Irakasgai hau gainditzerakoan, ikasleek ondorengoa burutzeko gai izango dira:

- Komunikazio sistema baten oinarrizko kontzeptuak deskribatu eta zerrendatu eta berorien oinarrizko parametruak interpretatu.

- Komunikazio sistemetan ohikoak diren prozesu estokastikoekin zentzuzko eragiketak egin eta euren espektru-ezaugarrien analisia burutu.

- Informazioa digitalki modulatzeko teknikak zentzuz deskribatu.

- Modulazio analogiko eta digitalen oinarrizko moten identifikazioa egin eta eurekin erlazionatuta dauden adierazpen grafikoak interpretatu (potentziaren dentsitate espektrua, IQ konstelazioa, begi diagrama).

- Oinarrizko espezifikazioetatik abiatuz, oinarrizko modulazio digitalentzako hartzailerik hoberena diseinatu.

- Modulazio eta demodulazio azpisistemen analisi, diseinu eta inplementazioa burutzera zuzenduta dauden tresna informatikoekaz programatu, seinaleen sortze eta detekzioaren ikuspuntutik.

- Seinale modulatu analogiko eta digitalak sortzeko eta detektatzeko tresneria erabiltzen jakin.

Klase Magistralak eta gelako praktikak



1. Gaia. Komunikazio sistemei sarrera

2. Gaia. Zorizko seinale eta prozesuak

3. Gaia. Seinaleen transmisioa zaratagaz

4. Gaia. Banda pasoko seinale eta sistemak

5. Gaia. Oinarri bandako komunikazio digitalak

6. Gaia. Modulazio digitalak

7. Gaia. Zarata komunikazio digitaletan



Mintegiak

----------

Modulazio analogikoak eta ariketa konplexuen ebazpena, taldeko lanean.



Laborategiak

------------

1. Praktika. Komunikazio analogikoak. AM

2. Praktika. Komunikazio analogikoak. FM

3. Praktika. Komunikazio digitalak

Lekuko Irakaskuntza:

- Magistrala eta gelako praktikak:

- teoria eta oinarrien esposizioa

- ariketen ebazpena

Ikasleek lan-pertsonala burutzea ezinbestekoa izango da (lekukoa ez den irakaskuntza) klaseak probetxuskoak izan daitezen.

- Laborategiko praktikak: Matlab/Octave-ren bidezko komunikazio sistema analogikoen simulazioa eta sistema digitalen analisia benetazko ekipoen bitartez.

- Mintegiak: Modulazio analogikoen azalpena eta ariketa konplexuen eztabaida, ebazpena eta ahozko aurkezpena, bai indibiduala bai taldekakoa.



Lekukoa ez den Irakaskuntza:

- Magistrala eta gelako praktikak:

- Astero proposaturiko teoriaren ikasketa. Zalantzen zerrendaren osaketa lekuko irakaskuntzako klaseetan eztabaidatzeko. Proposaturiko ariketen prestaketa eta ebazpena.

- Laborategiko praktikak: proposaturiko praktiken prestaketa eta emaitzak teoriagaz erlazionatu.

- Mintegiak: proposaturiko ariketen eta ahozko aurkezpenaren taldeko eta norbanako prestaketa.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

Ebaluazio jarraia burutuko da norbanako ebaluazio partzialeko hiru frogen bitartez (EPF) alde batetik, eta bestetik, mintegietan egindako lanaren bitartez.EPF bakoitzean, ariketen ebazpenetan (klase magistralak, gelako praktikak eta mintegiak) eta laborategietan (laborategietako klaseak) bereganatutako gaitasunak ebaluatuko dira:

- EPF1:

o Klase magistral eta gelako praktiketako 1go eta 2. gaiak (EPF1-M)

o Laborategiko 1. praktika (EPF1-L)

- EPF2:

o Klase magistral eta gelako praktiketako 3. eta 4. gaiak (EPF2-M)

o Laborategiko 2. praktika (EPF2-L)

- EPF3:

o Klase magistral eta gelako praktiketako 5., 6. eta 7. gaiak (EPF3-M)

o Laborategiko 3. praktika (EPF3-L)

- Mintegiak: Taldeko lanaren ebaluazioa: ariketa konplexuen ahozko aurkezpena eta aurkezpen idatzia.

- Laborategiko saio bakoitzean, galdetegiak burutuko dira lekukoak ez diren orduetan prestatu beharreko lanari buruzko galderekin.

AZKENEKO NOTAREN KALKULUA

Azkeneko notaren (AN) kalkulua ondorengo formularen bitartez kalkulatuko da:

AN= 0,65*(N(EPF1-M)*0,3+ N(EPF2-M)*0,3+ N(EPF3-M)*0,4)+

0,25*(N(EPF1-L)*0,25+ N(EPF2-L)*0,35+ N(EPF3-L)*0,40)+

0,1*N(Mintegiak)

Irakasgaia gainditzeko ondorengo baldintzak bete beharko dira:

- Azkeneko notan (AF-n) gutxienez 5 puntu lortzea 10-etik (10/5).

- Bai magistral eta gelako praktiken atalean, bai mintegien atalean eta bai laborategiaren atalean batez besteko nota 3-tik gora egotea 10-etik (10-etik 3 edo gehiago). Hau da:

o N(EPF1-M)*0,3+ N(EPF2-M)*0,3+ N(EPF3-M)*0,4 formuleko nota 3-tik gora egon beharko da 10-etik.

o N(EPF1-L)*0,25+ N(EPF2-L)*0,35+ N(EPF3-L)*0,40 formuleko nota 3-tik gora egon beharko da 10-etik.

o N(Mintegiak) nota 3-tik gora egon beharko da 10-etik.

- Laborategiko saio bakoitzean egindako galdetegiak gainditu beharko dira.

- Mintegi eta laborategiko lekuko klaseetara asistentzia minimoa %75-ekoa izan beharko da.



3-ko nota minimoa (10-etik) lortu izango ez balitz edozein ataletan eta azkeneko nota (AN) 4,5 baino handiagoa izango balitz (10-etik), azkeneko nota 4,5-ekoa izango da (10-etik).



LEKUKO IRAKASKUNTZAREN ASISTENTZIA

Ebaluazio jarraiaren sistema jarraitu ahal izateko %75-eko asistentzia minimo bat eskatu egiten da laborategiko eta mintegietako lekuko klaseetara. Erizpide hau kurtsoan zehar aplikatuko da eta beraz, ebaluazio partzialeko frogetan ebaluatuta izan ahal izateko, baldintza hau bete beharko da froga bakoitza egingo den data bakoitzean.



Ebaluazio jarraituari uko egiteko, irakasleari idatziz adierazi beharko zaio 2018ko Apirilak 30era arte. Horrela izatekotan, aurretik egindako frogetako ebaluazioak galduko lirateke. Uko egin ahal izango zaio laborategiko atalari alde batetik edota magistral-gelako praktikak-mintegi atal konbinatuari bestetik, independenteki (hau da, atal bati, besteari edo biei). Magistral eta gelako praktiken atalari uko egiten bazaio, automatikoki mintegiko atalari ere uko egingo zaio eta magistral-gelako praktiken atalak nota osoaren %75-a balio izatera pasatuko da.



B) AZKENEKO EBALUAZIOAREN SISTEMA

Ohiko deialdiaren datan azterketa bakarra burutuko da. Azterketak bi atal edukiko ditu: batean irakasgaiaren ariketen ebazpenak eskatuko dira eta bestea laborategiko praktikei buruzkoa izango da.

Irakasgaiaren azkeneko nota (AN) ondorengo formularen bitartez kalkulatuko da:

AN=0,75* N(M+GP) + 0,25* N(Lab)

Atal bakoitzean nota minimoa 3-koa izan beharko da 10-etik. Hau da:

-N(M+GP) 3-tik gora egon beharko da 10-etik.

- N(Lab) 3-tik gora egon beharko da 10-etik.



3-ko nota minimoa (10-etik) lortu izango ez balitz edozein ataletan eta azkeneko nota (AN) 4,5 baino handiagoa izango balitz (10-etik), azkeneko nota 4,5-ekoa izango da (10-etik).



OHIKO DEIALDIARI UKO EGITEA

Ohiko deialdiari uko egiteko, data ofizialean ez aurkezteaz nahikoa izango da. Ohiko deialdiko azterketara ez aurkeztea, ohiko deiladiari uko egitetzat emango da edozein kasutan.

Irakaskuntza laguntzeko tresna: egela.ehu.eus
Komunikazioaren teoriaren oinarriak” liburuaren esteka egela-n dago.
Ariketen bilduma (eGela-an eskuragarri)

Oinarrizko bibliografia

Antonio Artés, Fernando Pérez González eta beste batzuk

Comunicaciones digitales

Ed. Pearson (2007)

Pdf formatuan ere eskuragarri:: http://www.tsc.uc3m.es/~antonio/libro_comunicaciones/El_libro.html



John G. Proakis; Masoud Salehi

Communications Systems Engineering

Prentice-Hall International, 1994

Gehiago sakontzeko bibliografia

Prozesu estokastikoetan sakontzeko:
A. Papoulis
Probability, random variables, and stochastic processes
(4aEd.), McGraw-Hill, 1994

Komunikazio digitalei buruzko hainbat tutorial:
http://www.complextoreal.com/tutorial.htm

Komunikazio digitalen kurtsoa:
Principles of Digital Communications: Zheng, Lizhong, and Robert Gallager. 6.450 Principles of Digital Communications I, Fall 2006. (Massachusetts Institute of Technology: MIT OpenCourseWare), http://ocw.mit.edu (Accessed 21 Jan, 2013). License: Creative Commons BY-NC-SA