A4. Komunikazio-sistema baten oinarrizko parametroak aztertzeko eta zehazteko gai izatea.



A6. Telekomunikazioko azpiegiturak, zerbitzuak, sistemak eta sareak sortzeko, hedatzeko, antolatzeko eta kudeatzeko gai izatea, bizitegietan (etxea, hiria eta komunitate digitala), enpresetan edo erakundeetan. Horiek martxan jartzeko eta etengabe hobetzeko ardura hartzea, eta ekonomian eta gizartean zer eragina duten jakitea.



A12. Sareko arkitekturaren eta komunikazioen interfaze eta protokoloaren kontzeptuak ezagutzea eta erabiltzea.



A14. Sareak konektatzeko eta bideratzeko metodoak ezagutzea, bai eta trafiko-parametroen arabera sareen plangintza eta dimentsioa zehazteko oinarriak ere.

TEORIAKO GAI-ZERRENDA



1. INFORMAZIOAREN TEORIA. KODIFIKAZIO TEKNIKAK

1.1. Informazioaren teoriaren sarrera

1.1.1. Komunikazio - sistema baten eredua

1.1.2. Kodifikazio adibideak

1.1.3. Entropia funtzioa

1.1.4. Ariketak

1.2. Luzera aldakorreko iturri kodifikazioa

1.2.1. Zentzu bakarrean dekodifikagarriak diren luzera aldakorreko kodigoak

1.2.2. Iturrietarako kodeen egokitzapena. Iturrien luzapena

1.2.3. Huffman-en algoritmoa

1.2.4. Ariketak

1.3. Informazio prozesuaren eredugintza

1.3.1. Informazio prozesuaren teorema

1.3.2. Komunikazio - sistema. Memoria gabeko kanal diskretua (DMC)

1.3.3. Adibidea: Markov-en katea

1.3.4. Ariketak

1.4. Kanaleko kodifikazioa

1.4.1. Kanaleko kodifikazioaren teorema

1.4.2. Kanaleko kodearen kontzeptua. Adibideak

1.4.3. Ariketak

1.5. Iturri kodifikazioa eta informazioa konprimitzeko gaitasuna

1.5.1. Iturri kodifikazioaren teorema edo datu konpresioaren teorema

1.5.2. Iturri-kodearen kontzeptua. Kodearen distortsioa

1.5.3. Ariketak



2. TRAFIKO EREDUGINTZA

2.1. Ilaren teoria

2.1.1. Modelo klasikoak

2.1.2. Orekako ekuazioak

2.1.3. Ilaren sareak

2.1.4. Ariketak

2.2. Protokoloen eredugintza eta errendimendu analisia

2.2.1. Erroreen aurkako berreskuratze-mekanismoak

2.2.2. Errendimendu ebaluazioa

2.2.3. Ariketak

2.3. Trafiko eredugintza eta simulazioa

2.3.1. Simulazio teknikak

2.3.2. Sare plangintza eta hedapena

2.3.3. Fluxu kontrolerako mekanismoak

2.3.4. Bide laburrenaren bideratze - algoritmoak

2.3.5. Ariketak



LABORATEGIKO PRAKTIKAK

1. Praktika: Kanal desberdinetan oinarritutako irudien transmisio sistema baten diseinua

2. Praktika: M/M/1 ilara baten simulazioa eta estatistikoen aztertzea

3. Praktika: ARQ protokolo baten eredugintza errendimendua aztertzeko

Laborategiko praktikak Mathematica softwarea erabiliz garatuko dira.

Irakasgaiak klase Magistralak (M), Gelako Praktikak (GA) eta Laborategiko Praktikak (GL) ditu. Klase Magistralak eta Gelako Praktikak lauhilekoaren 15 asteetan banatzen dira, 1 ordu eta 30 minutuko klasetan. Bestalde, Laborategiko Praktikak lauhilekoaren 10 astetan egiten dira, baita 1 ordu eta 30 minutuko saiotan.



Irakasgaia jarraitzeko hurrengo material lagungarriak daude:

1. Irakasgaiaren webgunea UPV/EHUko “eGela” plataforman https://egela.ehu.eus/

Irakasleek ikasleak behar duen informazio guztia eskuragarri uzten dute “eGela” webgunean. Horretaz baliatuz, ikasleak irakasgaiaren egunez eguneko segimendua egin dezake. Hain zuzen, ikasleak hurrengo edukiak ditu eskuragarri:

• Irakasgaiari buruzko informazio orokorra

• Klase magistraletarako gardenkiak

• Ariketak

• Laborategiko Praktiken enuntziatuak eta beraien garapenerako oinarrizko gidak

• Mathematica softwareaz praktikak garatzeko laguntza-dokumentuak

• Iraganeko ikasturtetan ipinitako azterketen enuntziatuak eta ebazpenak

• Azterketa partzialeko, ohiko deialdiko eta ez-ohiko deialdiko notak.

• Irakasleak eta ikasleak elkarrekin aritzeko tresnak (berrien foroa, lan boluntarioen entregak)



2. Laborategiko Praktikak Mathematica softwarea erabiliz garatuko dira. Praktika hauek egiten diren kalkulu-zentroetako ordenagailuek jadanik badute instalatuta software hori.

1- Ebaluazio jarraia egiten duten ikasleen nota hurrengo puntuetatik aterako da:



A) TEORIA, notaren %75a, hurrengo 2 proben emaitzetatik aterako dena.

A1) %35a 1. atalaren azterketa (Informazioaren teoria)

Proposaturiko data: lauhilekoaren 10. asteko ostirala (2018-11-9).

Irakasgaiaren atal hau, azterketa honetan bakarrik neurtua izango da.

A2) 40%a 2. atalaren azterketa (Trafiko eredugintza)

Data: urtarrileko deialdi ofizialekoa.

Teoriako atalean guztira >=3 atera beharko da Praktiketako atalaz batezbestekoa egiteko..



B) Laborategiko Praktikak: notaren %25a

Laborategi-praktiketako azterketa bat egingo da.

Proposaturiko data: lauhilekoaren 15. edo 16. astean.

Hauxe izango da irakasgaiaren atal hau ebaluatzen duen azterketa bakarra.

Praktiketako atalean guztira >=3 atera beharko da Teoriako atalaz batezbestekoa egiteko.

Ez da derrigorrezkoa laborategira etortzea.



C) Irakasgaiari buruzko lan boluntarioak. Hautazko lanak eginez eta laborategiko praktiketan jarrera positiboa erakutsiz puntuazio gehigarria lor daiteke.



Ohiko-deialdiko azterketa ofizialera (irakasgairen %40ko balioa duena) aurkezten ez diren ikasleek, horrekin, deialdi horri uko egingo diote eta aktetan Ez Aurkeztua jarriko zaie.



Ohiko deialdian, ebaluazio jarraia egin duen ikasle batek irakasgaia gaindituko ez balu, baina irakasgaiko ataletariko bat gaindituko balu (Teoriako atala guztira edo Praktiketako atala), gaindituriko atala ez-ohiko deialdirako gordeko zaio, horrela, ez gaindituriko atalaren azterketa bakarrik egin beharko du.



2- Ebaluazio jarraia egiten ez duten ikasleek eskubidea dute, urtarrileko ohiko deialdiaren datan, azterketa bat egiteko, irakasgaiaren %100a ebaluatuko duena. Azken azterketa hori Teoriako atalaz (%75) eta Laborategiko Praktiketako atalaz osatuta egongo da. Ebaluazio jarraiari uko egiten bazaio, lauhilekoan zehar egin ahal diren ebaluazio probak balio gabe gelditzen dira; baita lan boluntarioen bitartez lor daitezkeen balorazio estrak ere. Ebaluazio jarraiari uko egiten dioten ikasleek, hori posta elektroniko bidez jakinarazi beharko diete irakasgaiko irakasleei, lauhilekoaren 10. asteko asteleheneko 0:01ak baino lehen. Ebaluazio jarraia egiten duten ikasleek bezalaxe, ebaluazio jarraiari uko egiten diotenek ere Teoriako zatian nota>=3 eta Praktiketako zatian nota>=3 atera beharko dute.

"Mathematica" kalkulu - erreminta.

Oinarrizko bibliografia

Ikasgaiaren apunteak eta erreferentzia gisa har daitezkeen weborriak



Juan Viñas Sanz, Juan Riera García y Juan Quemada Vives. “Teoría de la Información y Codificación (1ª parte)”. ETSIT de la Universidad Politécnica de Madrid. 1983.

Norman Abramson. “Teoría de la Información y Codificación”. Editorial Paraninfo. 1986.

Mischa Schwartz. “Redes de Telecomunicaciones: Protocolos, modelado y análisis”. Addison-Wesley Iberoamericana. 1994.

William Stallings. "Comunicaciones y Redes de Computadores". Prentice Hall. 2004.

Gehiago sakontzeko bibliografia

Cándido López García y Manuel Fernández Veiga “Teoría e la Información y Codificación”. Tórculo ediciones. 2002.
Steven Roman. “Coding and Information Theory”. Springer 1992.
Jan C.A. Van der Lubbe "Information Theory", Ed. Cambridge University Press, 1997.
Robert B. Ash. "Information Theory", Ed. Dover Publications, 1990
Shannon C.E., “A Mathematical Theory of Communication”, Bell System Technical Journal, vol. 27, pp. 379-423, 623-656, Julio, Octubre 1948.
William Stallings. “Redes e Internet de Alta Velocidad: Rendimiento y calidad de servicio”. Pearson Educación S.A, 2004.
Arnold O. Allen. “Probability, Statistics and Queueing Theory with Computer Science Applications”. Academic Press 1990.
José Juan Pazos, Andrés Suárez González, Rebeca P. Díaz Redondo. “Teoría de colas y simulación de eventos discretos”. Pearson, 2003.