Bilaketa aurreratua

Ogi apurrak

Shakespeareren sonetoak Juan Garziaren ahotsean

117. Sala nazazu: ez baititut noski

Sala nazazu: ez baititut noski

zintzo kitatu zure zor ederrok,

atzenduz zure maitez hain lor ezti

zaizkidan ordain-agiri sarriok;

 

tratu ukanik ezezagunekin,

denbora xahutuz, zure kaltean;

oihalak jasoz haize ororekin,

bistatik galduz zu hain urrunean.

 

Asmo eta huts, biak jar kontuan,

froga garbiari susmoa erants;

bekozko horren aurrera eraman,

baina ez herrazko gezirik iraitz:

 

deskarguan baitut nik oro zela

frogatzeko zein zaren fin, leiala.

Nodoa: liferay1.lgp.ehu.eus