Ikasgaian honako zeharkako gaitasunak lantzen dira:

Problemak ebazteko gaitasuna, ahalmen sortzailea erabiliz erabakiak hartzeko; ezagutza, trebeziak eta abileziak komunikatzeko gaitasuna, Telekomunikazioko Ingeniari Teknikoaren erantzukizun etikoa eta profesionala onartuz.



Diziplina anitzeko taldean eta hizkuntza anitzeko testuinguruan lan egiteko gaitasuna; idatziz eta ahoz komunikatuz telekomunikazioarekin eta elektronikarekin erlazioa duten ezagutzak, prozedurak, emaitzak eta ideiak.



Lantzen den oinarrizko formakuntza moduluko gaitasuna, aldiz, honakoa da:

Sistema linealen oinarrizko kontzeptuak ulertzea eta menperatzea, baita horiei loturiko funtzio eta transformatuak.



Hurrengo irakaskuntza emaitzetan konkretatzen dena:

Seinale eta sistema jarraituen zein diskretuen denboraren eremuko adierazpen formalak erabili, eta sistema linealen dinamika denboraren eremuan ulertu.



Seinaleak maiztasunaren eremuan adierazi eta sistema linealen dinamika maiztasunaren eremuan ulertu.



Analogiko/Digital eta Digital/Analogiko bihurketak erabili.



Proposatutako ariketak/lanak bakarka ebatzi.



Talde lanean egindako laborategiko praktiken bidez, telekomunikazio ingeniaritzaren aplikazioak ebatzi errealitatean aurkitzen diren seinaleak erabiliz.

1. gaia. Seinale jarraituak zein diskretuak denboraren eremuan

2. gaia. Sistema jarraituak zein diskretuak denboraren eremuan

3. gaia. Seinale eta sistema jarraituak maiztasunaren eremuan

4. gaia. Seinale eta sistema diskretuak maiztasunaren eremuan

5. gaia. Laginketa



Laborategiko praktikak lantzea (astero bat)

1. praktika. Seinaleak maneiatzea Matlaben

2. praktika. Seinale jarraituak eta diskretuak adieraztea

3. praktika. Audio seinaleak eta wav fitxategiak

4. praktika. Maiztasunaren domeinu jarraitua eta diskretua

5. praktika. Ahots-seinalea

6. praktika. EKG seinalea eta seinale sorgailua

7. praktika. Iragazketa lineala

8. praktika. Iragazketa linealaren aplikazioak

9. praktika. Uhin-formaren distortsioa iragazketa linealean

10. praktika. Espektro-analisia

Irakaskuntza magistralean 1-4 gaietako ezagutza teorikoak azaltzen dira ikasgelan, alde batetik, eta problemak ebazten dira, bestetik. Horren bidez ikasle bakoitzak bakarka lan egiteko duen gaitasuna bultzatu nahi da, galdera laburrak eta ariketa sorta gehigarriak proposatuz.



Laborategian bertan taldeka jorratzen diren praktiketan, problema praktikoak ebazten dira Matlabeko ingurunean. Klasetik kanpo lantzeko proposatzen diren lanen bidez, talde-lana bultzatzen da, alde batetik, eta analisirako eta sintesirako gaitasuna, bestetik.



Mintegietan laborategiko bi ebaluaketa-froga egiten dira, alde batetik, eta 5. gaiko kontzeptu teorikoak eta oinarrizko galdera laburrak lantzen dira, bestetik.



Osasun egoerak aurrez aurreko irakaskuntza edota ebaluazioa eragotziz gero, onlineko jarduerara joko da eta ikasleei aldaketa horren berri emango zaie.

OHIKO DEIALDIA: EBALUAKETA IRIZPIDEAK ETA UKO EGITEA



Ikasgaiaren ebaluaketa bi atalez osatua dago: eduki teoriko/praktikoa (%65) eta laborategia (%35). Bi atalak independenteki ebaluatzen dira, eta bietan gutxieneko nota, 5, atera behar da ikasgaia gainditzeko. Bietako atalen bat gaindituz gero hurrengo deialdietarako gordetzen da.



*Eduki teoriko/praktikoa (Magistralak eta gelako praktikak). Azken notaren 65%



a)Lehen zatia: bakarkako froga idatzia egingo da 1. eta 2. gaiei buruz, galdera laburrez eta ariketez osatua. Pisua %40.

b)Ohiko deialdian bi idatzizko azterketa egingo dira:

* 2. zatia: 3., 4. eta 5. gaien azterketa idatzia, ariketez eta galdera laburrez osatua. Pisua %60.

* 1. zatiaren errekuperaketa azterketa, 1. eta 2. gaietako ariketez osatua, lehen zatia gainditu ez dutenentzat.



Eduki teoriko/praktikoa gainditzeko nota minimoa 5 da (1. zatia %40 eta 2. zatia %60), eta bi zatien nota minimoa 5 da.



*Laborategia. Azken notaren 35%



Laborategiko nota bi atalek osatzen dute:



- L1) Laborategian egingo den 1-6 praktikak ebaluatzeko froga (laborategiko azken notaren %40). 8. astearen inguruan egingo da.

- L2) Laborategian egingo den 7-10 praktikak ebaluatzeko froga (laborategiko azken notaren %60). 15. astearen inguruan egingo da.



Laboraegiko frogak laborategiko aurrez-aurreko saioetan egingo dira. Laborategia gainditzeko gutxieneko azken nota 5 da, eta bigarren atalean gutxieneko nota 4.



*Etengabeko ebaluazioari uko egitea

Ikasleak uko egin diezaioke etengabeko ebaluazioari 13. asterarte (hau barne). Horretarako idatzizko eskari sinatua aurkeztu beharko dio irakasgaiaren edozein irakasleari.

Etengabeko ebaluazioari uko egiten dion ikasleak ohiko deialdiko azterketa teoriko-praktikoa (zati teoriko-praktikoaren %100eko pisua duena) eta laborategiko azterketa (laborategiaren %100eko pisua duena) egin beharko ditu.



*Ebaluaketa jarraitua garatzeko ezintasuna

Ebaluaketa jarraitua garatzeko ezintasuna duen ikasleak (graduko irakaskuntzaren kudeaketarako arautegiaren araberakoak) ikasturtearen hasieran irakasleari adierazi behar dio. Soluziorik egokiena bilatuko da kasuan-kasu.



*Ohiko deialdiari uko egitea

Kontsideratuko da ohiko deialdiko frogara eta laborategiko L2 frogara aurkezten ez den ikasleak ohiko deialdiari uko egin diola.

eGelan eskura daude ikasgaiko honako materialak:
- Ikasgaiaren apunteak (1-5 gaiak)
- Ikasgaiaren ariketak (1-5 gaiak)
- Oinarrizko galderak (1-4 gaiak)
- Laborategiko praktiken gidoiak (1-10 praktikak), eta hauen txostenak egiteko txantiloiak

Oinarrizko bibliografia

Irakasleek garatutako apunteak, eGelan eskura daudenak.

Gehiago sakontzeko bibliografia

John G. Proakis, Dimitri G. Manolakis, "Seinale-prozesaketa digitala. Printzipioak, algoritmoak eta aplikazioak" Prentice Hall, Pearson Educación, 2007 (2012an euskarara itzulia, pdf bertsioan eskura UPV/EHUko argitalpen zerbitzuko web orrian).

Alan V. Oppenheim, Alan S. Willsky, "Señales y Sistemas (2. Arg.)", Prentice Hall Hispanoamericana.

Alan V. Oppenheim, "Tratamiento de Señales en Tiempo Discreto" Prentice Hall, Pearson Educación, 2000.

C. Sidney Burrus, "Ejercicios de Tratamiento de la Señal Utilizando Matlab", Prentice Hall, Pearson Educación, 1997.