Ikasgai hau Kimikan Graduko Oinarrizko Moduluan dago, eta beraz ikasleak RD1393/2007 dekretuan definitutako oinarrizko gaitasunak lantzea du helburu, aipatutako Moduluari egokitutako zeharkako gaitasun hauek [M01.CM09], [M01.CM010] eta [M01.CM11] eta zehatzago bertan definitutako gaitasunen artean bereziki hauek [M01.CM02], [M01.CM03], [M01.CM04], [M01.CM05] eta [M01.CM06]



M01CM02. Substantzia mota desberdinen erreakzio kimikoen oinarriak eta funtsezko teoria ulertzea eta erabiltzea.

M01CM03. Laborategiko ohiko bitartekoak eta teknikak modu seguruan erabiltzea.

M01CM04. Ingurune zientifikoan oinarrizko matematika-tresnak eta datu-analisien prozesuak ulertzea eta erabiltzea.

M01CM05. Kimikaren eta beste zientzia esperimental batzuen arloan behatzeko, aztertzeko eta emaitzak aurkezteko gaitasuna.

M01CM06. Fisikako magnitudeak eta oinarrizko printzipioak ezagutzea eta ulertzea, kimikaren arloarekin lotutakoekin bereziki.

M01CM09. Zientzia Esperimentalak erabiltzea, fenomeno kimikoak ulertzeko.

M01CM010. Literatura zientifikoa ezagutzea eta erreferentzia-estiloak erabiltzea, ahozko eta idatzizko komunikazioan.

M01CM011. Zientzia Esperimentaletan ohikoenak diren informazio- eta dokumentazio-iturriak ezagutzea eta erabiltzea.



M01CM09 gaitasuna Kimikako Graduaren G008 zeharkako gaitasuna barneratzen du, non talde-lana egiteko eta diziplina anitzeko testuinguruetan arazoak konpontzeko gaitasuna erakustea.



Ikasgai hau Moduluko eta Graduko gainontzekoekin koordinatzeko Graduaren Koordinaziorako Batzordea dago.

Gai zerrenda irakaskuntza-jarduera hauek erabiliz garatzen da:

a. Laborategiko praktikak (PL).

Hasteko atariko bi praktika ditu (0A eta 0B), ikasle guztiak egiten dituztelarik, eta beste 10 praktika. Hauetatik ikasle bakoitzak gutxienez 8 burutu beharko ditu, 4 Kimika Analitikoaren arlokoak eta beste 4 Kimika Fisikakoak.

0A Praktikak. Oinarri estatistikoekin lotutakoak.

0B Praktikak. Datuen irudikapena eta doiketekin erlazionatuak.

Laborategiko 14 praktikak, lehenengo 7ak Kimika Analitikoko arlokoak eta gainontzekoak Kimika Fisikakoak, hauek dira:



1. Aktibitatea eta kontzentrazioa

2. Azido sendo baten balorazioa base sendo batekin

3. Sodio karbonatoaren balorazioa azido klorhidrikoarekin

4. Erredox balorazioa

5. Hauspeatze balorazioak

6. Zelula galbanikoa

7. Adierazle baten pKa-ren determinazio esperimentala

8. Likido baten bero espezifikoa

9. Nitrogenoa: gas ideala edo erreala?

10. Substantzia baten disolbagarritasuna eta asetasun uretan

11. KI-ren oxidaziozko zinetikaren jarraipena kolorimetriaz

12. Disolbatze-beroa

13. Clément-Désormes metodoa erabiliz koefiziente adiabatikoaren, , lorpena

14. Fusio-puntuaren beherakada. Disoluzio idealak eta errealak



b. Ordenagailuko praktikak (PO)

Ikasleak ordenagailuan landuko dituzte jasotako datu esperimentalak. Horrela gidoietan eskatutako taulak eta irudiak lortuko dituzte. Zati honetan ere mintegietan erakutsitakoa lantzen da.

c. Mintegiak (S)

Jarduera honetan datu-tratamenduak egiteko dauden aplikazio informatikoak ezagutzea eta erabiltzea erakusten da. Baita ere simulazioak burutzen eta molekulen bisualizazioekin lotuta dauden programak. Gainera, komunikaziozko gaitasun egokiak garatzen dira, gehien bat txosten zientifikoen lantzea eta informazio zientifiko fidagarriaren bilaketak egitea. Antolatutako mintegiak hauek dira:



- 1A Mintegia. Estatistikaren Oinarriak: Teoria.

- 1B Mintegia. Excelaren erabilpena. Irudikapen eta doiketak.

- 1C Mintegia. Aplikazio matematikoak irudi grafikoen bitartez.

- 2 Mintegia. Txosten zientifikoak Word-en bitartez.

- 3 Mintegia. Informazio zientifikoaren bilaketak.

- 4 Mintegia. Prozesu kimikoen simulazio numerikoa.

- 5 Mintegia. Molekula organiko eta inorganikoen bisualizazioa.



Irakasgaiaren %40 POI (Problemetan Oinarritutako Irakaskuntza) metodologia jarraituz burutzen da. 1A, 1B, 1C, 2 eta 3 mintegiak, 0A, 0B, 1 eta 16 laborategiko praktikak (eta praktika hauei dagozkien ordenagailu-saioak) osatzen dute zati hau.

Gai-banaketa hau barneratzen duen Problema egituratzaile bat proposatzen da eta hortik 3 problema zintzilikatzen dira. Zehazki:

1. 1. problema: 0A eta 0B atariko praktikak eta 1A, 1B eta 1C mintegiak hartzen ditu.

2. 2. problema: 1 praktika eta 2 mintegia.

3. 3 problema: 16 praktika eta 3 mintegia.

Programaren gainontzeko %60 irakasgai esperimentaletako ohiko metodologia jarraituz burutuko da.

Irakasgai honetan bi metodologia erabiliko dira jarduera ezberdinak erabiliz. Irakasgaiaren %60 ohiko moduan garatuko da eta gainontzeko %40 Problemetan Oinarritutako Irakaskuntza (POI) sistema jarraituz. POI-a problema bat planteatuz hasten da. Honen ezaugarri nagusiak, ohiko praktiketan ebatzen direnekin konparatuz, askoz gutxiago egituratuta eta argibide gutxiago ematen direla izanik.

Kalifikazio finalaren %40 POI metodologiari dagokio eta gainontzeko %60 ohiko metodologiari dagokiona izango da.

Ohiko metodologiari dagokionez:

- laborategiko koaderno eta lanaren ebaluazio jarraitua: %10

- Edukin teoriko-praktikoei buruzko azterketa idatzia: %40

- Praktika baten emaitzen analisia banakako txosten zientifiko moduan: %10



Ebaluazio jarraituan jarduera guztietan parte-hartzea eta eskatzen diren txosten eta galdetegia guztiak entregatzea derrigorrezkoa da. Irakasgaia gainditzeko atal bakoitzean, azterketa idatziaren bi zatietako bakoitzean barne, 4ko nota minimoa eskatuko da. Ikasle batek derrigorrezkoak diren jardueretako bat egingo ez balu ikasturtean zehar, ohiko deialdian gainditu gabe gisa agertuko da, egindako gainontzeko jardueretako nota edozein izanda ere.



%7 edo gehiago ordu presentzialetara joan ez den ikaslea azterketa teoriko-praktiko bat burutu beharko du ohiko deialdian eta baita ere ez-ohiko deialdian.

Uko-eskaera eskatu ez duen ikaslea ez-aurkeztu bezala kalifikatuko da inongo ebaluatuko diren jardueretan parte ez badu hartu.

idAzterketa idazian M01CM03, M01CM04, M01CM05 eta M01CM09 gaitasunak ebaluatuko dira. Txostenen, entregatzekoen eta galdetegien bitartez gehien bat M01CM05, M01CM09, M01CM10 eta M01CM11 gaitasunak ebaluatuko dira. Bukatzeko, M01CM02, M01CM03, M01CM04, M01CM05 eta M01CM06 gaitasunak laborategiko liburuxkaren eta ebaluazio jarraituaren bitartez.



Bukaerako proba bakarra

Ikasleak ebaluazioa proba bakar baten bidez egitea eska dezake. Horretarako idatzi bat, sinatuta, bidaliko dio irakasleari, ikasle horrek bete beharko dituen ordu presentzialen %70a burutu baino lehenago. Bi deialdietan proba bakarra horrela osatuta egongo da: 1. Idatzizko azterketa irakasgai osoari dagokiona (notaren %55a), 2. Gehienez lau saiakuntza praktikoak burutzea laborategiko koadernoa osatuz (notaren %10a), eta 3. Gehienez bi praktika horien txostenak egitea (notaren %35). Ebaluazioa proba bakar baten bidez egitea eskatu eta proba hori egitera aurkezten ez den ikaslearen kalifikazioa Ez aurkeztua izango da.



Uko egitea

Ikasle batek jarduera batean parte-hartu baldin badu ere, ikasleak irakasgaiari UKO egiten diozaioke honen berri jakinarazten badio irakasleari. Horretarako dagokion idatzia (fakultateko idazkaritzan dute eredu bat), sinatuta, bidali beharko dio irakasleari ikasle horrek bete beharko dituen ordu presentzialen 2. astea burutu baino lehenago. Ez-ohiko deialdiaren eskubidea ere galduko luke.

Ikasleak ekarri behar duen Materiala: mantala, betaurreko babesleak, gidoiak, koadernoa eta kalkuladora zientifikoa.

Oinarrizko bibliografia

D. C. Harris. Análisis Químico Cuantitativo, 3ª ed. (6ª ed. Original). Editorial Reverté, 2007.

G. D. Christian. Analytical Chemistry, 6th ed. John Wiley & Sons, 2004.

J. J. Ruiz Sánchez, J. M. Rodríguez Mellado, E. Muñoz Gutiérrez, J. M. Sevilla Suárez de Urbina. Curso Experimental en Química Física. Ed. Síntesis, 2003.

David R. Lide (Ed.) Handbook of Chemistry and Physics, 89th ed. CRC Press, 2008.

Gehiago sakontzeko bibliografia

J. C. Miller y J. N. Miller. Estadística y Quimiometría para Química Analítica. Prentice Hall, 2002.
S. R. Crouch, F.J. Holler. Applications of Microsoft Excel in Analytical Chemistry. Thomson, 2004.
R. E. Maizell. How to find Chemical Information, 3rd ed. John Wiley & Sons, 1998.
R. J. Sime. Physical Chemistry: Methods, Techniques, and Experiments. Saunders College Publishing, 1990.
S. James. Using literature (Analytical Chemistry by Open Learning). John Wiley & Sons, 1987.

Aldizkariak

Journal of Chemical Education