Arima gaixo, lur hobentsu honen

gunea, bizkarkin trebeson jantzi,

zergatik paira bost barne-alamen

garesti margotzez hormak hain bitxi?

 

Zergatik hain epe laburrerako

jauregi galkorra horrela apain?

Harrei ondore hobea uzteko

ote haiz hi gorputzaren etxezain?

 

Bizi, arima, heure zerbitzari

horren galerez; hiretzat begi lan;

oren fits truke, lor jainkozko sari;

barnez aberats, ez eder-begian.

 

Herioz bazkat, nola hura jendez;

hala, hilik Herio, kito hiltzez.