Prozesadorean oinarritutako informazio-sistema baten arkitekturako maila operatiboa ulertzeko eta azaltzeko gai izan dadila ikaslea.



Maila operatiboaren funtzioak (prozesuen kudeaketa, S/I kudeaketa, memoriaren kudeaketa, fitxategien kudeaketa, komunikazioen kudeaketa) identifikatzeko eta aztertzeko gai izan dadila ikaslea.



Planifikazio-algoritmoen arteko aldeak azaltzeko gai izan dadila ikaslea. Egoera jakin batera ondoen egokitzen den algoritmoa aukeratzeko gauza izan dadila.



Memoria kudeatzeko algoritmoen arteko aldeak azaltzeko gai izan dadila ikaslea. Egoera jakin batera ondoen egokitzen den algoritmoa aukeratzeko gauza izan dadila.



Fitxategi-sistemaren osagaiak eta egitura ulertzeko eta barruan dauden sarrera/irteera-eragiketak ulertzeko gai izan dadila.



Informazio-sistemetako segurtasuneko kontzeptuak menperatzea: kriptografia, segurtasun perimetrala, birus/antibirusak eta segurtasuneko araudia



Sistema-deiak erabiliz aplikazioak garatzeko gai izan dadila.



Egoera jakin baterako prozesuen arteko sinkronizazio-mekanismorik egokiena aukeratzen jakin dezala.

1. MODULUA Sistema Eragileak



1. Sarrera

1.Sistema eragilea zer den

2.Sistema eragileen eboluzioa

3.Sistema eragile motak

4.Sistema eragileetako kontzeptuak

5.POSIX sistemaren deiak

6.Sistema eragilearen egitura

2. Prozesuak eta Hariak

1.Prozesuak

2.Hariak

3.Prozesuen arteko komunikazioa

4.Planifikazioa

3. Memoriaren kudeaketa

1.Memoriaren oinarrizko kudeaketa

2.Swapping

3.Memoria birtuala

4.Orriak ordezteko algoritmoak

5.Orriak ordezteko algoritmoen ereduak

6.Sistema orrikatuen diseinuari buruzko eztabaida

4. Sarrera / Irteera

1.S/I hardwarearen oinarriak

2.S/I softwarearen oinarriak

3.S/I softwareren mailak

4.Diskoak

5.Erabiltzailearen interfaze grafikoak

5. Fitxategi-sistemak

1.Fitxategiak

2.Direktorioak

3.Fitxategi-sistemaren inplementazioa



2. MODULUA Segurtasuna



6. Informazio-sistemetako segurtasuna.

1. Sarrera eta oinarriak.

2. Kriptografia simetrikoa

3. Gako publikoan oinarritutako kriptografia

4. Segurtasun perimetrala.

5. Birus/antibirus sistemak.

6. Arriskuen azterketa.

7. Segurtasuneko legeria eta arautegia

Irakasgaiak klase magistralak eta laborategiko praktikak ditu, ez dago mintegirik.



Klase magistraletan edukien ataleko gaiak lantzen dira.



Laborategiko praktiketan UNIX ingurunerako aplikazioak garatzen dira C lengoaian sistemaren baliabideak erabiliz.

I- Irakasgaiak ebaluaketa mixtoaren sistema erabiltzen du eta bi atal ditu: KONTZEPTUALA eta PRAKTIKOA. Biak independenteki ebaluatuko dira eta nota bien batezbestekoa eginez lortzen da. Atal bakoitzaren pisua %50 da.



II- Atal KONTZEPTUALA bi azterketa partzialen bidez neurtuko da, bata 10. astean (1Modulua: Sistema Eragileak) eta bestea ohiko deialdi ofizialeko egunean (2Modulua: Segurtasuna).



1. Atal KONTZEPTUALAREN azken nota bi partzialetako batezbesteko haztatua eginez lortuko da (1Moduluaren 2/3 gehi 2Moduluaren 1/3).



2. Lehenengo partzialera ez aurkeztu eta deialdi ofizialeko egunean aurkezten direnek 0 puntu izango dute 1Moduluko notan.



3. Atal KONTZEPTUALEAN gutxieneko bat eskatuko da atal PRAKTIKOAREKIN batezbestekoa egin ahal izateko. Gutxieneko nota hori 10 puntuetatik 3 puntu izango da.



III- Atal PRAKTIKOA kurtso amaieran ebaluatuko da ordenagailuz egingo den azterketa batez.



1. Atal PRAKTIKOAN gutxieneko bat eskatuko da atal KONTZEPTUALAREKIN batezbestekoa egin ahal izateko. Gutxieneko nota hori 10 puntuetatik 3 puntu izango da.



2. %20rainoko balorazio GEHIGARRIA lor daiteke atal PRAKTIKOAN irakasgaiaren inguruko lan praktikoen bidez. Horretarako derrigorra da kurtsoan zehar klase PRAKTIKOETARA etortzea. Ikasleak proposatu beharko ditu lanok eta irakasleak jarriko die gehienezko balioa. Talde-lanak ere onartzen dira gehienez hiru kideena, elkartzea justifikatuta dagoenean. Txostenetan argi adieraziko da partaide bakoitzaren ekarpena.



3. %10eko beste GEHIGARRI bat lor daiteke kurtsoan zehar laborategian erakutsitako parte-hartze eta jarreragatik.



UKO EGITEAK:

Etengabeko ebaluazioari uko egin nahi duen ikasleriak, EHUko "Ikasleen Ebaluaziorako Arautegia" delakoaren 8.3 Artikuluaren araberako prozedura eta epeen arabera egin beharko du. Kasu horretan, azterketak notaren %100 balioa izango du.



Nahikoa izango da ezohiko deialdiko azterketa ofiziala egin ez izana irakasgai osoaren ebaluazioari uko egin zaiola ulertzeko. Halako kasuetan, irakasgaiko atal KONTZEPTUAL eta PRAKTIKO osoak izango dira aztergai deialdi ofizialean

1. "Modern Operating Systems ", 3ª Edición. TANENBAUM A. S. Prentice Hall, 2009.
2. "Sistemas Operativos. Una visión aplicada", 2ª Edición. CARRETERO PÉREZ, J., GARCÍA CARBALLEIRA, F., DE MIGUEL ANASAGASTI, P., PÉREZ COSTOYA, F. Mc Graw-Hill, 2007.
3. "Sistemas Operativos, aspectos internos y principios de diseño", 5ª Edición. STALLINGS, W. Prentice-Hall, 2005
4. "Operating Systems Design and Implementation", 3/E. TANENBAUM A.S., WOODHULL A.S. Prentice Hall,2006
5. "Redes de Computadores. Un enfoque descendente basado en Internet", Kurose, J. ; Ross, K. , Prentice Hall. Addison Wesley (diferentes versiones)

Oinarrizko bibliografia

1. "Operating System Concepts", 6ª Edición. SILBERSCHATZ, GALVIN, P., GAYNE G. John Wiley & Sons, inc. 2003.

2. "El lenguaje de programación C", 2ª Edición. KERNIGHAN B. W., RITCHIE D. M. Prentice-Hall, 1991.

3. "Sistemas Abiertos" CEARRA ZABALA, L. J. Dpto. de Publicaciones EUI, 1999.

4. “Comunicaciones de datos y redes de computadores. 5ª ed.”, Stallings, W. , Prentice Hall. 1997.

5. “Comunicaciones de datos, redes de computadores y sistemas abiertos. 4ª ed.”, Halsall, F. , Addison Wesley. 1998.

6. “Redes de Ordenadores. 3ª ed.”, Tanenbaum, A. , Prentice Hall. 1996

7. “Sistemas de Autenticación para seguridad en redes”, Oppliger, R., Rama. 1998.

Gehiago sakontzeko bibliografia

1. Schneier, Bruce. Applied Cryptography, John Wiley & Sons, 1994. ISBN 0-471-59756-2