UIPRE. UNIBERTSITATEKO IRAKASLEAK PRESTATZEN

SAE-HELAZen helburuetako bat da irakasle eta ikertzaileen beharrei erantzutea hezkuntza-hobekuntzarekin eta -berrikuntzarekin lotutako alderdietan, programak eta estrategiak diseinatuz, garatuz eta ebaluatuz.

IKD i3 estrategiaren testuinguruan egituratzen da programa, hiru “i” horien ardatzen inguruan: irakaskuntza, ikerketa eta iraunkortasuna.

Esparru horren barruan, prestakuntza honen programazioa antzemandako beharren araberakoa izango da, eta aurreikus daitezkeenei ere aurrea hartuko zaie, esku hartzeko edo eragiteko eremu guztietan. Ikasturtean zehar, printzipioz, bi deialdi egingo dira, bata urtarrilean eta bestea ekainean, betiere beharrezkoak diren tresna eta baliabideen eskuragarritasunari eta garapenari lotuta. Honako hauek izango dira kontuan:

  • Programa malguak eta une bakoitzean bizitzen ari diren baldintzetara egokitu daitezkeenak, epe labur eta ertaineko beharrei erantzuten dietenak.
  • Egungo irakasle-eskaerari erantzuten dioten prestakuntza-ekintzen bidez.
  • Prestakuntza-ekintzen berri emango du unean-unean (SAE-HELAZen eta ehutaularen webgunearen bidez), eta langileen atariaren bidez emango du izena astebeteko epean, prestakuntza-deialdia argitaratzen denetik hasita.
  • Prestakuntza-jarduera batzuetan sartzeko lehentasunak edo baldintzak ezartzea, parte-hartzaileen beharretara egokitzen direla ziurtatzeko.

Irakasle eta ikertzaileak izena eman ahal izango duen prestakuntza-eskaintza eguneratuta argitaratuko da deialdi bakoitzaren aurretik.