Berezko master eta graduondokoak unibertsitateak berak antolatzen dituen ikasketa espezializatuak dira, malgutasunez egokitzen direnak gizartearen eskaerara. Era berean, oso lagungarriak dira karrera profesionala bideratzeko nahiz karrera horri beste norabide bat emateko.

Nolako egokitzapena izan gizarte eskaintzan, halako balioa eta aitormena izango dute. Hortaz, honelako helburuak lortu nahi dituzte:

• Berehalako proiekzio profesionala duen prestakuntza espezializatu bat ematea
• Profesionalentzako ezagutzak gaurkotzea
• Ezartzea, azken finean, konexio bat jarduera akademikoaren eta gizarte errealitatearen artean (hitzarmen bidez erakunde publiko eta enpresa pribatuekin ematen diren tituluak behin eta berriro antolatuta berresten den helburua)

A. Berezko Masterra

Titulu hauetako ikasketek, oro har, 60-120 ECTS kreditu izango dituzte. Gutxienez ikasturte bateko iraupena izango dute. Unibertsitate titulua duten pertsonei zuzendutako graduondoko ikasketa da.

B. Unibertsitate Espezializazioko Titulua

30-59 ECTS kreditu izango dituzte, eta seihileko bateko edo biko iraupena izango dute. Berezko masterra bezala, unibertsitateko tituluren bat daukaten pertsonei zuzendutako graduondoko ikasketak dira. Aparteko kasuetan, unibertsitateko titulurik ez daukaten profesionalak onartu ahal izango dira, baldin eta kasuan kasuko ikasketen arloan esperientzia handia badute; bi ikasle onartu ahal izango dira, edo, bestela, guztira matrikulatuta dauden ikasleen % 5. Halaber, ehuneko hori gaindituta ere, kontuan hartuta titulu bakoitzaren ezaugarri bereziak eta arduradunak hala eskatzen badu, Graduondoko Batzordeak beren-beregiko baimena eman ahal izango du kasuan kasuko ikasketen arloan esperientzia handia daukaten profesionalak onartzeko.

C. Unibertsitateko Aditu Titulua

15-29 ECTS kreditu izango dituzte, eta seihileko bateko iraupena. Batez ere unibertsitateko tituluren bat daukaten pertsonei zuzendutako ikasketak dira; gehienez ere onartu ahal izango dira guztira matrikulatuta dauden ikasleen % 20. Halaber, ehuneko hori gaindituta ere, kontuan hartuta titulu bakoitzaren ezaugarri bereziak eta arduradunak hala eskatzen badu, Graduondoko Batzordeak beren-beregiko baimena eman ahal izango du kasuan kasuko ikasketen arloan esperientzia handia daukaten profesionalak onartzeko.

D. Unibertsitate Hedakuntzako Diploma

30-60 ECTS kreditu izango dituzte. Unibertsitate hedakuntzako diplomara sartzeko betekizunak izango dira legeak unibertsitatean sartzeko ezartzen dituen berberak. Salbuespenez, onartu ahal izango dira dokumentuen bidez kasuan kasuko ikasketen arloan esperientzia handia daukatela egiazta dezaketen pertsonak.

E. Ikastaro Osagarriak

Ikastaro osagarriak ezagutzak eguneratzeko, espezializatzeko, birziklatzeko eta zabaltzeko ikastaroak dira, eta ikasleen prestakuntza osagarri eta jarraitua dute helburu. Enpresen edo kanpoko beste edozein erakunderen eskariz antolatzen diren etengabeko prestakuntzako ikasketek eta unibertsitateko ikastaro osagarriek 20 ECTS kreditu izango dituzte gehienera, eta haietan sartzeko baldintzak ikastaroen proposamenean zehaztuko dira.

Kreditua ikasketak baloratzeko unitate bat da. ECTS kredituak (European credit transfer system) duen ezaugarri esanguratsuena da eskola orduez gainera irakasgaia gainditzeko egin behar den ahalegina ere (ikasteko orduak, mintegiei eskainitakoak, lanak, praktikak edo proiektuak, eta azterketak eta ebaluazio probak prestatu eta egiteko orduak) balioesten duela. UPV/EHUren berezko ikasketetan balioztatu da ECTS kreditu bakoitzerako 25 ordu behar direla.

Berezko Masterra: Unibertsitate titulua duten pertsonei zuzendutako graduondoko ikasketa da.

Unibertsitate Espezializazioko Titulua: Unibertsitateko tituluren bat daukaten pertsonei zuzendutako graduondoko ikasketak dira. Aparteko kasuetan, unibertsitateko titulurik ez daukaten profesionalak onartu ahal izango dira, baldin eta kasuan kasuko ikasketen arloan esperientzia handia badute; bi ikasle onartu ahal izango dira, edo, bestela, guztira matrikulatuta dauden ikasleen % 5. Halaber, ehuneko hori gaindituta ere, kontuan hartuta titulu bakoitzaren ezaugarri bereziak eta arduradunak hala eskatzen badu, Graduondoko Batzordeak beren-beregiko baimena eman ahal izango du kasuan kasuko ikasketen arloan esperientzia handia daukaten profesionalak onartzeko.

Unibertsitateko Aditu Titulua: Batez ere unibertsitateko tituluren bat daukaten pertsonei zuzendutako ikasketak dira; gehienez ere onartu ahal izango dira guztira matrikulatuta dauden ikasleen % 20. Halaber, ehuneko hori gaindituta ere, kontuan hartuta titulu bakoitzaren ezaugarri bereziak eta arduradunak hala eskatzen badu, Graduondoko Batzordeak beren-beregiko baimena eman ahal izango du kasuan kasuko ikasketen arloan esperientzia handia daukaten profesionalak onartzeko.

Unibertsitate Hedakuntzako Diploma: Unibertsitate hedakuntzako diplomara sartzeko betekizunak izango dira legeak unibertsitatean sartzeko ezartzen dituen berberak. Salbuespenez, onartu ahal izango dira dokumentuen bidez kasuan kasuko ikasketen arloan esperientzia handia daukatela egiazta dezaketen pertsonak.

Ikastaro Osagarriak: Ikastaro osagarrietara sartzeko baldintzak kasu bakoitzerako ezartzen dira. Gure web orrialdeko ikastaro osagarrien “fixan” begira dezakezu.

Oraindik ikasketak bukatu gabe badituzu, UPV/EHUk ez du baimenik ematen matrikulatzeko.

Goi mailako atzerriko titulu bat dutenek ikasketa horiek egin ditzakete titulua homologatu beharrik izan gabe. Aski izango dute errektorearen baimena izatea, lehenago dagokion batzordeak txostena eginda.

Tramitazio hori graduondokoan onartu zaituztela egiten da. Aurkezten den dokumentazioa itzulita egongo da.

Ez dago graduondoko tituluen edo ikastaroen salneurria arautu edo mugatzen duen arautegirik. Gizarte Kontseiluak ezartzen du prezioa. Salneurria gure web orrian kontsulta dezakezu, matrikularen atalean.

Berezko ikasketak, Estatuaren estaldurapean ematen diren izaera orokorreko beka edo diru laguntza deialdietatik kanpo gelditzen dira. Unibertsitateak ere ez du eman ohi bekarik. Titulazio batzuek, berriz, bai ematen dituzte. Titulazioaren Idazkaritzara jo behar da jakiteko bekarik ematen duten eta beka horiek jasotzeko baldintzak zein diren.

Hori bai, matrikulazio tasetan gauzatzen diren exentzioak eta murriztapenak graduko eta master ofizialetako berdinak dira (familia ugariak, ezgaitasuna, genero indarkeria eta abar).

Izena emateko web orriaren bidez egin behar da, GAUR aplikazioa erabiliz. Normalean ekain, uztail eta irailean egingo da. Berezko titulu bakoitzaren Idazkaritzara jo behar da titulazio bakoitzerako ezarritako eguna zein den jakiteko.

Berezko tituluaren Idazkaritzan adierazten dizutena. Ikasleak egindako ikasketen ziurtagiria eta curriculum vitae eskatzen dira gehienetan.

Zuzendari akademikoak zure eskariaren egoeraren berri emango dizu. Gainera, gure web orriko izena emateko atalean jakin dezakezu zein den egoera.

Onartutako pertsonentzat bakarrik. Matrikula egiteko data titulazioaren antolakuntzak berak emango dizu. 

Matrikula web bidez egiten da GAUR aplikazioa erabiliz. Aurkeztu beharreko dokumentazioa eta bulegoak web orrian kontsulta daitezke, matrikularen atalean.

Berezko titulazioetarako, graduko nahiz graduondokoetarako, ordainketa zatitu dezakezu bi epetan, % 50ean bakoitza. Ikasketa osagarrietan zenbateko guztia ordaindu behar duzu matrikulatzerakoan.

Matrikulatzean ordaintzeko konpromisoa hartzen da. Matrikula behin egin eta gero, baliogabetu nahi bada, ordaindutako zenbatekoa itzuliko da, baldin eta ikastaroa hasita ez bada.

Berezko titulu bakoitzak badu poliza bat eta horren barruan sartzen dira matrikulatutako pertsonek munduko edozein tokitan eta eguneko 24 orduetan izan ditzaketen istripuengatiko zerbitzuak. Kanpoan gelditzen dira jarduera profesionalen ondorioz sortutako istripuak. Aurrekoa gorabehera, barruan sartzen dira ikasketen ondorioz eta horiek lortzeko beharrezkoak diren praktikak.

Ikastaroa hasita ez bada bakarrik itzultzen da ordaindutako diru kopurua.

Matrikulatzean ordaintzeko konpromisoa hartzen da. Matrikula behin egin eta gero, baliogabetu nahi bada, ordaindutako zenbatekoa itzuliko da, baldin eta ikastaroa hasita ez bada.

Matrikula baliogabetzeko eskaria eskolak hasi eta lehen hiru hilabeteetan egiten baduzu, ordaindu gabe daukazun zatia ez da zortzat joko.

Ezarritako prezioak ezarritako epeetan ez ordaintzeak, ordaindutako zenbatekoak galtzeaz gain, ordaindu gabe leudekeen zenbatekoak unibertsitatearen aldeko zortzat hartuko dira.

Behin berezko titulua bukatuta, berariaz eskatu behar duzu titulua egiteko. Gure web orrian kontsulta dezakezu titulua egiteko zer tramite, zer dokumentazio aurkeztu behar den, eta zenbat ordaindu behar den titulua egiteko. Era berean, dagokion atalean kontsulta dezakezu tituluak jasotzeko prozedura zein den.

Si tienes más preguntas, no dudes en escribirnos a: titulospropios@ehu.eus o llamarnos al: 94 601 7939