Hizkuntza Indigenak Ama Lurra Zaintzen

Erakusketa ibiltaria

Image

Erakusketa honek euskal herritarrei bi kontu jakinaraztea du helburutzat. Batetik, kooperazio linguistikoa nola ulertzen dugun adieraztea, zein balio, zein garrantzi eta zein aukera dituen. Bestetik, isilarazitako herri indigenetara hurbiltzea, haien sentipenak eta sentiberatasunak ezagutu ditzagun. Halaber, bioaniztasunaren eta hizkuntza-aniztasunaren arteko harremana ere badu gogoeta-gai.

Erakusketara hurbiltzen den bisitariak hainbat kontakizun aurkituko du bertan, bakoitza hizkuntza indigena batean eta mundu batera hurbiltzen gaituen irudi batez lagunduta, indigenen hitzak eta indigenen begiradak islatzen dituzten paneletan bilduta.

Munduan dauden hizkuntza gutxituen lagin bat besterik ez dute osatzen kontakizunok. Galzorian dauden hizkuntzak dira gehienak; bizirik irauteko zailtasun ugari dutenak eta, sarritan, gatazkaz inguratutako gizartean kokatuta daudenak, baina hiztunen lan eta gogoari esker biziberritzeko ahaleginetan ari direnak.

Irudi eta kontakizunez gain, fitxa tekniko labur baten bidez, ikusgai dagoen hizkuntza bakoitzaren egoerari buruzko informazioa eskaintzen da panel bakoitzean, eta gainera, QR kode baten bitartez, kontakizun horiek jatorrizko hizkuntzan entzuteko aukera eskaintzen da.

Halaber, pantaila batean Beltzean Mintzo dokumentalaren zati bat eta hizkuntza-lankidetzarekin lotutako irudi sorta bat ikusteko aukera eskaintzen da.

Erakusketa hau Garabide Elkartearen (Hizkuntza-lankidetzan ari den Gobernuz Kanpoko Erakundea) eta Munduko Hizkuntza Ondarearen Unesco Katedraren arteko lankidetzaren emaitza da.

Liburuxka

Egutegia

Image

Agrégateur de contenus

GOTZON GARATE BEKAREN IV.DEIALDIA

Date de première publication: 09/03/2022

Elgoibarko Udalak, Gotzon Garate izeneko beka sortu zuen 2009an, euskararen arloko ikerketa sustatzeko, eta aldi berean, idazle eta euskalari elgoibartarrari merezitako aitorpena egiteko. Aurten, Elgoibarko Udalak bekaren IV. deialdia egin du, eta ikerketa esparrua edo gaia ondorengoa da: “Hizkuntza aniztasuna Elgoibarren: jatorri atzerritarreko bizilagunak eta euskara”.

Bekaren helburua izango da Elgoibarren bizi diren jatorri atzerritarreko pertsonek euskararekiko eta euskal kulturarekiko dituzten pertzepzioak aztertzea eta hizkuntza integrazioan laguntzeko, etorkizunean egin litekeen esku-hartzean kontuan hartu beharreko gakoak identifikatzea.

Beka deialdia GAOn argitaratu da 2022ko martxoaren 7an, eta proposamenak aurkezteko epea hilabetekoa izango da, hau da, 2022ko apirilaren 7ra artekoa. Beka hori arautzen duten oinarriak eta bekaren zabalkunderako eskuorria, eranskin gisa, helarazten dizkizuegu.

Eskabideak eta dokumentazio osagarria Elgoibarko Udalaren Arreta Zerbitzuan (HAZ, Santa Ana kalea 2, 20870 Elgoibar) aurkeztu beharko dira, edo bestela, modu telematikoan, https://uzt.gipuzkoa.eus/home.do?De=EU032127292 estekan.

Laguntzaileak

Eusko Jaularitza, Kultura Saila - Gobierno Vasco, Departamento de Cultura - Basque Government, Culture Department   Elorrioko Udala