Etsi dut biok bi behar dugula,

nahiz maitasun bitanezinok bat:

ditudan tatxak dituzket nik, hala,

zure parte gabe, neure huts soilak.

 

Gure maitasun bi hauek alderik

ez dute, nahiz bereizgarririk bai:

aldendu ez arren maitagunetik,

horrek zapuzten zenbait maita-garai.

 

Ez zaitut neure aitortuko jada,

ez zaitzan ene erru galduak gal;

zuk, berdin, ez ni abegiz ohora,

hain bainaiz zure izenaren itzal.

 

Utikan, ordea: hain maite zaitut,

zurea neure, izen ona baitut.