Madarikatua ene bihotza

estiratzen duen bihotz latz hori!

Neu tormentatzea aski ez, antza,

lagun mina dit esklabotu nahi!

 

Begi krudeloz ni neure baitatik

nauzu ebatsi; gero, ni-ni hura:

ez nini, ez nihaur, ez zu gaberik,

hirutan hirukun ene tortura.

 

Preso har ni burdin bular zeurean;

niri utz, baina, Maiteren bihotza

zure bahi zaintzen bihotz neurean,

han ez bailuke kartzela hain latza.

 

Alferrik da, baina: gatibaturik,

naizen zein dudan oro zure dut nik.