Deskribapena

Datorren ostiralean, Zientzia eta Teknologia Fakultateko Hitzaldi Aretoan, 55. Matematika Olinpiadaren lehenengo fasea abiatuko da. Espainiako Matematikako Erret Elkarteak, UPV/EHUko Matematika Ataleko irakasle ordezkaritza baten laguntzarekin, antolatu ditu Matematikako Olinpiadak. 2018-2019 ikasturtean Batxilergoan matrikulatutako EAEko ikasle guztiek har dezakete parte.

Lehenengo fase honek saio bi ditu, eta ikasleek zenbait problema ebatzi beharko dituzte, euskaraz zein gaztelaniaz. Marrazketa edo idazketarako tresnak besterik ezingo dituzte erabili; galarazita daude kalkulagailuak, liburuak, taulak eta bestelakoak

Hiru irabazleek Azken Fasea jokatuko dute, Ourensen, martxoaren 21 eta 24an. Bigarren fase horretan sailkatutako lehenengo seiak talde olinpikoko kide izango dira eta 60. Nazioarteko Olinpiadan parte hartuko dute, uztailean, Bath-en (Erresuma Batua). Eta gainera, irailean Guanajuaton (Mexiko) burutuko den 34. Olinpiada Iberoamerikarrean izateko hautagai izango dira.

Beste alde batetik, tokian tokiko faseetan ondoen sailkatutako emakumezko ikasleek, (15 gehienez), Kieven (Ukraina) apirilean egingo den Emakumezkoen Olinpiada Europarrean (EGMO) talde espainiarreko kide izateko hautaketa-frogetan parte har dezakete. 

Olinpiadak prestatzeko matematika tailerra antolatu da. Informazio guztia eta lanerako materialak ikusteko: www.ehu.es/olimpiadamat

Espainiako Matematika Olinpiadari buruzko informazio gehiago, hementxe:

 http://www.olimpiadamatematica.es