Irakasgai honekin lortu nahi dena da ikaslea ondorengoa egiteko gai izatea:

- Laborategian komunikazio- eta transmisio-sare optikoetarako prestakuntza praktikoa lortzea; zirkuitu eta azpisistemen aukeraketan, zuntz optiko bidezko telekomunikazioetan gehien erabiltzen diren gailu eta ekipo optikoen funtzionamenduaren ezagueran eta ohiko tresneriaren erabileran enfasi berezia jarriko da. (Telekomunikazio moduluaren S4 gaitasuna.)

- Zuntz optikozko instalazioak egiteko gai izatea. (Telekomunikazio moduluaren S5 gaitasuna.)

1. gaia: ZUNTZ OPTIKOETARAKO SARRERA

(Zuntz optikoa: angelu kritikoa, eremu ebaneszentea, egitura, motak, aplikazioak, errefrakzio-indizearen profilak, zenbakizko irekidura, transmisio-ahalmena, aurrekari historikoak)

2. gaia: HEDAPENA ZUNTZ OPTIKOETAN

(Atenuazioa: mekanismo intrintsekoak eta estrintsekoak, transmisio-leihoak, atenuazioak mugatutako loturaren distantzia maximoa. Dispertsioa: kontzeptua, efektuak, dispertsio motak, dispertsioak mugatutako loturaren distantzia maximoa. Konektoreak eta junturak: galera intrintsekoak eta estrintsekoak, galerak konektoreetan, konektore motak, leunketa, junturak)

3. gaia: IGORLE OPTIKOAK

(LEDak: funtzionamendua, SLEDak eta ELEDak, eraginkortasunak. LASERrak: funtzionamendua, Fabry-Perot laserra, eraginkortasunak, igorpen-moduak, ispilu-banatuetan oinarritutako laserrak, kanpo-moduladoreak)

4. gaia: DETEKTORE OPTIKOAK

(Fotodiodoak: funtzionamendua, eraginkortasunak eta errespontsibitatea, ezaugarri espektralak. Elektroi-oldezko fotodiodoa VS PIN fotodiodoa, laserraren, zuntz optikoaren eta hartzailearen erantzun-denborak eta fotodiodoan jaso behar den seinale/zarata erlazioa kontuan hartuz sarearen diseinua)

5. gaia: ANPLIFIKADORE OPTIKOAK ETA EFEKTU EZ-LINEALAK

(Anplifikadore optikoak: funtzionamendu, EDFA, SOA eta Raman. Efektu ez-linealak: sailkapena eta deskripzioa)



Laborategiko praktikak:

- 1. praktika: Potentzia optikoaren neurgailua eta laser-iturri bikoitza

- 2. praktika: Zuntz optiko moduanizdunen zenbakizko irekiduraren eta beste parametro interesgarri batzuren neurketa

- 3. praktika: WDM transmisio-sistemak

- 4. praktika: Komunikazio optikoetako loturen karakterizazioa

- 5. praktika: Argiaren polarizazioa eta bere aplikazioak

- 6. praktika: Laser erdieroale baten karakterizazioa

Gardenkien bitartez ordu magistraletan azaldutako gai bakoitzeko teoria, gelako praktika-orduetan landutako problemen ebazpenekin osatuko da. Horrela lortutako ezagutzak laborategiko praktika-orduetan burututako praktika esperimentalei aplikatuko zaizkie eta mintegi-orduak erabiliko dira praktika esperimentaletan lortutakoa prozesatu eta biltzeko.

Nota osoa bi ataletan bananduta dago:

- Nota osoaren % 35a: idatzizko azterketaren ebaluazioa.

- Nota osoaren % 65a: laborategiko praktiken ebaluazioa.



Irakasgaia gainditzeko beharrezkoa da:

- 5 puntu edo gehiago lortzea, 10en gainean, idatzizko azterketan

eta

- 5 puntu edo gehiago lortzea, 10en gainean, laborategiko praktiketan.



Idatzizko azterketaren ebaluazioa:

- Azken ebaluazioa soilik.

* Idatzizko azterketa azken ebaluazio proba egiteko ordu ofizialean: problema- eta/edo kuestio-sorta.



Laborategiko praktiken ebaluazioa:

- Etengabeko ebaluazioa:

* Eginiko laborategi-neurketen txosten normalizatuak.

* Taldeka burutzen dira eta praktika bakoitzaren amaieran derrigorrez entregatzen dira.

* Ikasleak eskubidea du azken ebaluazio bidez ebaluatua izateko: horretarako, ikasleak etengabeko ebaluazioari uko egiten diola jasotzen duen idatzi bat aurkeztu behar du, bederatzi asteko epea izanik, lauhilekoa hasten denetik kontatzen hasita.

- Azken ebaluazioa:

* Azterketa praktikoa idatzizko azterketaren ondoren (azken ebaluazio proba egiteko egun ofizialean).

* Bakarkakoa.



Uko egitea: azterketa egun ofizialean egin beharreko probara ez aurkezte hutsak ekarriko du automatikoki ohiko deialdiari uko egitea.

Irakasgaiaren apunteak. Gardenkiak Powerpoint-en. Praktiken gidoiak eta txostenak. Material guztia eGelan dago eskuragarri.

Oinarrizko bibliografia

"Fiber Optic Communications" (4th Edition) Joseph C. Palais, Prentice Hall, 1998.

"Fiber Optic Communications" (5th Edition) Joseph C. Palais, Prentice Hall, 2004.

Gehiago sakontzeko bibliografia

"Optoelectronics and Photonics", S.O. Kasap, 2001.
"Problemas de Comunicaciones Ópticas, Tomo 1: dispositivos", Servicio de Publicaciones de la Universidad Politécnica de Valencia, José Capmany, Daniel Pastor, Beatriz Ortega, 1998.

Aldizkariak

Revista Española de Física: http://www.revistadefisica.es/index.php/ref/index