Zure gogoz nabila gau larrian

betazal astunok zuri zabalik?

Desiraz nakarzua lo errean,

zure mamuok soan kukuturik?

 

Izpiritua duzua igortzen

etxetik hain urrun, ene zelatan,

lotsari-alferraldiz zertan naizen,

jelosiazko ardura bizitan?

 

Oi!, ez da hain maitasun hori handi;

neure maitasunak nauka begi-zurt:

maitasun fin honek, kezkaz beilari,

amorez zaintzaile baitihardizut.

 

Zure zaintzan ni, eta atzartzen zu,

nigandik urrun, besteri hurrentsu.