Irakasgaian Graduko zeharkako gaitasun hauek lantzen dira:

- Arazoak ebazteko ekimena; erabakiak hartzeko ahalmena; sormena; eta jakintza, abilezia eta trebetasuna komunikatzeko eta transmititzeko ahalmena. Guztia telekomunikazio-ingeniari teknikoaren erantzukizun etiko eta profesionala ulertuz.

- Diziplina anitzeko lantaldeetan eta ingurune eleaniztunetan lan egiteko gaitasuna, eta ezagutzak ahoz zein idatziz egokiro komunikatzen jakitea.



Irakasgaiaren gaitasunak Ikasketa-Planaren Oinarrizko Heziketaren hurrengo gaitasunean kokatzen dira:

- Hurrengo gaien oinarrizko kontzeptuak ulertzea eta menperatzea: Sistema linealak eta beraiekin erlazionatutako funtzio zein transformatuak, zirkuitu elektrikoen teoria, zirkuitu elektronikoak, erdieroaleen eta familia logikoen oinarri fisikoak, gailu elektroniko eta fotonikoak, materialen teknologia eta bere aplikazioa ingeniaritzako problemak ebazteko.



Oinarrizko kontzeptu horiek irakasgaia ikastearen emaitza hauetan adierazten da:

- Zirkuitu teoriaren oinarrizko kontzeptuak eta tresneria matematikoa ezagutu.

- Zirkuitu elektrikoekin lotutako problemak enuntziatu batetik abiatuz era zuzenean planteatzen jakin. Ebazpen-metodo egokia aplikatu eta emaitza zuzena identifikatu.

- Problemak era kooperatiboan ebaztea.

- Seinaleak eta zirkuituak maiztasunaren eremuan aztertzeko gai izatea.

- Zirkuitu elektrikoak simulatzeko tresna informatikoak erabiltzen jakin eta simulatutakoa

zirkuituen teoriako kontzeptuekin lotzen jakin.

- Telekomunikazio Ingeniaritzako aplikazioak ebatzi seinale errealekin laborategiko praktikak landuz.

Irakasgaiaren gai-zerrenda hauxe da:

1. Zirkuituaren elementuak eta oinarrizko legeak

2. Zirkuituen sinplifikatzea

3. Zirkuitu dinamikoak

4. Potentzia transmisioa

5. Zirkuituen maiztasun-analisia



Irakasgaian hurrengo praktikak garatuko dira:

1. praktika: PSPICEra sarrera

2. praktika: Oinarrizko zirkuituak

3. praktika: Anplifikadore operazionala

4. praktika: Kaskada-konexioa

5. praktika: Erregimen iraunkor sinusoidala

6. praktika: Gainezarmena

7. praktika: Maiztasun-erantzuna

8. praktika: Iragazkiak

9. praktika: Seinaleen iragazketa

Magistraleko saioetan, aurrez aurreko denboran, 1-4 gaietako kontzeptu teorikak azaltzen dira eta dagozkien ariketak ebazten dira. Lan autonomoa bultzatuko da oinarrizko ezagutzen ariketa sortaren bidez, eta lan kooperatiboa bultzatuko da problema luzeagoen ebazpena eta bateratze-lanaren bidez.



Laborategiko Praktiketan problema praktikoak ebazten dira eta irakasgaiaren 5. gaia azaltzen da OrCAD/PSPICE zirkuituen simulaziorako tresna informatikoa erabiliz. Ikasketa autonomoa bultzatuko da saio bakoitzerako aurretiazko lana bete araziz.



Mintegietan talde-lana sustatuko da problema luzeen ebazpenean izandako zalantzak bateratuz eta askatuz. Mintegi batzuk problema horien ahozko ebaluazioetarako erabiliko dira, talde-lanaren garrantzia zainduz eta ikaslearen ahozko komunikazio gaitasuna ebaluatuz.



---------------------------------------------------

Osasun egoerak aurrez aurreko irakaskuntza edota ebaluazioa

eragotziz gero, onlineko jarduerara joko da eta ikasleei aldaketa

horren berri emango zaie.

OHIKO DEIALDIA: ARGIBIDEAK ETA UKO EGITEA



Irakasgaiak ebaluaketa jarraituaren sistema erabiltzen du, eta ebaluaketak atal hauek ditu:

1. Ebaluaketa jarraitua: azken notaren %61. Hurrengo atalak ditu:

Magistralak eta gelako praktikak:

1.1 Ezagutza basikoen froga (1. eta 2. gaiak): azken notaren %13.

1.2 Ezagutza basikoen froga (3. eta 4. gaiak): azken notaren %13.

Laborategia:

1.3 Laborategi saioen aurreko lana aurkeztea: azken notaren %3.5.

1.4 Galdetegi frogak (3) laborategi saioetan: azken notaren %10.5.

1.5 Laborategiko idatzizko froga, PSPICE ariketa praktikoa: azken notaren %21.

2. Azken banakako froga: azken notaren %39.

2.1 Froga bakarra, ariketa luzeak 3 eta 4 gaietako kontzeptuak lantzen dituztenak: azken notaren %39.



Azken nota aurreko noten batezbesteko haztatua eginez lortuko da baina derrigorrezkoa da frogetan hurrengo nota minimoak lortzea:

Magistralak eta gelako praktikak:

2.1 frogan 4/10

Batezbesteko haztatua 1.1, 1.2 eta 2.1 frogak, 5/10 (magistraletako azken nota).

Laborategia

1.5 frogan 5/10

Batezbesteko haztatua 1.3, 1.4 eta 1.5 frogak, 5/10 (laborategiko azken nota).



Atal bakoitza (magistralak/laborategia) independienteki gainditzen da, eta behin gaindituta hurrengo deialdietarako nota gordeko da.



Ebaluaketa jarraitua ezin egitea

Ebaluaketa jarraituari uko egiten dieten ikasleek, ikasketa emaitzen lortzea egiaztatu dezakete azken ebaluaketa baten bidez. Ebaluaketak hurrengo zatiak izango dituelarik:

- Teoriako azken idatzizko froga ariketa luzeekin eta ezagutza basikoko ariketekin. Notaren %65.

- Laborategiko azken idatzizko froga (1.5 froga). Notaten %35.

Irakasgaia gainditzeko bi frogak 5/10 notarekin gainditu behar dira.



Ohiko deialdiari uko egitea

1.5 eta 2.1 frogetara (bietara) aurkezten ez diren ikasleak ohiko deialdiari uko egin diotela ulertuko da.

Ikasleek irakaskuntza laguntzeko eGela plataforman eskura izango dituzte irakasgaia lantzeko hurrengo materialak:
1. Irakasgaiaren eduki teorikoen gardenkiak, 1-4 gaiak.
2. Gai bakoitzeko GA saioentzako 10 ariketako bilduma eta taldeka lantzeko 15 ariketako bilduma, 1-4 gaiak.
3. Gai bakoitzeko oinarrizko ezagutzen 15 ariketako bilduma, 1-4 gaiak.
4. OrCAD/PSPICE instalatzeko eta erabiltzeko gida.
5. Laborategiko praktiketako gida.
6. Ikaskuntza laguntzeko bideoak.

Oinarrizko bibliografia

R. E.Thomas, A. J. Rosa

Circuitos y señales: Introducción a los Circuitos Lineales y de Acoplamiento

Editorial Reverté, 2000



R. L. Boylestad

Análisis Introductorio de Circuitos (8a edición)

Pearson Education 1998



F. López Ferreras

Análisis de Circuitos lineales (volúmenes I y II)

Editorial Ciencia 1994

H. Kemerly

Análisis de Circuitos en ingeniería

McGraw Hill 1993



M. E. Van Valkenburg

Análisis de Redes

Editorial Limusa 1991

Gehiago sakontzeko bibliografia

Análisis de Circuitos en ingeniería. Hayt Kemerly. McGraw Hill 1993
Análisis de Redes. Van Valkenburg. Editorial Limusa 1991