Dekanotza talde berria 2021eko ekainaren 14an izendatu zen ofizialki, Joseba Pineda Ortiz dekanoaren gidaritzapean, zeina berriro izan baitzen hautatua emandako botoen % 73 eskuratuta.

Lehenik eta behin, guregan jarritako konfiantza eskertu nahi dizuegu; gure laneko egun bakoitzaren zati handi bat aurkeztutako helburuak lortzeari eskainiko diogu.

Horretarako, ibilbide akademiko luzea, motibazioa eta konpromisoa duten pertsonen talde bat osatu dugu, fakultatearen zerbitzura jarritako proiektu baten alde egingo duena. Taldeko kide batzuk lanean aritu dira jada ikastegiaren gidaritzan, 2017-21 agintaldian, oso antzeko zereginak betez; gainerakoek, berriz, aurrera atera nahi ditugun proiektuen kudeaketari bultzada eta ikuspegi berri bat emango diote.

Dedikazioa eta esfortzua, zorroztasuna, elkarrizketa eta adostasuna eskaintzen saiatuko gara. 

Dekanordeek ez dute funtzionatuko tankan itxiriko konpartimendu gisa; haatik, lehentasunezko arloak izango dira, zeregin espezifikoaren gainean osoaren ikuspegia mantenduz. Horrek lankidetzan lan egitera derrigortuko gaitu zuzendaritza taldearen barruan eta kanpoan, ikastegiaren premien mesedetan.