Astelehenean, azaroaren 14an Kanpo Unibertsitateetan Mugikortasunak egin ahal izateko deialdia, GAURen, irekiko da, abenduaren 5era arte.

Erantsita aurkituko duzue azaroaren 8an egindako bileran eman genuen laburpen-dokumentua (ondo irakurri).

Webgune hauetan mugikortasun-programei buruzko informazioa aurkitu dezakezue:

https://www.ehu.eus/eu/web/vitoria-gasteizko-ingeniaritza-eskola/outgoing

https://www.ehu.eus/eu/web/nazioarteko-harremanak/home

Nazioarteko harremanetako errektoreordetzak egindako aurkezpenak

Bestetik, bileran esan genuen moduan, hizkuntza-ziurtagiriak oso garrantzitsuak dira mugikortasun programetan parte hartzeko.  UPV/EHUk urtero  APTIS (British Council) eta Cambridge (FCE eta CAE) elkarteen lankidetzaren bidez egiten ditu azterketak. Ziurtatu zein diren helburuko unibertsitatearen hizkuntza-eskakizunak azterketa jakin bat aukeratu aurretik.

Ohar garrantzitsuak:

- SICUE (mugikortasuna Espainian) otsailean eskatu behar da, oraingo mugikortasun deialdian plaza ematen badizuete ezin duzue parte hartu SICUE deialdian.

- Gogoratu BEHIN BETIKO helmugako unibertsitateak GAUR-en daudenak dira, eskolako Web orrialdean datozenak ORIENTATIBOAK dira.

- Begiratu ondo aukeratuko duzuen unibertsitatean datorren urtean egin nahi dituzuen irakasgaiak eskaintzan dituen. Konbalidatu nahi duzuen irakasgaia derrigorrezkoa bada kanpo unibertsitatean egin behar duzuena %70eko antzekotasuna izan beharko du. Hautazkoa bada, berriz, edozein aukeratu ahalko duzue (ingeniaritzakoa, noski!)

- Begiratu ondo Hizkuntza-eskakizunak.

- Diru-laguntzak Nazioartekotzearen arloko Errektoreordetzako web orrialdean argitaratuko dira. Adi egon!

Laster arte