ebaluazio jarraituan dagoela suposatzen da eta behin betiko hartzen da, ikasleak hala eskatuta, horretarako adierazten den epean (ikastaroaren %60 - %80 ebaluatuta). Epe horretan ikasleak ez badu eskaerarik egiten, ebaluazio jarraituari uko egiten diola ulertzen da.

Ebaluazio jarraitua aukeratu duen ikaslea eskoletara etortzea ezinbestekoa da. Kasu honetan ebaluazioak hiru atal ditu. Alde batetik, ikasleek taldeka hainbat lan praktiko egin behar dituzte lehenengo hiru gaietan, oro har klase orduetatik kanpo. Atal honen pisua %50koa da (%10, %20 eta %20). Bestalde, 2. eta 3. gaien kasuan, ikasle bakoitzak test motako idatzizko azterketa bat egin behar du eta gutxienez 3 puntuko nota exijitzen zaio ebaluazio jarraituan segitzeko. Azterketa hauen pisua %45ekoa da azken notan (%25 eta %20). Bukatzeko, azkeneko gaian, laborategian eginiko praktika ebaluatzen da, bere pisua azkeneko notaren %5ekoa izanik.

Ebaluazio globalaren kasuan ikasleak hainbat lan praktiko egin behar ditu, banaka, klase orduetatik kanpo. Honetaz gain, idatzizko azterketa bat egin behar du, bere pisua bukaerako notaren %70 izanik.

Irakasleak eGelan eskuragarri utzitako materiala: gidak, adibideak, enuntziatuak...

Oinarrizko bibliografia

- Computer Networking: A Top-Down Approach, 4th ed. J.F. Kurose and K.W. Ross. Addison-Wesley 2008. [https://www.pearson.com/us/higher-education/program/Kurose-Computer-Networking-A-Top-Down-Approach-7th-Edition/PGM1101673.html]

- Designing Data-Intensive Web Applications. S. Ceri et al. Morgan Kaufmann 2003.

- TCP/IP Sareak, 3. argitaldia. JM Rivadeneyra. UEU 2009

Gehiago sakontzeko bibliografia

- Unix Network Programming, Vol 1, 2nd ed. W. R. Stevens. Prentice Hall 1998.
- Twisted Network Programming Essentials, 2nd ed. Abe Fettig and Jessica McKellar. O'Reilly Media 2013.
- Internetworking with TCP/IP Vol III: client-server programming and applications. D.E. Comer, D.L. Stevens. Prentice hall 2001.
- TCP/IP Guide. A Comprehensive, Illustrated Internet Protocols Reference. Charles M. Kozierok. No starch press. 2005. [http://www.tcpipguide.com/free/t_toc.htm]
- PYTHON programazio-lengoaia: oinarriak eta aplikazioak. Iñaki Alegria Loinaz, Olatz Perez de Viñaspre Garralda eta Kepa Sarasola Gabiola. UEU eta UPV/EHU 2016.