Metodologia

Abokatutzako Masterreko memoriari jarraituz, gure ikasleek eskuratu beharreko gaitasunik garrantzitsuena da "trebeziak lortu, ulertu eta garatzea graduan eskuratutako ezagupen berezituak lanbidean aurre egin beharreko egoera hain aldakorretara egokitzeko, eta hartara, agintari publikoekiko harremanetan edo epaitegietan bete beharreko jardun profesionalean edo aholkularitza lanean sor daitezkeen kalteak, arriskuak eta arazoak saihestu ahal izateko".Beraz, gaitasun horiek lortzeko xedez, hainbat metodologia erabiliko dira (eskola magistralak, ariketak, kasu praktikoen analisia eta ebazpena, jurisprudentzia aztertzea, lege txostenak egitea...).

Ebaluazioa

Ikaslea ebaluatu ahal izateko, nahitaezkoa da ikaslea gutxien dela ikasgelako eskolen % 80ra joatea. Ikasleari etengabeko ebaluazio egingo zaio eta ikasleak gaiarekin lotutako hainbat lan egin beharko ditu. Ikasleek irakatsitako gaiekin lotura duten zenbait jarduera egin beharko dituzte (txosten juridikoak idatzi eta azaldu); horrez gain, master amaierako lana ere egin eta defendatu beharko dute. Masterra gainditzeko, nahitaezkoa da kanpoko praktikak egitea; 30 kreditu dituzte praktika horiek, eta, beraz, praktika horien edukia eta iraupena kreditu horien parekoa izan beharko da.