Doppler efektua

Soinu-uhinen iturria eta/edo behatzailea uhina propagatzen ari den medioarekiko higidura erlatiboan badaude, behatzaileak neurtzen duen uhinen maiztasuna eta iturriak emititzen duena desberdinak dira. Efektuaren aurkitzailearen ohoretan, maiztasun-aldaketa honi Doppler efektua deitzen zaio.

Simulazioan, igorleak (gorriz) uhinak etengabe sortzen ditu, baina periodo batek banatzen dituen segidako uhin fronteak besterik ez dira irudikatuko: fronte hauek igorlean zentratuta dauden zirkunferentziak dira. Bestalde, soinuaren propagazio-abiadura  v_s=1 izango da, eta uhinen periodoa P=1. Era honetan, segidako uhin-fronteak periodo batean luzera-unitate bat desplazatuko dira, hots, emititzen ari diren uhinen uhin-luzera unitate bat da, l =v_sP.

Kontsideratuko dugun kasu bakarra hauxe da: Igorle-abiadura eta behatzaile-abiadura uhinen propagazio-abiadura medioarekiko baino txikiagoak dira. Ezkerretatik-eskuinetarako noranzkoa positibotzat hartuko da eta bere aurkakoa negatibotzat.

Argibideak

Sartu igorle-abiadura eta behatzaile-abiadura dagozkien edizio-kontroletan. Sartzen diren kantitateak, balio absolutuz, unitatea baino txikiagoak izan behar dira: positiboak igorlearen kasuan eta positiboak edo negatiboak behatzailearen kasuan.

1. Sakatu Empieza botoia.

2. Behatu efektua behatzailea eta igorlea elkarrekiko hurbiltzen direnean .

3. Behatu efektua behatzailea eta igorlea elkarrekiko urruntzen direnean.

4. Behatzailearen igorlearekiko higidura erlatiboak Doppler efektua sortzen duela konprobatzeko, inposatu behatzailearen eta igorlearen higidura noranzko berberean eta abiadura berdinaz. Neurtu bi segidako uhin-fronteak igorlea gainditzen behar den denbora-tartea eta konparatu emititutako uhinen periodoarekin (denbora-unitate bat). Kantitate biak berdinak al dira?. Aipaturiko denbora-tarteak neurtzeko, erabili Pausa/Continua eta Paso botoiak.