Uda ikastaroa: "Hizkuntza gutxituetako hiztun berriak: eskola eta gizartea" & UNESCO Katedrako X. Urteurrena

Lehenengo argitaratze data: 2017/06/06

UPV/EHUko Munduko Hizkuntza Ondarearen UNESCO Katedrak uda ikastaro bat antolatuko du hizkuntza gutxituen hiztun berriei buruz. Ikastaroa datozen uztailaren 11an eta 12an izango da Bilbon Hizkuntza gutxituetako hiztun berriak: eskola eta gizartea izenburupean. Zalantzarik gabe, hiztun berrien gaia funtsezkoa da hizkuntza gutxituen biziberritzean. Gehienetan hiztun horiek etxetik kanpo ikasi dute hizkuntza berria, konkretuki eskolan eta gure ustez, hizkuntza gutxituen biziraupenean zeresan handia dute. EAEan 16 eta 24 urte bitarteko gazteen %50 baino gehiago euskal hiztun berriak dira (VI. Inkesta soziolinguistikoa).

Jakitea zenbateraino hiztun horiek aktiboak diren, hau da, hizkuntza erabiltzen duten ala ez, eta erabilpen hori noiz eta nola egiten den, ezinbestekoa da hizkuntza gutxitu baten biziberritzean hiztun horiek izango duten eragina ezagutzeko. Era berean, oso garrantzitsua da jakitea nola bizi duten hiztun berriek bigarren hizkuntzaren ikaste prozesua eta nola sentitzen diren hiztun moduan, hau da, benetako hiztunak sentitzen diren ala ez. Azken finean, jakin nahi duguna da nola bizi duten euren elebitasuna.

Irlanda, Katalunia eta Euskal Herriko kasuei buruzko informazioa eskainiko da ikastaroan lau irakaslen eskutik. Irakasle horiek europar proiektu garrantzitsu baten kide dira, "New Speakers in a Multilingual Europe: Opportunities and Challenges" (COST Action no. IS1306, 2013-2017), hain zuzen ere. Halaber, "Euskal hiztun berriak: esperientziak, jarrerak eta identitateak" aurkeztuko da.

Ikastaroaren bukaeran, uztailak 12 17:00etan, gure Katedraren 10. urteurrenaren ospakizun ekitaldia gertatuko da. Ospakizunean Maria Carme Junyent Figueras hizkuntzalari katalana Katedrako ohorezko kide izendatuko dugu.

Informazio gehiago, programa eta izen ematea hemen.