Masterraren Gakoak

Gaur egun, erakunde juridikoek eta lege erakundeek etengabe eskatzen dituzte metodo analitiko fidagarriak, adituaren azterketa forentsea zehaztuko duten ebidentzien ezaugarritze zalantzarik gabekoa egitea ahalbidetuko dutenak. Horren ondorioz, ezinbestekoa da profesionalak eta ikertzaileak analisi forentsearen tekniken eremuan gaitzea.

Analisi Forentsea Unibertsitate Masterrak, beraz, zientziei eta teknikei buruzko diziplina anitzeko prestakuntza eskaintzen du. Horietan oinarritzen da, hain zuzen, ebidentzia forentseen bilaketa, analisi fisiko-kimikoaren, mikrobiologiaren, genetikaren, antropologiaren edo entomologiaren arloetan.

Eta horri guztiari esker, ikasleek zientzia forentseen, metodo zientifikoaren, iraganeko gertakizunen berreraikuntzaren, eta ebidentzien zein frogen lege kontzeptuen irismenari eta historiari buruzko ezagutza osotua eskuratuko dute.

Era berean, praktika eskarmentu zabala eskaintzen du: ebidentziak biltzea eta gordetzea, zaintza katea, eta oinarri kimikoak, biokimikoak, fisikoak, biologikoak eta antropogenetikoak, interpretazio profesional, etiko eta kalitatezko bat ekarriko duen ebidentzia bakarra ziurtatzeko.

Praktiken osagarri, Master Amaierako Lana egin beharko da UPV/EHUko zein hitzartutako kanpoko beste erakunde batzuetako zentro edo laborategietan. Horri esker, helburu bikoitza lortu ahal izango da; hots, prestakuntza profesionala eta ikerketa prestakuntza.

Ikerketaren arloan, master honi esker, zuzeneko sarbidea izango da UPV/EHUko Analisi Forentsea doktorego programara, Hezkuntza Ministerioaren bikaintasuneranzko aipamenarekin.

Ezin izan da edukia sortu, beranduago saiatu.

Master hau aukeratzeko arrazoiak

  • Diziplina ugariko masterra da, eta Unibertsitateko zazpi sailek esku hartzen dute.
  • Hautazko eskaintza zabala ebidentzia forentse mota bakoitzerako: kimiko-fisikoa, genetikoa, biologikoa edo antropologikoa.
  • Kreditu esperimental ugari, tresneria aurreratua duten laborategietarako sarbidearekin: 500 ordu MALen eta kreditu praktikoak irakasgai gehienetan.

Irteera profesionalak

  • Laborategi forentseak, museozkoak, teknika analitiko aurreratukoak, analisi genetikokoak, biokimika klinikokoak eta osasun publikokoak. 
  • Toxikologia institutuak, kirol dopatzean egiaztatutako laborategiak, ingurumenaren toxikologia aztertzeko laborategiak.
  • Polizia zientifikoak, Estatuko segurtasun indar eta kidegoak, polizia autonomikoak, udaltzaingoak.
  • Espetxeak, justizia administrazioa.
  • Abokatu bulegoetan eta ikerketa pribatuko zein segurtasun pribatuko lantaldeetan lankidetzan jardutea.

Ezin izan da edukia sortu, beranduago saiatu.