Argazkigintza eta ilustrazioa



Argazkia da, testuarekin batera, kontakizun nagusiaren elementua, UPV/EHU sistema grafikoan.

Gure publikoarekin bat egiteko, komunikazioek helarazi nahi duten mezua behar bezala adierazi eta markaren balioei sendotasuna eman behar die. Nortasuna, Bultzada, Konpromisoa, Bizitasuna eta Harrotasuna. Helburua da agerian uztea Unibertsitatea etorkizuneko gizartearen eragile dela eta modu aktiboan lan egiten duela gizarte horren alde. UPV/EHUren sistemak bi motatako irudiak erabiltzen ditu.

1/Unibertsitateko kideak, jardunean

Unibertsitateko kideak agertzen dira lanean. Era honetako argazkietan, protagonistek jarrera aktiboa izan behar dute; beren jardunean kontzentratua egon behar dute, ez argazkirako propio paratuta.

2/Kontzeptu-argazkia

Ikerketak eta ikaskuntzak sentipenak transmititu behar dituzte. Horretarako, irudi iradokitzaileak aukeratuko ditugu, laukiratze harrigarrikoak eta, betiere, helarazi nahi den mezuari lotuak.

 

1/ Unibertsitateko kideak, jardunean





Orain arte, pertsonen argazkiak erakutsi izan ditugu gure komunikazioetan. Markaren adierazpen berriarekin, ordea, gure hurbiltasuna, izaera eraikitzailea eta aktiboa nabarmendu nahi dugu.

Irudien bidez, adierazi nahi dugu gure ikasleek zerbitzu bikaina jasotzen dutela, ingurune erreal, garbi, txukun, argitsu batean.

Gizartearen zerbitzura diharduen erakunde bat gara, eta irudimenez eta irudi dinamikoen bidez ezagutarazi behar dugu gure eskaintza, erantzuna, emozioa edo ekiteko bultzada eragiteko.

Markaren ezaugarriak ilustratzeko, Unibertsitatearen jarduna, jarrera, energia eta bultzada islatzen duten irudiak erabiliko ditugu.

Argazkiek estilo naturala izan behar dute, eguneroko bizitzaren erakusgarria, argazkikazetaritzaren ildotik.

 

2/ Kontzeptu-argazkia





Unibertsitatearen tresnak eta baliabideak lau haizetara zabaldu nahi ditugu; horregatik, ongi baino hobeto zainduko ditugu haiei loturiko argazkiak, mezu sendo eta profesionala eman dezaten. Unibertsitatearen edukien, objektuen eta ingurunearen ikuspegi erakargarria erakusten duten irudiak erabili behar ditugu.

Argazkia estatikoa izanik ere, adierazpen molde ezohiko edo berritzailea aurkitzen saiatu behar dugu. Irudi harrigarriak aukeratu, dela laukiratzeagatik, dela edukiagatik, dela koloreagatik…

 

Ilustrazioa



UPV/EHUren hizkuntza grafikoak orotariko ilustrazioak erabiltzeko bidea ematen du, sortu nahi den piezaren ezaugarrien arabera. Olio-pinturak, piktogramak, ur-margoak, esku-hutsez egindako marrazkiak… sistema honek ez du mugarik, ez erabili beharreko teknikari ez hari atxikitako sorta kromatikoari dagokienez.

 

Familia tipografikoaren erabilera

 

 

01.
Ahal den heinean, erabili ingurunea eta jarduerak erakusten dituzten argazkiak. Ez erabili siluetadun irudirik edo hondo zurikorik.

02.
Irudiek ertzak gainditu behar dituzte, alegia, orrialde osoa bete, eta layout bakoitzeko irudi bakarra erabili behar da (argitalpenen barnealdean izan ezik).

03.
Kontuan hartu konposizioa, espaziokutxek irudia toki desegokian zula ez dezaten. Adibidez, ekintza nagusia egiten ari den eskua estaliz.

04.
Eman arreta konposizioaren baitan elementuek izan beharreko banaketari eta markaren, espaziokutxen eta hondoko irudiaren arteko erlazioari.

 

05.
Gure adierazpen-estilo berrian, pertsonaiak ez daude argazkirako berariaz paratua, beren jardueran kontzentratuta baizik.

06.
Eskuaren keinuak berebiziko garrantzia du konposizioan. Ekintzari eta jarrerari buruzko informazioa ematen du.

07.
Eszenaren barrutik begiratzen zaio ekintzari, ez kanpotik. Behatzailea ekintzaren parte sentiarazten saiatzen gara.

08.
Erabili kalitatezko ilustrazioak, argazkia erabiltzea praktikoa edo egokia ez denean (gidaliburu teknikoak, jarraibide konplexuak, datu teknikoak, etab.).