Hurrengo kongresuak, jardunaldiak eta mintegiak

Demokrazia Komunala Nazioarteko lehen Kongresua (KongresuaNazioartekoa)

Noiz eta non

2021/09

Deskribapena

DEMOKRAZIA KOMUNALA. Komunitatea, herri-boterea eta autogobernua: Demokrazia eraldatzeko praktikak

 

2021eko udazkenean, Donostian-Hernanin (Euskal Herria), Demokrazia komunari buruzko Nazioarteko Lehen Biltzarra egingo da. Bertan, gaur egungo demokrazia ereduak zalantzan jartzen eta eraldatzen dituzten ideia eta praktika kolektibo zehatzak jorratuko dira. 

 

Gizarte mugimendu eta dinamika eraldatzaileekin lan egiten duen Bakea Duintasunarekin elkarteak eta Euskal Herriko Unibertsitateko Parte Hartuz Gizarte Zientzietako ikerketa-taldeak antolatu dute Biltzar hau, eraldaketa demokratikoko prozesuen ikerketa akademikoa eta soziala uztartuz. Kongresuaren helburua da, bai teoriatik bai praktikatik abiatuta, komunitateak, herri-botereak, autogestioak, autogobernuak, balio komunek eta parte-hartze kolektiboak oinarri eraldatzailea duten prozesuak eta esperientziak aztertzea. Horregatik, hausnarketa, eztabaida eta analisirako gune izan nahi du, gizartearen eraldaketa komunalean eta komunitarioan lan egiten duten pertsona eta herri mugimenduentzat.

Harremanetarako datuak

Informazio gehigarria

Gazteak eta politika. Lan jardunaldia (Jardunaldia)

Noiz eta non

2019/02/28, 09:30

Kokapena

Araba

Deskribapena

Otsailaren 28ko lan jardunaldian Hego Euskal Herriko gazteen partaidetza politikoari buruzko ikerketa azaldu eta ondorio nagusiak aurkeztuko dira. Horrekin batera, ezaugarri desberdinetako hiru ikerlari eta aktibista gazte gonbidatu ditugu, aurrez txostena irakurri, eta euren ekarpenak egin ditzaten. Eta azkenik, bai parte batean zein bestean, parte hartzaile guztien iritzia eskatu, eta eztabaidarako tarte interesgarria irekiko dugu, gure asmoa denon ekarpenak batu eta martxoan zabalduko dugun txostena osatzea da eta.

Mintegiak eserleku mugatuak dituenez, ezinbestekoa izango da aurretik izena ematea.

2013tik hona burututako kongresuak, jardunaldiak eta mintegiak

EMAN doktorialak: euskal gizarte ikergai (Kongresua)

Noiz eta non

2014/12

Deskribapena

 Kongresu honetan EMAN Prestakuntza eta Ikerkuntza Unitateko (UPV-EHUko Afit, Nor eta Parte Hartuz ikerketa taldeek osatua) doktoregaiek beraien doktorego-tesiaren proiektua aurkeztuko dute ahozko komunikazio baten bidez.

Horrez gain, hurrengo hitzaldiak ere izango ditugu:

"Grupos de investigación en ciencias sociales. Analizando otras experiencias" - Francis Jauréguiberry (SEM ikerketa taldeko zuzendaria)

"Ikerkuntza, euskara eta EHU" - Itziar Alkorta (Eusko Jaurlaritzako unibertsitate eta ikerketa sailburuordea) & Fernando Plazaola (UPV-EHUko ikerketa errektoreordea).