Begiak eki, Enek ez ditu, ez;

gorriz ezpainak ez koralen pare;

elurra zuri, hark bularrak bikez;

hariak hari, beltz ileak ere;

 

Bada arrosarik, gorri zein xuri:

alerik ez dager haren masailan;

laket deritzot zenbait perfumeri:

ez nahi, baina, hala hats degidan.

 

Atsegin zait mintzoz, baina aitor dut

soinu gozoago dela musika.

Jainkosarik oinez nik ez dazagut;

Enetxo, aldiz, bai, lurra ukika.

 

Bitxiago daukat neure maiteño,

hitz apain faltsuz limurtua baino.