Niketz, laztan, ezin izan zu inoiz

zahar: lehen begi-begiztatzean

bezain eder horra. Hiru negu hotz

hiru udaren galera betean,

hiru bedatse larrazken beilegi

bilakatzen hortxe ditut hauteman;

hiru Apiril Ekainek kixkali,

eta zu fresko, gaurdaino loretan.

Helas! Ederrek, erloju gisara,

urrats ezkutuz osten du beretik;

hala zu, itxura gorabehera,

abian zoaz, gordean begitik.

Kasu, bada, hi, aro jaiotzeko:

hil duk eder-uda hi sortzerako.