Ohar garrantzitsua 2021/22 ikasturterako mugikortasuna esleitua duten ikasle eta langileentzat

Euskal Autonomia Erkidegoan txertaketa gero eta azkarrago doa eta txertoaren bi dosiak dituzten pertsonen kopurua gero eta handiagoa dira. Gainera, Eusko Jaurlaritzak hartu berri duen erabakian zehazten den bezala jada 18 urte gorakoek txanda eskatu dezakete txertoa jasotzeko. Nolanahi ere,  azpimarratu nahi dugu pandemia egoeran jarraitzen dugula, bai hemen zein mundu mailan, eta, beraz, 2021/22 ikasturtean egindako mugikortasun oro egoera pandemikoan egindako mugikortasuna izango dela. Egoera hori kontuan hartuta, Euskara, Kultura eta Nazioartekotze Errektoreordetzak honako gomendio hauek helarazten dizkizue 2021/22 ikasturtean nazioarteko mugikortasun-egonaldia egingo duzuen UPV/EHUko ikasle eta langile guztiei:

Mugikortasun-egonaldia ez egitea, mugikortasunaren hasiera-datarako txertaketa-jarraibide osoa jaso ez bada. Txertorik hartu ez baduzue, mugikortasunaren hasiera txertoa jaso arte atzeratzea gomendatzen dugu. Ikasleen kasuan, guztiek irailaren hasierarako bigarren txertoa jasoko dutela aurreikusten da. Dena dela, gogorarazi nahi dugu txertaketa-jarraibide osoa jaso izanak ez duela esan nahi immuneak garenik. Birusaren aldaera berriak sortu eta zabaltzen ari dira, eta osasun-agintariek uneoro ezarritako osasun-neurriei jarraitu behar zaie.

Gogoan izan behar da, nolanahi ere, mugikortasun-egonaldia 2021/22 ikasturteko bigarren lauhilekora atzeratu edo hurrengo ikasturtean eskatzeko aukera ere badagoela, helmugako herrialdera txertatuta bidaiatu ahal izateko edo helmugako herrialdeko baldintzak hobeak direnean bidaiatzeko.

Gogoan izan, txertorik hartu ez baduzue, UPV/EHUren esku ez dagoela helmugako herrialdean txertaketa kudeatzea eta bermatzea.

Gogoratu Osasunaren Mundu Erakundeak (OME) txertoaren hirugarren dosi bat hartzea gomendatzen duela jarraibide osoa jaso eta 9 hilabetera. Beraz, gerta liteke hirugarren dosi hori bat jasotzea egokitzea mugikortasun egonaldiaren erdian  eta ezin da aurreikusi helmugan jaso ahal izango den ala ez.

Helmugako herrialdera bidaiatu aurretik, Kanpo Arazoetako Ministerioaren webgunean Bidaia-gomendioak (Recomendaciones de Viaje) atala kontsultatu. Bertan, herrialde bakoitzera bidaiatzeko gomendioak eskura daitezke, baita segurtasunari, osasun-estaldurari, Covid-19ari, bisei eta abarri buruzko azken eguneratzeak ere:
 
http://www.exteriores.gob.es/Portal/es/ServiciosAlCiudadano/SiViajasAlExtranjero/Paginas/RecomendacionesDeViaje.aspx#
 

Gomendatzen dizuegu web horretan arriskutsutzat edo segurtasunik gabekotzat kalifikatutako helmugetara EZ BIDAIATZEA.

Gomendioak gorabehera, bidaiatzea erabakitzen baduzue, ziurtatu mediku-asegurua egokia dela eta berrogeialdien edo beste osasun-gastu batzuei aurre egiteko funtsak dauzkazuela.

Edonola ere, ikasleen eta langileen erantzukizuna da helmuga herrialdeko osasun-neurriak betetzea.