Europa eta Mundu Atlantikoa: Boterea, Kultura eta Gizartea

Nazioko unibertsitate artekoa

Aurkezpena

Europa eta Mundu Atlantikoa: boterea, kultura eta gizartea unibertsitate arteko masterra Europako Unibertsitate Eremua garatzeko jarraibideekin bat etorriz diseinatutako titulu ofizial bat da. Master hau Euskal Herriko Unibertsitateak eta Valladolideko Unibertsitatearen Simancas Historia Institutuak eskaintzen dute elkarrekin. Masterrak goi mailako eta diziplina anitzeko prestakuntza espezializatua ematen du, Historiaren arloko irakaskuntza eta ikerkuntzara eta bereziki doktorego aurreko ikerkuntzara bideratua. Historiako, Artearen Historiako, Giza Zientzietako edo antzeko beste alor batzuetako gradu (edo lizentziatura) titulua izanez gero egin daiteke masterra.

Masterraren programan, nahitaezko irakasgai metodologiko-instrumentalak (irakasgai berak dira masterreko hiru egoitzetan) eta hautazko irakasgaiak ematen dira, ikasleek askotariko esparruak ikas ditzaten (Erdi Aroaren Historia eta Arkeologia, Aro Berriaren Historia, Amerikaren Historia, Gizartearen eta Mentalitateen Historia, Historia Ekonomikoa, Artearen Historia, etab.). Programak etekina ateratzen die masterreko irakasleak partaide dituzten ikertaldeen jarduera zientifikoei, eta bereziki azpimarratzen ditu Europako gizarteen gune fisiko eta humanoen eraketa eta garapena, eta behe Erdi Aroko mendeetatik Aro Garaikidearen hasierara arte Mundu Atlantikoan gertatu ziren kultura trukeak eta transferentziak.

Kualifikazio-maila

Titulu honek Goi Mailako Hezkuntzako Kualifikazioen Espainiako Esparruko (MECES) 3. maila du aitorturik; maila hori Kualifikazioen Europako Esparruko (EQF) 7. mailaren parekoa da, urtarrilaren 23ko 22/2015 Errege Dekretuak jasotzen duenez (BOE 2015/02/07).

Master hau ikerkuntza jardunera dago bideratuta, doktorego ikasketen aurreko urrats gisa