Espainiako txapelketetan, banakako kiroletan, parte hartzeko UPV/EHUko ikasleak hautatzeko irizpideak

1. Baldintza akademikoak

Matrikulatuta egon behar da egungo ikasturtean gradu, master edo doktoregoko ikasketetan, lurralde nazional osoan balioa duten titulu ofizialetan.

 

2. Kirol baldintzak

Kirol Kontseilu Goreneko presidentearen erabakian, non 2020ko Espainiako Unibertsitate Txapelketak (CEU) deitzen baititu, bertako erregelamendu orokorrean eta kirol modalitate bakoitzaren erregelamendu tekniko espezifikoan ezarritakoa eragotzi gabe, txapelketotan UPV/EHU Euskal Herriko Unibertsitatearen izenean eta ordezkari gisa parte hartu nahi dutenek honako irizpide hauek izan beharko dituzte kontuan:

2.1.- Aldez aurretiko jarduera duten modalitateak

2020ko Espainiako Unibertsitate Txapelketetan parte hartu ahal izateko Kirol Zerbitzuak erabakitako lehiaketetan parte hartu beharko dute (campuseko txapelketak, UPV/EHUko campus artekoak, Euskadiko txapelketak eta proba espezifikoak). Azken fasean, hiru lehenengo postuetan geratzea balioetsiko da merezimendu bezala goragoko lehiaketetara pasatzeko.

Lehenagoko lehiaketetan izandako emaitzaz gain, kontuan hartuko da kirolariek parte hartu duten kirol diziplinetan izandako esperientzia.  UPV/EHUk beti izango du balioesteko ahalmena, azken finean, ea kirolarien esperientzia unibertsitateen arteko lehiaketetara joateko nahikoa den edo ez.

Behin modalitate hauetako bakoitzean (XAKEA, KROSA, ORIENTAZIOA, PADELA, TENISA, MAHAI TENISA, HONDARTZAKO BOLEIBOLA) eskatutako baldintzak beterik, UPV/EHUk gehienez ere honako kirolari kopurua inskribatuko du.

Modalitatea (*) Emakumezkoak Gizonezkoak Egoitza Data
KROSA 4 4 SORIA

2020/03/14-2020/03/14

BERTAN BEHERA

PADELA Bikote 1 Bikote 1 VALLADOLID

2020/04/21-2020/04/24

BERTAN BEHERA

XAKEA 3 3 SALAMANCA

2020/04/27-2020/04/30

BERTAN BEHERA

BANAKAKO TENISA 1 1 VALLADOLID

2020/04/21-2020/04/24

BERTAN BEHERA

BINAKAKO TENISA Bikote 1 Bikote 1 VALLADOLID

2020/04/21-2020/04/24

BERTAN BEHERA

MAHAI TENISA 2 2 BURGOS

2020/04/20-2020/04/22

BERTAN BEHERA

HONDARTZAKO BOLEIBOLA Bikote 1 Bikote 1 VALLADOLID

2020/05/10-2020/05/12

¿¿¿???

ORIENTAZIOA 2 2 PALENTZIA

2020/05/15-2020/05/17

¿¿¿???

(*) Oharra. UPV/EHUk ez du konpromisorik hartzen kirol modalitate guztietan parte hartzeko. Zer modalitatetan parte hartu eta zeinetan ez erabakitzeko, UPV/EHUk hainbat irizpide hartuko ditu kontuan: dauden baliabideak, kirolarien errendimendu maila, etab.

Txapelketei buruzko informazio gehiago jasotzeko, kontsultatu Kirol Kontseilu Gorenaren webgunea eta modalitate bakoitzaren ARAUTEGIA.

2.2.- Aldez aurreko jarduerarik gabeko modalitateak

Izena emateko fitxa
Izena emateko epea Kirol Kontseilu Gorenean, modalitate bakoitzean, izenak ematen hasi baino aste bat lehenago amaituko daDatak.

Espainiako txapelketetako banakako modalitatean parte hartu nahi duten ikasleek UPV/EHUko Kirol Zerbitzuen webguneko aplikazioaren bidez eskatu beharko dute.

Izena emateko epea Kirol Kontseilu Gorenean, modalitate bakoitzean, izenak ematen hasi baino aste bat lehenago amaituko da. Datak kontsultatu.

Araudi honetan zehaztutako baldintzak bete arren, aipatutako inskripzioa egiten ez duen pertsona orok ezin izango du lehiaketa horretan parte hartu, Kirol Zerbitzuak formularioa bete duten pertsonekin soilik izango baitu harremana.

Euskal Herriko Unibertsitatea posta elektronikoz jarriko da harremanetan izena eman duten pertsonekin beste datu batzuk eskatzeko, hala nola: gutxieneko markak, rankinga … Halaber, dituzten kirol merezimenduen datuak eskatuko dira. Adibidez:

  • Eskatutako modalitatean errendimendu handiko edo goi mailako kirolari gisa egiaztatuta egotea.
  • Espainiako Unibertsitate Txapelketetako azken bi edizioetako batean gutxienez domina bat irabazi izana eskatutako modalitatean.
  • Espainiako Txapelketa Ofizialetan, edo kirolari atzerritarren kasuan nazionaletan, eskatutako modalitatean 2020ko urtarrilaren 1etik aurrera parte hartu izana egiaztatzea.

Izena emandako pertsonei buruz bildutako informazio guztiarekin UPV/EHUk hautaketa bat egingo du, modalitate bakoitzean ondorengo kirolari kopuru hau, gehienez, inskribatzeko:

Modalitatea (*) Emakumezkoak Gizonezkoak Egoitza Data
ESKALADA 3 3 LEÓN

2020/04/24-2020/04/25

BERTAN BEHERA

GOLFA 1 1 SEGOVIA

2020/04/27-2020/04/30

BERTAN BEHERA

KARATE Pisu bakoitzeko 1 Pisu bakoitzeko 1 MURTZIA

2020/05/21-2020/05/22

¿¿¿???

ESGRIMA Arma bakoitzeko 1 Arma bakoitzeko 1 BURGOS

2020/04/27-2020/04/29

BERTAN BEHERA

BADMINTONA Proba bakoitzeko 1 Proba bakoitzeko 1 SALAMANCA

2020/05/13-2020/05/15

¿¿¿???

BORROKA 2 2 LOS ALCAZARES (MURTZIA)

2020/04/16-2020/04/17

BERTAN BEHERA

IGERIKETA Proba bakoitzeko 1 Proba bakoitzeko 1 VALLADOLID

2020/04/24-2020/04/26

BERTAN BEHERA

HIPIKA 1 1 SEGOVIA

2020/04/17-2020/04/19

BERTAN BEHERA

TAEKWONDOA Pisu bakoitzeko 1 Pisu bakoitzeko 1 ESPINARDO (MURTZIA)

2020/05/15-2020/05/16

¿¿¿???

ATLETISMOA Proba bakoitzeko 1 Proba bakoitzeko 1 VALLADOLID

2020/05/01-2020/05/03

BERTAN BEHERA

ARKU TIROA - - LEÓN

2020/04/24- 2020/04/25-26

BERTAN BEHERA

HALTEROFILIA 1 1 SALAMANCA

2020/05/22-2020/04/25

¿¿¿???

JUDOA Pisu bakoitzeko 1 Pisu bakoitzeko 1 SALAMANCA

2020/05/08-2020/05/09

BERTAN BEHERA

TRIATLOIA 2 2 ZAMORA

2020/06/12-2020/06/13

¿¿¿???

TIRO OLINPIKOA 1 1 MOLINA DE SEGURA (MURTZIA)

2020/04/24- 2020/04/25-26

BERTAN BEHERA

 

Dagoen plaza kopurua baino eskaera gehiago jasotzen badira, Kirol Zerbitzuak honako irizpideak izango ditu kontuan hautatzerakoan:

  1. Egungo denboraldiko kirol emaitzak parte hartu nahi den modalitatean.
  2. Beste batzuetan, Espainiako Unibertsitate Txapelketetan, izandako emaitzak.
  3. Espediente akademikoa.

Txapelketei buruzko informazio gehiago jasotzeko, kontsultatu Kirol Kontseilu Gorenaren webgunea eta modalitate bakoitzaren ARAUTEGIA..

 

3. UPV/EHU ordezkatuz Espainiako Unibertsitate Txapelketetan parte hartzen duten ikasle GUZTIENTZAKO laguntzak

3.1. Hauek izango dira UPV/EHUren ardurak:

  • Kirol Kontseilu Gorenean izena ematea.
  • Kirolariei ekipamenduren bat ematea (kirol jertsea eta elastiko beltza).
  • Diruz laguntzea (aurrekontuaren eta parte hartzen den kirolen arabera), lehiaketak iraun bitartean, joan-etorrien, ostatuaren eta mantenuaren gastuak ordaintzeko.

3.2.: Hautatutako ikasle bakoitzak 100 euroko laguntza jasoko du, lekualdatze egun edo lehiaketa egun bakoitzeko, Espainiako Unibertsitate Txapelketetan (2020) parte hartzeko.

3.3. Hauek izango dira ikasle parte hartzaileen ardurak:

  • Beharrezko kudeaketak egitea lehiaketa egingo den lekurako joan-etorriak eta bertako ostatua eta mantenua antolatzeko.
  • Parte hartzaileen kontura izango da material gehigarria halakorik behar den kirol modalitateetan: bizikletak, zaldiak, erremintak, makilak ….
  • Lehiaketa amaitutakoan, Kirol Zerbitzuan aurkeztu beharko dira esperientzia baloratzen duen txostena eta egokitzat jotzen den dokumentazio grafikoa.

 

4. Diziplina arauak

Behin kirolariaren modalitate bakoitzeko izen ematea eta parte hartzea egiaztatuta, lehiaketan partu ez bada, Kirol Zerbitzuak zigor hauek ezar litzake:

  • Parte hartu ezin izatea unibertsitate lehiaketetan indarrean dagoen ikasturtean eta hurrengoan.
  • Krediturik ez jasotzea indarrean dagoen ikasturtean eta hurrengoan kirol jarduerengatik.

 

5. Kredituak

Espainiako Unibertsitate ateko Txapelketetan parte hartzeak kredituak eskuratzeko balio du.