Irakasgaiaren gaitasunak

• Landa ikasketak diseinatu kasuan kasu ezarritako helburuen arabera.

• Ingurumen ikasketaren arlo desberdinetan aplikagarriak diren landa-teknikak identifikatu eta inplementatu.

• Jakintza-arlo anitzeko azterketa integratzailearen ahalmena garatu.

• Kartografia tematikoak interpretatu eta natur ingurunea aztertu ikuspegi hauetatik: 1) biodibertsitatea eta kontserbazio egoera, 2) litologia eta egitura tektonikoak.

Zeharkako gaitasunak

• Iturri desberdinetatik jasotako informazio zientifikoa erabili, modu zuzen batean interpretatu, ondorio nagusiak atera eta publikoki aurkeztu.

Ikasketa emaitzak

• Kartografia tematikoa modu egokian erabiltzea eta hauen zuzentasuna ebaluatzea.

• Landare-komunitateen analisia egitea.

• Habitaten balorazioa burutzea.

• Flora eta fauna inbentarioak burutzea.

• Ornodunen zentsuak egitea eta euren lorratzak mendian identifikatzea.

• Landako laginketa planifikatu eta burutu.

• Litologia eta egitura geologikoak identifikatu eta hauek geomorfologian eta arrisku naturaletan daukaten eragina ebaluatu.

• Landako datuak kartografikoki aurkeztu.

1. Irakasgaiaren aurkezpena.

2. Landuko den faunari buruzko informazio bilaketa: ugaztunen lorratzen ezagumendua. Hegazti, narrasti eta anfibioen identifikazioa.

3. Informazio geologiko eta geomorfologikoaren bilaketa.

4. Informazio botanikoaren bilaketa.

5. Erreferentziazko informazioaren bilaketa, mapa topografikoak, argazki aéreo estereoskopikoak, ortofotoak eta LIDAR imaginak barne.

6. Oinarrizko informazioaren ikasketa: fotogeologia, geomorfologia eta landaredia. Laginketa ibilbideen hautaketa.

7. Soslai topografikoak egin eta gainazalak orientatu.

8. Fauna-lorratzak identifikatu eta geoerreferentziatu.

9. Hegaztien ugaritasun-indizeen kalkulua. Ugaritasun indize kilometrikoak eta denbora-unitateko.

10. Lurzoruko ornogabeen laginketa. Denbora- eta azalera-unitateko laginketak. Laginketa-azalera minimoaren kalkulua. Habitat eta espezieen arteko erlazioa.

11. Mapa geologikoen erabilera eta interpretazioa; geruzen espazio-orientazio definizioa, eta substratuaren geometriaren adierazle diren eremu geologikoak ezarri.

12. Arroka, fosilak eta eraketa/formazio geologikoak ezagutu.

13. Zutabe geologikoak egin eta serie geologiko, fosil-erregistro eta ingurune sedimentarioaren adin erlatiboa ezarri.

14. Litologia, egitura geologikoak eta geomorfologiaren arteko harremana.

15. Gainazaleko hidrologia, hidrogeologia, geologia, geomorfologia eta arrisku naturalen arteko harremana.

16. Landaredi mapen erabilera eta interpretazioa.

17. Landare formazioak ezagutu.

18. Batasunaren Intereseko Habitatak identifikatzea.

19. Landare-espezieak identifikatu.

Irakasgaia praktikoa da gehien bat, eta hurrengo eran garatuko da:

• Saio magistralak: bertan, irakasgaia behar bezala egiteko azalpenak emango dituzte irakasleek.

• Ordenagailu praktiken hiru saio: arlo bakoitzean ezartzen diren helburuei ekiteko informazio zehatza eta gidalerroak jasoko dituzte ikasleek. Saiootan, eta irakasleek gainbegiratuta, aurrerago egin beharko duten landa-lana burutzeko beharrezkoa den informazioa bildu eta aztertuko dute ikasleek.

• Landa praktiken jardunaldi osoko sei egun: jardunaldi horietan, ikasleek talde txikietan eta modu autonomoan lan egingo dute, beti ere, irakasleren batek, aldizka, gainbegiratuko dituelarik.

Azkenean, landa lanetik lortutako emaitzekin txosten idatzia aurkeztu beharko du talde bakoitzak, eta emaitzarik nabarmenenak jendaurrean aurkeztu beharko dituzte.

Irakasgaiaren ebaluazio mistoak hurrengo atalak hartuko ditu aintzat:

• Idatzizko lanak (% 80):

o Hasierako idatzizko txostena (azken notaren % 20): landako lana egin aurretik ikasleek burutu duten errebisio bibliografikoaren bilduma, lanaren planifikazioa eta laginketaren diseinua jasotzen duen dokumentua.

o Azken txosten idatzia (azken notaren % 60): landan landu dituzten arlo guztiak jasotzen dituen dokumentua, lortu dituzten emaitzen balorazio kritikoa barne.

• Lan osoaren ahozko aurkezpena (azken notaren % 20)

Osagarri gisa, taldeko kide bakoitzaren banakako lana eta jarrera ebaluatuko dira.

Ebaluazio mistoari heltzeko, ikasleak, gutxienez, 4 landa-jardunaldi egin beharko ditu. Bestela, hurrengo paragrafoan zehaztuta dagoen azken ebaluazioari heldu beharko dio.

Landa praktiketara joan ezin den ikaslerik balego, eta ondorioz, lan idatzirik ezingo balu egin ezta defendatu, ahozko azterketa egingo zaio ikasketa eremuan aztertutako arlo nabarmenei buruz.

Azken ebaluazioa ebaluazio jarraitu edo mistoaren salbuespena da, eta ebaluazio jarraiturik eduki ezin duten ikasleentzat baino ez da, eta ondorengo kasuetan eskatu ahal izango da:

“Ikasleari, justifikatutako arrazoiengatik (lanari lotutako arrazoiak, genero indarkeriaren biktimak, erditzea, adopzioa, ume harrera edo hiru urtetatik beherako seme-alaba edo minusbaliatutako pertsonak izatea bere kargura; % 33ko ezintasun maila edo handiagoa duten ikasleak; goi-mailako kirolaria; bidaiak edo denbora asko eskatzen duten kultur eta arte-jarduerak; goi mailako beste ikasketa batzuekiko bateragarritasuna; eta mota desberdinetako karguekiko bateragarritasuna: kargu politikoak, sindikalak, ikasleen ordezkaritza, elkarteetakoak, GKEkoak edo beste batzuk) ezin bazaio egin etengabeko ebaluazioa, bukaerako proba bakarra egingo zaio, irakasgaiko jakintzak eta gaitasunak bereganatu dituela egiazta dezan. Proba horrek, egiten den moduan egiten dela, irakasgaiko notaren % 100 balio beharko du. Irakasgaiaren ezaugarri eta edukiengatik irakasgaiaren beste alderdi batzuk gainditu behar badira, praktikak esaterako, bukaerako probaz gain kontuan hartuko beharko da beste alderdiak gainditu diren ala ez.”

“Horrez gain, goragoko kurtsoetako ikasle errepikatzaileek ere Azken ebaluazioa egiteko aukera dute”

Ohiko deialdiari uko egiteko Graduko ikasketen gestiorako arautegian ezarritakoa jarraitu beharko da.

Ikasleek eskubidea izango dute azken ebaluazio bidez ebaluatuak izateko, etengabeko ebaluazioan parte hartu zein ez hartu. Eskubide hori baliatzeko, ikasleak etengabeko ebaluazioari uko egiten diola jasotzen duen idatzi bat aurkeztu beharko dio irakasgaiaren ardura duen irakasleari eta, horretarako, bederatzi asteko epea izango du lauhilekoko irakasgaien kasuan edo 18 astekoa urteko irakasgaienean, ikastegiko eskola egutegian zehaztutakoarekin bat lauhilekoa edo ikasturtea hasten denetik kontatzen hasita. Irakasgaiaren irakaskuntza gidan epe luzeagoa ezarri ahal izango da.

Oinarrizko bibliografia

Aseguinolaza, C. y otros. 1996. Vegetación de la Comunidad Autónoma del País Vasco. 361 p. Ed. Gobierno Vasco.

De Juana, E. y Varela, J.M. 2001. Guía de las aves de España. Lynx Ediciones

Brower JE, Zar JH & von Ende CN, 1998. Field and laboratory methods for general ecology (4th ed.). WCB/McGraw-Hill, Dubuque, IA.

Gilbertson DD, Kent M & Pyatt FB, 1985. Practical ecology for geography and biology. Survey, mapping and data analyisis. Hutchinson and Co Ltd.

Pleguezuelos, J.M. 1997. Distribución y biogeografía de los anfibios y reptiles en España y Portugal. Universidad de Granada. AHE

Purroi, F.J., Varela, J.M. 2003. Guía de los mamíferos de España. Lynx Ediciones

Stohlgren, T.J. 2007. Measuring plant diversity: lessons from the field. 390. Ed. Oxford University Press.

Tellería, J.L. 1986. Manual para el censo de los vertebrados terrestres. Ed Raíces, Santander

Terradas, J. 2001. Ecología de la Vegetación.De la ecofisiología de las plantas a la dinámica de comunidades y paisaje. 701 p. Ed. Omega.