Zuk iraunik nik banegi hil-agur;

hautsez estalirik Balbek hezurrok,

noizbait bazenitza berriz irakur

maitale hilaren lerro baldarrok,

 

kontuan har garaien hobekuntza:

edozein lumak gaint balitza ere,

maitasun hau gorde, ez hitzen hotsa,

bestek baituke hor alde dotore.

 

Gogamen hauxe aizenu orduan:

«Urteon arau balitz hazi haren

Musa, hobe zatekeen buruan

maitezko emaitza, ondu ondoren.

 

Gaurko poetak, estiloz finago;

hura zait, baina, bihotz-beteago».