Unibertsitateko Aditua:Hezkuntzarako Baliabide Digitalak: Aukerak eta Arriskuak Jendartean

  • Kredituak: 17 ECTS kreditu
  • Prezioa: 850 €

Titulu honek helburu bikoitza du:

1. Irakaskuntza telematikoaren edota konbinatuaren oinarriak zein diren erakutsi. Hezkuntzan baliabide digitalak baliatzeko eta egun bizi dugun testuinguru digitala ulertzeko, garrantzitsua da ulertzea garapen teknopedagokioak hezkuntzan izan duen eragina. Ikasleek on-line den irakaskuntza-moldearen egungo egoera aztertuko dute, honek izan duen garapenaz eta dituen aukerez hausnartuz

2. Teknologiak jendartean duten eragina eta eragin horrek hezkuntzan duen eragina landu. Horrekin batera, IKTen eragina aztertzen laguntzeko marko kontzeptuala landuko da, tresna baliagarria baita aldaketan dagoen hezkuntzari buruzko iritziak izateko eta erabakiak hartzen laguntzeko. Horrez gain, jendartearen gaitasun digitalak eta orokorrean ahalduntze teknologikoa posible egin dezaketen zenbait proposamen egingo dira. Teknologiak eskaintzen dituen arrisku eta aukerei begirada kritiko edo dialektiko bat emanez.