Graduetarako sarbidea, proba jakin baten bitartez

Proba espezifikoa duten graduetarako sarbidea

412/2014 Errege Dekretuko 10. artikuluan zehaztutakoaren babesean, "Itzulpengintza eta Interpretazioa" eta "Jarduera Fisikoaren eta Kirolaren Zientziak"  graduetan sartzeko, ikasleek zenbait baldintza bete eta sarrerako proba bereziak egin beharko dituzte.

Proba horiek gainditzeak ez dakar graduetan onartua izatea; izan ere, proba gaindituta izateaz gain, ikasleek izena emateko, ikasleak hautatzeko eta ikasleak onartzeko prozedura orokorrak bete beharko dira.

Proba gainditu arren ikasleak matrikularik egiten ez badu, hurrengo urtean matrikula egin nahi izanez gero berriro egin beharko du proba. Era berean, proba hori beste unibertsitate batean gaindituta izan arren, titulazioa Euskal Herriko Unibertsitatean ikasi nahi dutenek berriro egin beharko dute EHUn.

Graduari, izena emateko prozedurari edo probei buruzko informazio gehiago gura baduzu, joan ikastegiko idazkaritzara edo web gunera.

Hizkuntza-betekizuna duten graduetarako sarbidea

 

Ezinbestekoa da euskarazko B2 maila egiaztatzea Medikuntzako graduan (Euskara) eta Haur Hezkuntzako eta Lehen Hezkuntzako graduetan (Gasteizko Hezkuntza eta Kirol Fakultatean, Bilboko Hezkuntza Fakultatean eta Donostiako Hezkuntza, Filosofia eta Antropologia Fakultatean) onartua izateko. onarpen-eskaera egiteko epean.