Nondik zuk hain botere indartsua

ene bihotza ahalgabetzeko?

Ni bihurtzeko begidun itsua,

prest Egunargi bera ukatzeko?

 

Nola hain ongi dirudizu gaiztoz,

zure eginen zaborrean bertan

txunditzen bainaiz antze-trebezioz,

zure txarrena onenduz kasketan?

 

Nork dizu irakatsi maitarazten

ageriko gaitzoz geroz gaitzago?

Txarretsia dizut nik on irizten:

zuk ni txarrestea ondo ez dago.

 

Zure duinezak banau ni gogatzen,

horrek nau zure maitez duinagotzen.