Irakasgai hau Kimika Fisikoa jakintzarloan kokatzen da, Kimika Graduko Oinarrizko moduluaren barruan. Hori dela eta, modulu horretan aipatzen diren zeharkako gaitasunak landu beharko ditu, [M02CM08], [M02CM09], [M02CM10] eta [M02CM011]. Gainera, irakasgai honek [M02CM01] gaitasuna espezifikoa garatzen du. Bukatzeko, Tituluko zeharkako [G008] gaitasuna ere landuko da.Ondoren aipatutako gaitasunak deskribatuko dira laburki.

M02CM01. Kimika fisikoaren eta horrek prozesu kimikoetan duen eraginaren oinarriak ulertzea eta erabiltzea.

M02CM08. Teknika instrumental arruntak edo konbinatuak hautatzeko gaitasuna, substantzia kimikoak ezaugarritzeko.

M02CM09. Ahoz eta idatziz, modu ulergarrian, Kimikarekin eta antzeko gaiekin lotutako fenomenoak eta prozesuak aurkeztu ahal izatea.

M02CM10. Kimikaren arloan eta beste arlo zientifiko batzuetan informazioa bilatzeko eta hautatzeko gaitasuna, bibliografia eta informazioaren eta komunikazioaren teknologiak erabiliz.

M02CM11. Kimika beste diziplina batzuekin lotzeko gai izatea, baita Kimikak gaur egungo gizartean duen eragina eta Kimikaren industria-sektorearen garrantzia ulertzeko gai izatea ere.

G008. Taldean lan egiteko eta diziplina anitzeko testuinguruetan arazoak konpontzeko gaitasuna erakustea.

Termodinamika kimikoa eta Termokimika: Zenbait prozesu fisikokimikotan gertatzen den entalpia-aldaketaren determinazioa kalorimetroak erabiliz.

Nahaste bitarrak: Nahaste likidoen bolumen molar partzialen determinazioa tenperatura ezberdinetan.

Fase-orekak: Lurrun-presioaren neurketa. Solido-likido eta likido-lurrun sistemen fase-diagramak. Likido-likido diagrama.

Oreka kimikoak: Oreka-konstantearen determinazioa. Debye-Hückel-en muga-legea

Elektrokimika: Neurketa potentziometrikoak. Elektrodo-potentzialak. Pila elektrokimikoen magnitude termodinamikoak.

Zinetika kimikoa: Erreakzio ezberdinen abiadura-konstante eta erreakzio-ordenaren determinazioa. Tenperaturaren eragina.

Gainazaleko fenomenoak eta koloideak: Likidoen eta disoluzioen gainazal-tentsioa. Surfaktanteak. Mizela-kontzentrazio kritikoa. Gainazaleko adsortzio-fenomenoak.

Garraio-fenomenoak: Eroankortasun ionikoa

Makromolekulak: Disoluzio makromolekularren propietateak: biskosimetria. Pisu molekularraren neurketa.

Laborategiko praktikak egitea derrigorrezkoa da. Egiten ez dituen ikasleak ezingo du gainditu irakasgaia eta ez du edukiko inongo ebaluaketarik ez ohiko deialdian, ezta ere ez-ohikoan.

Ikasle batek ebaluazio bakarra erabiliz ebaluatua izateko duen eskubidea gauzatu nahi badu, irakasle arduradunari idatziz esan beharko dio ebaluazio jarraituari uko egin nahi diola bere laborategiko-txandaren %60a amaitu baino lehen.

Programaren 3 lehenengo zatiak ‘Problemetan Oinarritutako Ikasketa’ izeneko metodologia (POI edo ABP) eta ohikoa konbinatuz irakatsiko dira.

Zati honen ebaluazioa modu honetan egingo da eta gaitasun hauek hartuko dira kontuan:

1. POI Praktika: %25. Gaitasun guztiak.

2. POI Praktika: %25. Gaitasun guztiak.

Idatzizko azterketa: % 40. [M02CM01] eta [M02CM08].

Taldean egindako lana: %10. [M02CM08] eta [G008].

Programaren beste zatiak ohiko metodologia erabiliz irakatsiko dira, eta ebaluazioa modu honetan egingo da, kasu bakoitzean dagozkion gaitasunak kontuan edukiz:

Idatzizko azterketa: %40. [M02CM01] eta [M02CM08].

Gainontzeko %60: a) Laborategiko praktika baten txosten osatua eta ahozko aurkezpenak ([M02CM08], [M02CM09], [M02CM10] y [M02CM11]) eta b) Praktika guztien txosten laburrak eta ebaluazio jarraitua ([M02CM01], [M02CM08], [M02CM011] eta [G008]).

BATAZBESTEKOA EGITEKO EZINBESTEKOA IZANGO DA AKTIBITATE BAKOITZEAN GUTXIENEZ 4/10 LORTZEA.

Zati bakoitzeko nota (POI eta ohikoa) nota finalaren %50 izango da.



OHARRA:Ebaluazio jarraiari uko egiteko baldintzak EHU-ko Graduko Titulazio Ofizialetako Ikasleen Ebaluaziorako Arautegian 2. Kapituluan 12. Artikuluan azaltzen direnak dira. Ikasleak froga bakar batez ebaluatua izatea eskatzeko baldintzak EHU-ko Graduko Titulazio Ofizialetako Ikasleen Ebaluaziorako Arautegian 2. Kapituluan 8. artikuluan azaltzen direnak dira. Kasu honetan, frogak galdera teoriko/praktikoak eta laborategiko praktika bat edukiko ditu.

Ikasle batek Ez Aurkeztu kalifikazioa lortuko du ebaluazio jarraiari gutxienez hilabete aurretik idatziz uko egiten badio azken frogara edo ebaluazio finala eskatu ondoren frogara ez bada azaltzen.

Laborategira eman beharreko materiala: mantala, betaurreko babesleak, laborategiko liburuxka eta kalkulagailu zientifikoa. POI motako praktiketarako ordenagailu eramangarria edo EDUROAM sarera konekta daitekeen tablet edo antzekoa.

Oinarrizko bibliografia

A. M. Halpern, G. C. McBane. Experimental Physical Chemistry. A laboratory textbook, 3rd edition. W.H. Freeman, 2006.

C. W. Garland, J. W. Nibler, D. P. Shoemaker. Experiments in Physical Chemistry, 7th Edition. McGraw-Hill, 2002.

R. J. Sime. Physical Chemistry: Methods, Techniques, and Experiments. Saunders College Publishing, USA, 1990.

J. J. Ruiz Sánchez, J.M. Rodríguez Mellado, E. Muñoz Gutiérrez, J. M. Sevilla Suárez de Urbina. Curso Experimental en Química Física. Ed. Síntesis, 2003.

Gehiago sakontzeko bibliografia

D. R. Lide ed., Handbook of Chemistry and Physics, 89th Edition, CRC Press, 2008
I. R. Levine. Fisicoquímica, vols. 1 y 2. 5º ed. Ed. Mac Graw Hill, 2004.
P. Atkins, J. de Paula. Quimica Física. Ed. Panamericana, 2008.
R. J. Silbey, R. A. Alberty. Kimika Fisikoa. Euskal Herriko Unibertsitatea, 2006.

Aldizkariak

Journal of Physical Chemistry
Journal of Chemical Physics
Journal of Chemical Education