Zergatik ez, bada, indartsuago

gudu egin Aldi tirano horri?

Zergatik olerki elkorrok baino

mentu hoberik ez har iraungarri?

 

Zu hala eta, lorian sasoiko,

baratze birjinok artean alfer,

zain zure lore biziz noiz jantziko,

zarenaren potret peto, zure ber.

 

Biziak zintzake lerroz birbizi,

ez Aldiren arkatz ez ene lumak,

barnez zein kanpoz zaren bezain bitxi

zaitzan bizirik bil giza begiak.

 

Zeu zarenetik emanik zeuretzat,

zeuk zenirauke zeure artelantzat.