|
Fermat-en
printzipioa
Orrialde
honetan, uhin lau baten jokabidea aztertuko da, uhina bi (1 eta 2)
medioren banaketa-gainazalerantz hedatzen denean. Banaketa-gainazalera
ailegatzean, uhinaren parte bat islatzen da eta beste parte bat bigarren
mediora transmititzen da. Fermat-en "denbora-minimo"
printzipiotik abiatuz, islapen zein errefrakzio-legeak oso erraz ateratzen
dira. Printzipio honek dioenez, argi-izpi batek bi punturen artean
segitzen duen ibilbide erreala denbora minimoari dagokiona da.
Argibideak
Sartu
-
Lehen inguruneko argiaren
abiadura, Velocidad A edizio-kontrolean.
-
Bigarren
inguruneko argiaren abiadura, Velocidad B
edizio-kontrolean.
Sakatu Nuevo
botoia. Applet-eko goialdean, S iturria (puntu urdina) ikusten da, eta behealdean P
behatzailea (puntu urdina). Beren posizioak, limite batzuen barruan aleatorioki finkatzen
dira. Bi medioen arteko banaketa-gainazalean O puntuaren posizioa
aldatzeko, kokatu sagu-erakuslea laukitxo
gorriaren gainean; ezkerreko botoia sakatuta, laukitxoa arrastaka eraman. Sakatu Traza
botoia. Programak SOP bidea irudikatzen du eta argiak ibilbidea jarraitzen
tardatzen duen denbora kalkulatzen du. Sagu-erakusleaz,
higitu O puntua ezkerrerantz edo eskuinerantz, argi-izpiak
segitzen duen SOP ibilbide erreala lortu arte (denbora minimoan jarraitutakoa).
Laguntza modura, applet-aren goiko ezkerraldean, argi-izpiak ibilbidea
deskribatzen tardatzen duen bi denbora ematen dira: kasuarena eta
bere aurrekoarena. Argi-izpiak segitzen duen SOP ibilbide erreala
aurkitzekotan, programak izpi erasotzailea eta errefraktatua irudikatzen
ditu, eta dagozkien datuak ematen ditu. Datu hauekin, konprobatu
errefrakzioaren Snell-en legea.
|