Xedapen gehigarrietatik lehena

Arautegi hau UPV/EHUk bakarrik antolatutako master guztiei aplikatuko zaie. UPV/EHUk beste unibertsitate batzuekin batera antolatzen dituen programa ofizialen kasuan ere aplikatuko da arautegi hau baina, horrez gain, erakundeen arteko lankidetza hitzarmena hartuko da kontuan.

Xedapen gehigarrietatik bigarrena

Unibertsitateko masterrei aplikagarria zaien arautegian berariaz aurreikusita ez dauden gai akademikoen kasuan graduko ikasketei buruzko arautegi akademikoetan xedatutakoari jarraituko zaio, masterreko ikasketen berezitasunek eskatzen duten egokitzapenarekin eta graduondoko ikasketen arloan eskumena duen errektoreordetzak zehaztuko duen moduan.

Azken xedapenetatik lehena

Arautegi hau 2023/2024 ikasturtean sartuko da indarrean.

Azken xedapenetatik bigarrena

Graduondoko Batzordeari ahalmena ematen zaio arautegi hau garatzeko arau osagarriak eman ditzan, eta ikasturtero datak, egutegiak eta eranskinak egunera ditzan, graduondoko ikasketen arloan eskumena duen errektoreordearen proposamenari jarraituz.

Graduondoko ikasketen arloan eskumena duen errektoreordeari ematen zaio arautegi hau aplikatzean sor daitezkeen gorabeherak interpretatu eta ebazteko ahalmena.

Azken xedapenetatik hirugarrena

Graduondoko Batzordeari ahalmena ematen zaio arautegi hau hurrengo ikasturteetan egokitzeko.

Xedapen indargabetzailea

Indargabetuta geratzen dira arautegi honekin bat ez datozen xedapen guztiak.